Jueces 13:6 - Bible in Tzeltal de Oxchuc y Tenejapa

⁶ Te ants ba yalbey te smamlal: —Ay jtul winic yu'un Dios tal ta jtojol. Bayal la yac'bon xiwuc co'tan, ja' nix yilel te ch'ul abat yu'un te Cajwaltique. Ma la jojc'obey mach'a a, soc ma la yalbon.

Bible in Tzeltal Bachajón

⁶ Te ants hich baht yalbe te smamalal: Ay jtuhl winic yu'un Dios te tal ta jtojol, hich yilel te bin ut'il ch'ul a'bat yu'un Dios, mero xiweltic sba. Ma ba la joc'obe ban talem, soc ma ba la yalbon te sbihile.

Jueces 13:6 Referans Kwoze

1 Samuel 9:6

La sjac' te abate: —Tey ta lum in to ay jtul j'alwanej te buen ich'bil ta muc' yu'unique, melel spisil te bila ya yal, mero jich nix ya xc'ot ta pasel a. Conic tey a, ya wan yalbotic banti beil ya sc'an ya xbootic —xi'.

Deuteronomio 33:1

Te c'alal nopol ya xlajix a te Moisés, ja' te swinic Dios, la yalbey yutsil sc'oplal te israeletic,

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

Hechos 6:15

Jich te mach'atic nacalic ta Muc'ul Tsobleje, spisilic la stojlinbeyic ta ilel sit te Estebane. La yilic te pajal sit yelaw soc ch'ul abat yu'un Dios te site.

San Lucas 9:29

Te c'alal yac ta sc'oponel Dios a te Jesuse, c'atp'uj sit yelaw. Te sc'u'-spaq'ue xlemet nax xojobil a c'ot.

San Lucas 1:19

La yal te ch'ul abate: —Jo'on Gabrielon te ayon ta abatinel yu'un te Diose. La sticunon tel ta atojol, yu'un tal calbat awaiy in lec yach'il c'op to.

Daniel 10:11

C'opoj, jich la yalbon: —Daniel, te bayal c'uxat ta yo'tan te Diose, aiya awaiy te bila ya calbate. Jajch'an, melel te jo'one ticunbilon tel ta atojol —xi'. Te c'alal laj yo'tan yalbelon a te c'ope, te jo'one yacon ta nijq'uel a la jtejc'an jba.

Daniel 10:5

Ora nax la quil chicnaj jtul winic. Te winique sc'u'inej lino-pac', te cinturón pasbil ta puro oro.

Daniel 8:17

Jich noptsaj tel ta jts'eel. Te jo'one tal xiwel ta co'tan yu'un. La jpajc'an jba coel ta lum, la cac'bey sta lum te jti'bae. Pero jich la yalbon stuquel: —Nich'anil, na'a me bi swentail te bila la awil ya awaiye, melel ja' in to, ja' ya yalbey sc'oplal te slajibal c'aale —xi'.

2 Reyes 4:9

Te ants jich la yalbey te smamlale: —Te jo'one ya jna' te ja' ch'ul j'alwanej yu'un Dios te winic te spisil ora ya xc'axe. Te c'alal ya xtal, ya xc'ax yula'tayotic.

1 Timoteo 6:11

Ja'uc me to, te ja'at te swinicat te Diose, xi'a me spisil te bila la calixe. Ja' me xbajt' ta awo'tan te toj ya x'ainate soc te jun awo'tan ta stojol te Diose, soc te ayuc lec xch'uunjel awo'tan soc xc'uxul awo'tan soc yip awo'tan, soc te peq'ueluc ya awac' aba spisil ora.

2 Reyes 4:16

Te Eliseo jich la yalbey: —Te ja'wil ya xtal, jich bit'il ora to, apetoj meix awal a —la yut. La sjac' te antse: —Ma niwan, tatic. Ja'at te swinicat Dios, ma me xalo'layon te jo'on awabatone —xi'.

