Jueces 14:14 - Bible in Tzeltal de Oxchuc y Tenejapa

¹⁴ Te Sansón la yalbey: —Te bi ya xti'awane, loc' we'elil tey a, te bi tulane, ay bi bujts'an xchi'il loc' tey a —xi'. Ta yoxebal c'aal ma'yuc bay staojbeyic sujt'ib te c'ope.

Bible in Tzeltal Bachajón

¹⁴ Hich la yalbe: Ta jti'awan loc' we'elil tey a, ta bin ay yip loc' te bin chi', xchi. Ta yoxebal c'ahc'al ma ba hu' yu'unic sna'el te suhtibe.

Jueces 14:14 Referans Kwoze

1 Reyes 17:6

Te jojetic ich'bot bael pan soc ti'bal ta jujun sab soc ta jujun xmal c'aal. Ja' la yuch' te ya'lel beja'e.

Romanos 8:37

Manchuc teme spisil ya jtatic ta q'uinal in to, jc'axel me ya caiytic tsalaw ta swenta te Mach'a bayal c'uxotic ta yo'tane.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

2 Corintios 4:17

Melel te bila ya xc'ax jwocoltic yu'un li'to ta q'uinale, c'axel nax ay soc ma'yuc lec sc'oplal stuquel. Ja' ya jtatic bayal cutsilaltic ta c'axem to xan a ta swenta sbajt'el q'uinal.

Hechos 8:31

La yal te winique: —¿Bit'il c'an c'otuc ta co'tan te melel ma'yuc mach'a ya yac'bon jnop ta lec? —xi' te winique. Jich yu'un la yalbey wocol te Felipe te yacuc xmo sjoin ta nacleje.

San Mateo 13:11

Te Jesús la yalbey yaiyic: —Te ja'exe Dios ya yac'beyex ana'ic stojol te bit'il ay ta ajwalinel te Dios te ay ta ch'ulchan te ma'yuc ta na'el ta neelal toe. Yan te yantique, ma x'ac'bot sna'ic stojol stuquelic.

Proverbios 24:7

Te mach'a ma sna' q'uinal, ma sna' bila ya yal ta stojol juecetic, ta scaj te ma ba c'oem ta yo'tan te p'ijil c'ope.

2 Crónicas 20:25

Jich yu'un tal te Josafat soc te swinictac ta stsobel te bitic la yijq'uitay te scontroique. La staic bayal chambalametic, at'ejibaletic yu'un guerra, c'u'il-pac'aletic soc yantic bitic toyol stojolic, la yu'uninic ta spisil, c'axem to xan bayal te biluquetic te ma ju' yu'unic yich'el baele. Yu'un nix c'axem to xan mero bayal ta jyalel, te melel oxeb c'aal la stsobic te biluquetique.

2 Crónicas 20:2

Jich yu'un ay mach'atic tal yalbey yaiy: —Ta Edom, ta yan sjejch'elul Mar Muerto, tal me bayal soldadoetic te ya yac'bat guerra. Tey ayiquix tel ta Hazezón-tamar —xi' julel ta stojol. (Te Hazezón-tamar pajal soc En-gadi.)

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Jueces 14:13

Yan teme ma la awac'beyic te sujt'ibe, ja'ex me ya awac'bonic juju-jlijc' c'u'il, soc juju-jlijc' jelc'u' yu'un q'uin —la yut. La sjaq'uic: —Ala caiytic te bi ya awac' ta na'ele, ya me caiytic stojol ta jpisiltic —xiic.

Jueces 14:15

Ja' yu'un ta xchanebal c'aal ba yalbeyic te yinam Sansón: —Ac'a puersa ta sjojc'oyel te amamlal, te yacuc yalbotic ta atojol bi swentailuc te c'ope. Teme ma jichuc ya apase, ya me awich' chiq'uel soc te mach'atic ay yu'un te atate. ¿Ja' nax bal la awic'otic tel yu'un te ya apojbotic te bi ay cu'untique? —xiic.