Jueces 12:5 - Bible in Tzeltal de Oxchuc y Tenejapa

⁵ Te yajwal Galaad ba scanantayic te tec'oja'etic ta muc'ja' Jordán swenta ma xcolic bael te efrainetique. C'alal ay efraín-winic te tal ta anel, te la sc'an permiso te ya xc'axe, la me sjojc'obeyic teme ay ta swenta Efraín. Teme la yal te ma ja'uc,

Bible in Tzeltal Bachajón

⁵ Te winiquetic yu'un Galaad la yich'ic te banti ya xhu' ta teq'uel te muc'ul-ha' Jordán te ya xbahtic ta Efraín. Te mach'atic yu'un Efraín te yaquic ta ahnel bahel, c'alal ya yalic: Ac'awon sohlel, teme xchihique, te winiquetic yu'un Galaad ya sjoc'obeyic: ¿Ha'at bal efrain-winicat? xchihic. Teme ya yal te ma ha'uc,

Jueces 12:5 Referans Kwoze

Jueces 3:28

Te Aod la yalbey te ya me sts'aclinic bael, melel te Cajwaltic ya yac'bey stsal te scontroique, ja' te moabetique. Jich la sjoinic bael. La yich'ic te tec'oja' yu'un Jordán, soc ma'yuc mach'a la yac' c'axel jtuluc.

Josué 22:11

Te yantic israeletic c'ot c'op ta stojolic te bit'il te sts'umbal Rubén, Gad soc te olil sts'umbal Manasés la sts'ajc'uyic scajtijib ta chiq'uel majt'anil ta sti'il sq'uinal Canaán ta ti'ja' Jordán ta bay sq'uinalic te israeletique.

Jueces 7:24

Te Gedeón la sticun c'op ta witstiquil yu'un Efraín, la yal bael mandal te Efraín-winiquetic te ac'a coicuc tel ta yac'beyel guerra te madianetique. Ja' me ac'a ba smaquic ta bay tec'oja' ta Bet-bara soc ta Jordán te c'alal ma to xc'ot stuquelic a. Te sts'umbal Efraín la xch'uunic te mandale.

Josué 2:7

Te winiquetic yu'un te ajwalile ba sleic c'alal ta muc'ja' Jordán, c'otic c'alal ta bay tec'oja'etic. Te c'alal nax loc' te jnutswanejetique, la yich' maquel sti'il sts'ajc'ul te lume.

Jueces 12:4

Jich yu'un te Jefté la stsob spisil te yajwal Galaad, la yac'bey sbaic guerra soc te efrainetic soc la yaiy tsalaw stuquelic. (Te efrainetic yalojbeyic sc'oplal te yajwal Galaad te ayic ta swenta ta neelal te Efraín soc te la yijq'uitayic jilele.)

Jueces 12:6

ja' prueba ya x'ac'bot yal te “Shibolet”. Teme la yal loq'uel ta ye te “Sibolet”, scaj te ma xju' yu'un yalel te bit'il ya sc'an alele, la yich'ic stsaquel ta ora, soc tey me la yich'ic milel a ta bay sts'eel te tec'oja'etic ta Jordán. Te efrainetic ay lajic cheb yoxwinic ta jmil (42,000) winiquetic.

Jueces 17:7

Ta lum Belén ta sq'uinal sts'umbal Judá ay jtul muc'ul querem talem ta q'uejel, te sts'umbal Leví.

1 Samuel 1:1

Ta switsul sq'uinal sts'umbal Efraín ay lum Ramá sbiil ta banti nain jtul winic Elcana sbiil, sts'umbal Zuf. Jeroham te state, Eliú sbiil te xcha'lamal smame. Te yoxlamal smame Tohu sbiil, snich'an Zuf, sts'umbalic Efraín.

1 Reyes 11:26

Ja' nix jich te Jeroboam snich'an Nabat, la stoy sba ta stojol te muc' ajwalile. Te Jeroboam ja' nix abat yu'un te muc' ajwalil Salomón, sts'umbal Efraín, te ja' slumal te lum Sereda. Me'ba ants te sme'e, Zerua sbiil.