Jueces 13:5 - Bible in Tzeltal de Oxchuc y Tenejapa

⁵ Te ch'in alalquerem ya x'ayin awu'une ma me xju' ta loq'uesel stsotsil sjol. Melel te ch'in querem ya me x'u'uninot yu'un Dios, yu'un nix me stalel nazareo te c'alal ma to x'ayin a, swenta yu'un ja' me ya xjajch' ta yaq'uel ta libre te israeletic te bit'il ayic ta sc'ab te filisteoetique —xi'.

Bible in Tzeltal Bachajón

⁵ yu'un ya me xhahch awal, ya x'ayin aquerem-al. Ma xhu' ta loq'uesbeyel stsotsel sjol, como te querem ha nazareo ta stojol Dios ya xc'oht c'alal ta yayinab to; ya me xhahch ta scoltayel loq'uel ta sc'ab filisteohetic te Israel, xchi.

Jueces 13:5 Referans Kwoze

Números 6:5

Soc ma me sloq'ues stsotsil sjol, ya me yac' najt'ubuc ja' to me teme ts'acaj te jayeb c'aal te xchapoje, melel ch'ultesbil me spisil ora ta jtojol.

1 Samuel 1:11

Ay bi la yal ya spas ta stojol, jich la yal: —Cajwaltic te Spisil ya xju' awu'une, ayuc bit'il ya ana'bon yo'bolil jba yu'un te jwocol jo'on te abaton awu'une. Yacuc ana'on, yacuc awac'bon tel jtuluc cal, yu'un jc'axel ya cac'bat awabatin te jayeb c'aal ya xcuxin ta balumilal. Te bit'il ya cac'bat awabatin ta jc'axele, ja' me seña ya xc'ot te ma ba ya jset'bey te stsotsil sjole —xi' te Ana.

1 Crónicas 18:1

Ta patil te David la stsal te filisteoetique. La spejc'an ta xch'uunel mandal, soc la spojbey ta sc'abic te lum Gat soc te ch'in lumetic yu'une.

1 Samuel 7:13

Te filisteoetic mero tsalbilic jilel, jich ma ba la yochintaybeyic xan te sq'uinal israeletique. Te jayeb c'aal cuxul te Samuel, spisil ora controinbil yu'un Cajwaltic te filisteoetique.

2 Samuel 8:1

Patil te David la stsal te filisteoetic, jc'axel la spejc'anbey yip, soc la spojbey yat'el ta jwentainwanej ta stojol te slumalique.

San Lucas 1:15

Yu'un muc' me ya xc'ot ta stojol te Diose. Xujt' ma xyuch' vino soc te yantic tulan uch'balile. Nojelix ta yo'tan a te Ch'ul Espíritu te c'alal ya x'ayine.

Jueces 16:17

Ja' yu'un ta slajibal la yalbey Dalila te bit'il ay te bi muquen ay yu'une: —Ma'yuc mach'a sloq'uesejbon xujt'uc te stsotsil jole, melel te c'alal ma to x'ayinon u'uninbilonix yu'un a te Diose, yu'un nazareoon. Jich yu'un teme ay banti ya sloq'uesbonic te stsotsil jole, ya me xch'ay te quipe, jc'axel peq'uel ya xc'oon jich bit'il te yantic winiquetique —xi'.

Amós 2:11

Ja'ex israeletic, ma xju' ya amuc ta awo'tanic te ay la cac'bey yich' yat'elic ta j'alwanejetic soc ta nazareo te awal-anich'anique —xi' ta tulan te Cajwaltique.