Jueces 11:39 - Bible in Tzeltal de Oxchuc y Tenejapa

³⁹ C'alal ts'aquej te c'aal yu'une, jich a sujt' bael ta stojol te state. Te state la sc'otes ta pasel te bila xchapoj ta stojol te Cajwaltique. Te yantsil-nich'an Jefté ma'yuc bay la sjoin ta wayel winic te c'alal laj baele.

Bible in Tzeltal Bachajón

³⁹ C'alal ts'acay te cheb u, suht tal ta stojol te state. Ha la spas te bin jc'axel yaloj ta jamal te ya spase. Mayuc bin ora tahot ta winic te ach'ixe.

Jueces 11:39 Referans Kwoze

Jueces 11:31

ya cac'bat achic'bil majt'anin te mach'a neel ya xloc' tel ta jna stabelon ochel te c'alal ya sujt'on tel ta guerra —xi'.

Isaías 66:3

Ja'uc me to, ay mach'atic ya smilbonic jcojt' wacax, soc ya smilic jtul winic; ya sbojbeyic snuc' jcojt' me' chij soc ya sts'otbeyic snuc' jcojt' ts'i'; ya yac'bonic trigo soc xan xch'ich'el chitam; ya xchic'bonic pom, soc ya xch'uunic loc'omba. Te mach'atic ya stsaic ta pasel te bila ilaybile, toyol yo'tan yu'un ta spisil.

1 Samuel 2:18

Pero te ch'in querem Samuel jun yo'tan yac'oj sba ta abatinel yu'un te Cajwaltic, sc'u'inej efod pasbil ta lino-pac'.

1 Samuel 1:28

Te jo'one cac'ojbeyix ta stojol te Cajwaltique. Te jayeb c'aal cuxul, ja' me yu'un stuquel te Cajwaltique —xi'. Te Elí la squejan sba ta yalel wocol ta stojol te Cajwaltic, la stinan sba coel c'alal ta lum.

1 Samuel 1:24

Te c'alal la yijq'uitay te xchu'e, manchuc me alal to a, pero la yic' bael ta templo yu'un Cajwaltic ta Silo. Soc la yic' bael oxeb toroetic, cheb xcha'winic (22) litro trigo, soc jpojc' nujc'ul pulbil ta vino.

1 Samuel 1:22

pero te Ana ma ba bajt' stuquel, yu'un jich la yalbey te smamlale: —Te jo'one ma to xboon. Ja' to ya xboon a teme jil xchu' te alale, ja' to me ya quic' bael a, swenta yu'un ya me cac'bey ta sc'ab te Cajwaltic, soc tey me ya xjilix ta jc'axel a —la yut.

1 Samuel 1:11

Ay bi la yal ya spas ta stojol, jich la yal: —Cajwaltic te Spisil ya xju' awu'une, ayuc bit'il ya ana'bon yo'bolil jba yu'un te jwocol jo'on te abaton awu'une. Yacuc ana'on, yacuc awac'bon tel jtuluc cal, yu'un jc'axel ya cac'bat awabatin te jayeb c'aal ya xcuxin ta balumilal. Te bit'il ya cac'bat awabatin ta jc'axele, ja' me seña ya xc'ot te ma ba ya jset'bey te stsotsil sjole —xi' te Ana.

Deuteronomio 12:31

Ma me jichuc xapasic ta stojol te Cajwaltic te Dios cu'untique. Melel te bila mero ilaybil sba ta sit te Cajwaltic, te ma xcujch'ix yu'une, ja'ic te bitic ya spasic ta swenta xch'uunel te diosetic yu'unic te nacionetique. Melel mero jc'axel ya xjelawiquix a, asta te ch'in alaletic yu'unic ya smilbeyic ta c'ajc' smajt'anin te loc'omba yu'unique.

Jueces 11:38

Te Jefté la yac'bey te cheb u. Jich been, la sjoin xan ta beel ta witstiquil te sjo'tac ta ach'ixil. Yac ta oq'uel, melel ma ba nujbinem a te ya xlaj baele.

Jueces 11:40

Jich yu'un te israeletic spisil ja'wil ya xbajt'ic te ach'ixetic ta yoc'tayel te yantsil-nich'an Jefté, chaneb c'aal te jujun ja'wile.

2 Crónicas 35:25

Te Jeremías la xchajban sc'ayojil anima ta swenta yich'el ta muc'. Ja' to c'alal ora yo'tic ta spisilic te c'alal ya xc'ajinic te ants-winiquetic, tey ya sna'ic a te Josías ta swenta te c'ayojetic yu'un mel-o'tan. Te c'ayojetique ya to sc'ajintayic spisil ora te israeletic, soc ts'ibubilic ta bay libro te sc'ayojil animaetique.