Jueces 11:36 - Bible in Tzeltal de Oxchuc y Tenejapa

³⁶ Te ach'ix la sjac': —Tat cu'un, pasa ta jtojol te bila achapoj ta stojol te Cajwaltic, melel c'otix ta pasel yu'un te bit'il la yac'bat atsal te acontroe, ja' te amonetique.

Bible in Tzeltal Bachajón

³⁶ La yal te ach'ix: Jtat, teme ay bin awaloj ta jamal ta stojol Jehová, pasbon te bin awaloj, te bin ut'il Jehová la ya'bat atsal acontra, ha te amonetic, xchi.

Jueces 11:36 Referans Kwoze

2 Samuel 18:19

Te Ahimaas snich'an Sadoc jich la yalbey te Joab: —Wocoluc, ac'awon bael ta animal ta yalbeyel te muc' ajwalil te bi c'otix ta pasel ta stojol yu'un te Cajwaltic, te bit'il coltayotix ta sc'ab yu'un te scontro —xi'.

Filipenses 2:30

Melel jteb ma laj yu'un te bit'il la yac' sba ta abatinel ta stojol te Cristoe. Ja' te bit'il ma la xc'uxtay sba te la yac' sba ta abatinel cu'une. Ja' la ajelolinic te bit'il ma ju' awu'unic te tal awac' abaic ta abatinel cu'une.

Romanos 16:4

Ja'ic te c'an yac' sbaic ta lajel cu'un, jich colon ta swentaic. Jich yu'un te jo'on soc spisil te jyanlum jch'uunjeletic, bin nax co'tantic yu'unic.

Hechos 21:13

Ja'uc me to, la yal te Pabloe: —¿Bi yu'un ya x'oq'uex? ¿Bi yu'un ya awac'bonic jmel co'tan? Te jo'one, jun co'tan chican teme chuquel o milel ya xc'o quich' ta Jerusalén ta swenta te Cajwaltic Jesuse —xi'.

Hechos 20:24

Ja'uc me to, ma ba ya jmel co'tan yu'un. Ma'yuc sc'oplal te bit'il ay te jcuxlejale. Ja' nax ay sc'oplal ta co'tan te bin nax co'tan ya jloq'ues te jayeb c'aal ay ta jwenta, ja' to c'alal te ya xc'ot coraile, soc te ya ju'tes cat'el te yac'ojbon ta jwenta spasel te Cajwaltic Jesuse, ja' bi ja' te la yac'bon ta jwenta yalel sc'oplal te jcoleltic ta swenta nax yutsil yo'tan cu'untic te Diose.

2 Samuel 19:30

Pero te Mefi-boset la sjac'bey: —Ac'a yich' jilel spisil. Te bi bayal sc'oplal ta co'tane, ja' te bit'il buen lec ayat a sujt'at tel ta ana —xi'.

2 Samuel 18:31

Ora jul talel te etiope-winic, jich la yal: —Muc' ajwalil, aiya awaiy bi lec c'ot ta pasel: Te Cajwaltic ja' la spasix te bi toj ta pasel ta atojole, melel la scoltayatix ta sc'ab te mach'atic la scontroinate —xi'.

Números 30:2

te c'alal ay mach'a ya xchap sc'op ta stojol Dios, o teme ay bila jc'axel ya yal ta jamal te ya spase, ya me sc'an sc'otes te sc'ope, ya me spas spisil te bila yaloje.

Josué 12:2

Ja' te sq'uinal Sehón, ajwalil yu'un amorreoetic, te nainem ta lum Hesbón. Ja' mandalaj c'alal ta lum Aroer ta sti'il tel muc'ja' Arnón, soc ja' to ta yolil stenlej xatal q'uinal te muc'ja' Jaboc, ta bay jajch'em tel sq'uinal te amonetique. (Jteb ma sta olil te sq'uinal Galaad.)