Jueces 11:35 - Bible in Tzeltal de Oxchuc y Tenejapa

³⁵ Jich yu'un te c'alal la yile, la xch'i' sc'u' yu'un mel-o'tan, jich la yal: —¡Ay, cantsil-nich'an, mero ya x'oc' co'tan awu'un! Ja'at ta awenta te bayalix ayon ta mel-o'tan awu'un. Yu'un ay bi la jchap ta stojol Cajwaltic, jich yu'un ya me xc'ot ta pasel cu'un yo'tic —la yut.

Bible in Tzeltal Bachajón

³⁵ C'alal hich la yil, la sch'i' sc'u' yu'un, soc hich la yal: ¡Ay, cantsil-nich'an, ta mero melel la awa'bon jwocol! Ha'at nix ta acuenta te ay bin c'ux ya ca'iy, yu'un ay bin la jcal ta jamal ta stojol Jehová, ma xhu' ya jsut te jc'ope, xchi.

Jueces 11:35 Referans Kwoze

Salmos 15:4

ja' te mach'a ya yilay te mach'a ay bila amen spasoje; ja' te ya yich' ta muc' te mach'a yich'oj ta muc' te Cajwaltique; ja' te mach'a ya xc'ot ta pasel yu'un te bila yaloj manchuc me ya sta swocol yu'un;

Job 1:20

Te Job la stejc'an sba, bayal xc'uxul mel-o'tan la yaiy. La xch'i' sc'u' yu'un, la sjox te stsotsil sjole, la squejan sba ta lum, la sc'opon Dios.

2 Samuel 18:33

Te muc' ajwalil la spich' sba yo'tan yu'un. Mo bael ta jtsal na te ay ta sba te yochibal lume, och ta buen oq'uel. Te c'alal yac ta beel moel, jich yac yalel: “¡Absalón, jnich'an! ¡Absalón, jnich'an! ¡Lec te ja'uc lajon ta awenta! ¡Jnich'an Absalón, jnich'an!” xi' ta oq'uel.

Hechos 23:14

Jich la sc'oponic te wolwanej-sacerdoteetic soc te principaletic yu'un te judioetique, jich c'o yalic ta stojol: —Te jo'otique la jchaptiquix jc'optic te ya me yac'botic castigo te Diose teme ya xwe'-x'uch'ajotic te bit'il ma to xlaj ta milel cu'untic a te Pabloe.

2 Samuel 3:31

Patil te David la yalbey mandal te Joab soc te jayeb mach'atic sjoineje: —Jatsa ac'u'ic, lapaic ch'ixal pac'. Oq'uetayaic me te Abner —xi'. Te muc' ajwalil David ay bael ta spat te xchajch'anteal.

Números 14:6

Te Josué soc Caleb te ja'ic xc'otuc yilic tel te q'uinale, la xch'i' sc'u'ic ta seña xc'uxul mel-o'tan.

Josué 7:6

Te Josué soc te mamaletic yich'oj yat'elic yu'un Israel, la xch'i' sc'u'ic yu'un, la yaq'uic tan ta sjolic swenta seña xc'uxul mel-o'tan, soc la stinan sba coel c'alal ta lum ta stojol te cajón yu'un te Cajwaltic, ja' to c'alal ch'ay bael te c'aale.

Salmos 66:13

Ya me x'ochon ta templo awu'un, ya me jchic'bat majt'anil ta atojol; jich ya xc'ot ta pasel cu'un a te bila caloj ta atojole,

Salmos 66:14

ja' te bila caloj ta jamal te c'alal ayon ta woclajel a.