Jueces 11:3 - Bible in Tzeltal de Oxchuc y Tenejapa

³ Jich yu'un te Jefté an loq'uel ta stojol te yermanotaque, ba ainuc ta bay q'uinal te Tob sbiile. Tey la stsob milawetic a te ya xloq'uic bael ta spasel bol at'elil soque.

Bible in Tzeltal Bachajón

³ Ha yu'un te Jefté loc' ta ahnel ta stojol te yermanotac, baht ta nahinel ta sq'uinal Tob, te banti la stsob chopol winiquetic te loq'uic bahel soque.

Jueces 11:3 Referans Kwoze

Jueces 9:4

Te yajwal Siquem la yich'beyic bael lajuneb xchanwinic (70) ta jsejp plata te la sloq'uesic ta templo yu'un Baal-berit, la yac'beyic te Abimelec. Ja' yu'un ja' la stoj a te jmilawetic te ya xjoinotic bael yu'une. Te winiquetic bajt'ic soc

2 Samuel 10:8

Te amonetic talic, la xchajban sbaic yu'un guerra tey nix ta yochibal te lume. Jich nix te soldado-siriaetic talemic ta Soba soc ta Rehob, soc te soldadoetic yu'un Is-tob soc Maaca c'o yac' sbaic ta aquiltic.

2 Samuel 10:6

Te amonetic la sna'ic te bolob yo'tan ta stojolic te David. Ba yic' sjoinic jtab ta jmil (20,000) soldado-siriaetic ta Bet-rehob soc ta Soba, soc te muc' ajwalil ta Maaca la yac' jmil (1,000) swinictac, soc ac'botic lajchaymil (12,000) winiquetic yu'un Is-tob.

1 Samuel 22:2

Soc bajt'ic te mach'atic c'ux obol sbaic, te mach'atic ay sbetic, soc te mach'atic ma lecuc yo'tanic ta stojol Saúl, ja' jtsobwanej c'ot yu'unic te David. Ta spisil te jayeb la stsob te David, ay wan jbajc' ta jtul (400) ta spisilic te winiquetique.

Hechos 17:5

Yan te judioetique jajch' slab yo'tanic yu'un. Jich la yiq'uic tel ch'ajil winiquetic te jo'wil nax xtec'lajanic ta calle te amen yo'tanique, la yac' stsob sbaic tel ta yawtayel te lume. Jich jajch' bayal c'op ta bay spamal te lume. Jich la yochintaybeyic sna te Jasone ta sleel te Pablo soc te Silase, yu'un ya yiq'uic loq'uel yaq'uic ta sc'ab te ants-winiquetique.

1 Samuel 27:2

Ja' yu'un te David soc te lajunwinic xcha'bajc' (600) swinictac joinbil yu'une, jajch'ic ta beel. Ba yac' sbaic ta abatinel yu'un Aquis snich'an Maoc, muc' ajwalil ta lum Gat.

Jueces 11:2

Te yinam Galaad ay yantic yalatac. Te c'alal muc'ubic, la stenic loq'uel ta sna te Jefté. La yalbeyic te ma'yuc ta swenta sna stat, ta scaj te yal te yan antse.