1 Reyes 17:24

Te ants jich la yal: —Yo'tic la jna'ix te mero melel te swinicat Dios, soc te bila ya awal, ja' smelelil sc'op te Cajwaltique —xi'.

1 Reyes 17:18

Te me'ba ants jich la yalbey te Elías: —Swinic Dios, ¿bi awentaon? ¿Tal bal awac'bon xan jna' te jmule, soc tal bal awac' lajuc te cale? —la yut.

1 Samuel 2:27

Jich ora c'ot jtul j'alwanej yu'un Dios ta stojol te sacerdote Elí, jich albot yu'un: —Te Cajwaltic jich la yalix: “Te c'alal ayic ta mozoinel ta Egipto yu'un faraón a te antiguo ats'umbalique, mero jamal la cac' jba ta na'el yu'unic.

Jueces 13:22

Te Manoa jich la yalbey te yiname: —Ta mero melel ya xlajotic, melel la quiltic te Diose —xi'.

Jueces 13:8

Ja' yu'un te Manoa la sc'opon te Cajwaltic, jich la yal: —Ya calbat wocol, Cajwal, te yacuc aticunbon xan tel ta jtojoltic te winic, swenta yu'un ya me yalbotic te bitic ya sc'an jpastic soc te alal ya x'ayine —xi'.

Josué 14:6

Bajt'ic ta Gilgal ta sc'oponel te Josué te sts'umbal Judá soc te Caleb te cenezeo-winic, te snich'an Jefone. Te Caleb la yalbey te Josué: —Na'a me te bi la yal Cajwaltic ta stojol Moisés, te ja' yabate, ta bay Cades-barnea, te bi la yalbotic jc'oplaltic ta jchebaltique.

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Éxodo 3:2

Tey chicnaj ta stojol a te ch'ul abat yu'un te Cajwaltique, yac ta tilel c'ajc' ta yolil jpejt' ch'ix. La yil Moisés te yac ta tilel te ch'ixe; ja'uc me to, ma xlaj ta c'ajq'uel la yil.

Génesis 32:29

Te Jacob la sjojc'obey: —¿Ja'xanat, bi abiil? —la yut. —¿Bi yu'un ya ac'anbon jbiil? —xi' te winique, soc tey la yac'bey bendición a.

Génesis 18:2

La stoy sit, la yil oxtul winiquetic teq'uelic ta stojol. C'alal la yilbey sitic, la yic' tel ta ora. Animal ba sc'opon, la stinan sba coel c'alal ta lum.

Jueces 6:11

Ta patil te ch'ul abat yu'un Cajwaltic, la snajc'an sba ta yet'al jijte' te ay ta lum Ofra, te ay ta swenta Joás, ja' te sts'umbal Abiezer. Gedeón te snich'an Joás yac ta yic'uyel ta muquen te strigo ta yawil bay ya yich' pits'el ta teq'uel te ts'usube, swenta yu'un ma me xyilic te madianetique.

Jueces 13:3

Te ants chicnaj ta stojol te ch'ul abat yu'un te Cajwaltique. Jich la yalbey: —Te ja'at ma'yuc ataoj awalatac; ja'uc me to, ya me x'alajat. Ay me ch'in querem awu'un ta patil.

Jueces 13:7

Ja' nax ya jna' te bi la yalbone, te ya jta jch'in querem-al. Ta c'alal ora yo'tic ma ba ya cuch' vino ni yantic bitic tulan uch'balil, soc te ma ba ya jwe'elin te bila ma lecuc sc'oplale. Melel te alal, yu'un laj Dios ya xc'ot, stalel laj nazareo te c'alal ma to x'ayin a ja' to c'alal ya xlaj —xi'.

Jueces 13:10

animal bajt' te antse, ba yalbey: —¡Aiya awaiy stojol, te winic la quil ta yan c'aale, chicnajix yan buelta ta jtojol! —xi'.