Jueces 11:27 - Bible in Tzeltal de Oxchuc y Tenejapa

²⁷ Ma'yuc bi amen jpasojtic ta atojol. Ja'at me atuquel te ma lecuc bila ya xtal apasbotic ta jtojoltic, te ya xtal awac'botic guerra. Ja'uc me to, te Cajwaltic ja' me juez stuquel, ya me yilbey yat'el te israeletic, soc nix te amonetique”, xi'.

Bible in Tzeltal Bachajón

²⁷ Ha yu'un mayuc jmul ta atojol, pero te ha'ate chopol bin yac apas yu'un te yac awa'bon guerra. Te Jehová, te ha juez stuquel, ac'a schahpan yo'tic te snich'nab Israel soc te snich'nab Amón, xchi te Jefté.

Jueces 11:27 Referans Kwoze

1 Samuel 24:15

Ja' yu'un ay ta swenta soc ja' ac'a xchajbanotic ta jchebaltic stuquel te Cajwaltique. Ja' ac'a yil stuquel te bi ay ta jwenta, soc ac'a scoltayon ta ac'ab —xi' te David.

1 Samuel 24:12

Ja' ac'a xchajbanotic ta jchebaltic te Cajwaltic, soc ja' ac'a sujt'es spacol ta atojol stuquel. Yan te jo'one ma'yuc bi ora ya xyal jc'ab ta atojol.

Génesis 18:25

Ma niwan jichuc ya apas te pajal ya amil te mach'atic ma'yuc smulic soc te mach'atic ay smulique, ma niwan jichuc awo'tan te pajal c'oem sc'oplalic awu'un. ¿Ma bal lecuc ya yaiy chajbanwanej te Mach'a swentainej chajbanwanej ta spamal te balumilale? —xi'.

Génesis 16:5

Jich yu'un te Sarai la yalbey te Abram: —Ja'at me ta awenta te bit'il ay jwocol. La cac'bat ajoin ta wayel te jcriada; ja'uc me to, te bit'il yic'ojix yal, ma'yuc jc'oplal ta yo'tan. Dios me ya yac' ta na'el stojol mach'a smul, teme ja'ate, o teme jo'one —xi'.

Génesis 31:53

Ja' me ya yilotic te Dios yu'un te amam Abraham soc te Dios yu'un te jmam Nacor —xi'. Jich la yal ta jamal te Jacob ta stojol te Dios te yich'oj ta muc' te state, ja' te Isaaque.

2 Timoteo 4:8

Ta ora to, ja' xanix ya jmaliy te jcorona te bit'il toj ainon ta q'uinale te q'uejbil yu'un te Cajwaltique, te ya yac'bon te c'alal ya sta sc'aalelal te ya xcha'tal xane. Melel ja' lequil juez stuquel te toj ya xchajbanwane. Ma jo'ocon nax jtuquel te ya yac'bon jmajt'ane, melel ya yac'bey smajt'an uuc spisil mach'atic bin nax yo'tanic ta smaliyel te bi ora ya xchicnaj tele.

2 Corintios 5:10

Melel jpisiltic ya me xc'o jtejc'an jbatic ta bay chajbajibal yu'un te Cristoe, swenta yu'un juju-jtul ya me yich' te bila ya xc'ot ta swentae, chican te bila spasoj te c'alal snainej to a te sbaq'uetale, chican teme leque o teme ma lecuque.

Eclesiastés 11:9

Mulanbeya yutsil acuxlejal jch'ieletic, aiybeyaic yutsilal te ach'ielique; melel buen lec to xan ayat, soc ya to xju' awu'un. Pasbeya te bi ya smulan te awo'tane, soc ta spisil te bitic ya awile. Pero ya me sc'an te ya ana' te Dios ya yich'bat ta wenta spisile.

Salmos 98:9

ta stojol te Cajwaltic. Melel ya xtal ta mandalteswanej ta spamal balumilal; ya xmandalaj ta swenta stojil-o'tanil, soc mero pajal ya xc'uxtaywan.

Salmos 94:2

Ja' jchajbanwanejat ta balumilal atuquel; jajch'an tel, la', ila aba soc te mach'atic stoyoj sbaique, ac'beya stojic te bit'il ya sc'ane.

Salmos 82:8

Dios cu'un, chajbana aba ta xchajbanel te mach'atic ayic ta q'uinale, melel ja'at yajwalat ta spisil te nacionetique.

Salmos 75:7

Melel ja' Jchajbanwanej stuquel te Diose; ay me mach'atic ya spejc'an, soc ay me yantic ya stoyes.

Salmos 50:6

Te ch'ulchan ya yac' ta na'el te ja' toj ya xchajbanwan te Diose.

Salmos 7:11

Toj yat'el ta chajbanwanej stuquel te Diose; spisil ora ilinem yu'un te mach'atic amen yat'elique.

Job 23:7

ya sna' te melel te bila ya cale; ya me yalon ta jamal te ma'yuc bila amen jpasoj, ya me yac'on ta libre sbajt'el q'uinal.

Job 9:15

Manchuc me mero ma'yuc jmul, pero ma xju' ya jac'; ja' juez cu'un stuquel, ja' nax ya calbey sna'bon yo'bolil jba.

1 Samuel 2:10

Te Cajwaltic ya me swuy te scontro; c'alal ta ch'ulchan ya yac'bey coel tel chawuc ta stojolic. Te Cajwaltic ya me yalbey bi yilel yat'el te mach'atic ayic ta swolol te balumilale; ya me yac'bey xan yip te muc' ajwalil tsabil yu'une, ya me yac' muc'ubuc xan te yip yu'ele —xi' te Ana.

Hebreos 12:23

te stsoboj sbaic ta sc'ajintayel te Diose, soc ta bay stsoboj sbaic te sbabial alnich'anetic yu'un Dios te nacal sbiilic ta bay te ch'ulchane. Soc noptsajemex ta stojol te Diose te Jchajbanwanej yu'un spisil te ants-winiquetique, soc ta bay ay xch'ulelic te mach'atic xch'uunejbeyic smandal Dios te utstesbilic ta jc'axel yu'une,

2 Corintios 11:11

¿Bi yu'un te jich ya cale? ¿Yu'un bal ma c'uxuquex ta co'tan te ja'exe? Te Diose sna'oj te bayal c'uxex ta co'tane.

Eclesiastés 12:14

Dios me ya yich'botic ta wenta spisil te cat'eltique, manchuc me lec o ma lecuc, manchuc me muquen la jpastic.

Jueces 11:28

Manchuc me jich la yal bael te Jefté, te muc' ajwalil yu'un te amonetic ma ba la yich'bey ta muc'.

2 Crónicas 20:12

Dios cu'untic, ¿ma bal yacuc awac'bey castigo? Melel te jo'otique ma me ayuc quiptic te ya cac'bey jbajtic guerra soc te bayal soldadoetic te ya xtal yac'botic guerra. Ma jna'tic bila ya jpastic yu'un. Jich yu'un ja' nax me cac'oj jsitic ta atojol te ja'ate —xi' ta sc'oponel Dios te Josafat.

1 Samuel 24:13

Ay jun antiguo c'op te jich ya yal: “Ta yo'tan mach'atic amenic ya xloc' tel te bi amene”, te xie. Ja' yu'un te jo'on ma'yuc bi ora ya xyal jc'ab ta atojol.

1 Samuel 24:16

Te c'alal laj yo'tan ta c'op te David, jich la yal te Saúl: —¿Ja'at bal jiche, jnich'an David, te yac ac'oponbelone? —xi'. Jajch' ta oq'uel te Saule,