Jueces 13:3 - Bible in Tzeltal de Oxchuc y Tenejapa

³ Te ants chicnaj ta stojol te ch'ul abat yu'un te Cajwaltique. Jich la yalbey: —Te ja'at ma'yuc ataoj awalatac; ja'uc me to, ya me x'alajat. Ay me ch'in querem awu'un ta patil.

Bible in Tzeltal Bachajón

³ Chicnaj ch'ul a'bat yu'un Jehová ta stojol te ants, hich la yalbe: Te ha'ate, jma'alat, mayuc ayinem awal; pero ya me xhahch awal, ya me x'ayin aquerem-al.

Jueces 13:3 Referans Kwoze

San Lucas 1:13

Ja'uc me to, c'opoj te ch'ul abate: —Zacarías, ma me xiwat. Melel la yaiybatix stojol te bit'il la ac'opon te Diose. Te awinam Elisabet ya me x'alaj. In te yale, Juan sbiil ya xc'ot awu'un.

San Lucas 1:11

Chicnaj jtul ch'ul abat yu'un te Cajwaltic ta stojol te Zacariase. Teq'uel c'oel ta swa'el scajtijib xchic'jibal pom la yil.

Jueces 13:8

Ja' yu'un te Manoa la sc'opon te Cajwaltic, jich la yal: —Ya calbat wocol, Cajwal, te yacuc aticunbon xan tel ta jtojoltic te winic, swenta yu'un ya me yalbotic te bitic ya sc'an jpastic soc te alal ya x'ayine —xi'.

Jueces 2:1

Te ch'ul abat yu'un Cajwaltic loc' ta Gilgal, bajt' ta Boquim. Jich la yalbey te israeletic: —Jo'on la jloq'uesex tel ta Egipto, la quiq'uex tel ta bay in q'uinal to te la calbey te antiguo ame'-atatique: “Ma'yuc bi ora ya jlajinbey sc'oplal te trato cu'un ta atojolic te ja'exe”, xoon.

2 Reyes 4:16

Te Eliseo jich la yalbey: —Te ja'wil ya xtal, jich bit'il ora to, apetoj meix awal a —la yut. La sjac' te antse: —Ma niwan, tatic. Ja'at te swinicat Dios, ma me xalo'layon te jo'on awabatone —xi'.

Génesis 18:10

Albot yu'un te jtule: —Jamal ya calbat, ya to me xcha'talon xan quilat ta yan ja'wil. Ja' me yorail te ya x'alaj te Sara, ja' te awiname —xi'. Te Sara ay ta bay sti' nailpac' ta spatic, jich la yaiy stojol te bi la yich' alele.

Génesis 17:16

Ya me cac'bey bendición, soc ay me awal-anich'an ya xc'oat soc. Melel me xcal, ya me cac'bey bendición. Sme' bayal ta jchajp nacionetic ya xc'ot, ya xchicnaj ta swenta bayal ta jtul ajwaliletic —xi' sc'oplal.

1 Samuel 1:20

Tey ora ayix jilel yal a te Ana. La sta yorail, ayin te yale. Samuel sbiil la yac'bey, ja' yu'un te ja' sc'anojbey te Cajwaltique.

Jueces 13:10

animal bajt' te antse, ba yalbey: —¡Aiya awaiy stojol, te winic la quil ta yan c'aale, chicnajix yan buelta ta jtojol! —xi'.

Jueces 13:6

Te ants ba yalbey te smamlal: —Ay jtul winic yu'un Dios tal ta jtojol. Bayal la yac'bon xiwuc co'tan, ja' nix yilel te ch'ul abat yu'un te Cajwaltique. Ma la jojc'obey mach'a a, soc ma la yalbon.

Jueces 6:14

Te Cajwaltic la yilbey sit, jich la yalbey: —Ac'a aba ta abatinel soc te awipe, yu'un ya sc'an te ya xbaat ta scoltayel te israeletic ta sc'ab te madianetique. Jo'on ya jticunat bael —xi' te Cajwaltique.

Jueces 13:15

Te Manoa ma ba sna'oj stojol teme ja' te ch'ul abat yu'un Cajwaltic, jich la yalbey: —Wocoluc a, joinawotic xan, ya jchajbanbat ati' ch'in tentsun —la yut. Ja'uc me to, te ch'ul abat la yal: —Manchuc me ya jcom jba, ma xju' ya jtuuntesbat te awe'ele; ja'uc me to, ya xju' ya achic'bey smajt'anin Cajwaltic te ch'in tentsune —xi'.

Génesis 18:14

Ma'yuc bi wocol ta pasel yu'un te Diose. C'alal ya sta yorail, ya me sujt'on tel ta atojol. Ja' me yorail ya x'ayin yal a te Sara —xi'.