Jueces 11:26 - Bible in Tzeltal de Oxchuc y Tenejapa

²⁶ Ayix jo'lajunwinic (300) ja'wil te ainemotic ta Hesbón, ta Aroer soc ta ch'in lumetic te nopol ayic soque, soc ta spisil te lumetic ta sti'il te muc'ja' Arnón. ¿Bi yu'un ma ba c'opojex tel yu'un te q'uinal te xc'axel tel c'aale?

Bible in Tzeltal Bachajón

²⁶ Ayix ho'lajunwinic (300) ha'bil te nahinem Israel ta Hesbón soc te tut pueblohetic yu'un, ta Aroer soc te tut pueblohetic yu'un, soc spisil te pueblohetic ta sti'il uc'um Arnón, ¿bin yu'un ma ba la awich'ic xan ta hich ora?

Jueces 11:26 Referans Kwoze

Deuteronomio 2:36

Jajch' ta lum Aroer te ay ta nopol muc'ja' Arnón, soc te lum ay ta stenlej xatal q'uinal, c'alal ta Galaad, ma'yuc ni junuc lum te ju' yu'un scoltaybel sba ta jc'abtique. Ja' te Cajwaltic Dios cu'untic te la yac'otic ta stsalaw ta stojolic ta spisilique.

Jueces 10:8

Ja' yorail te jajch' te swocolique. Waxaclajuneb ja'wil te filisteoetic soc te amonetic buen tulan uts'inel la yac'beyic ta spisilic te israeletic te nainemic ta Galaad ta jejch' ja' Jordán, ta sq'uinal amorreoetic.

Jueces 9:22

Te Abimelec mandalaj ta stojol israeletic oxeb ja'wil.

Jueces 8:28

Jich te madianetic lajic ta tsalel yu'un Israel, jc'axel la yich'ic pejc'anel yu'un. Ma'yuc banti la stoy sbaic xan ta stojol Israel ta patil. Jc'axel lamaj q'uinal cha'winic (40) ja'wil te c'alal cuxul a te Gedeón.

Jueces 5:31

“Cajwal, jichuc me ac'a yich' jinel ta spisil te acontro, ja' ac'a xojobajuc te mach'atic c'uxat ta yo'tanic jich bit'il te c'aal ta spisil xojobil”, xiic ta c'ayoj te Débora soc Barac. Ta patil lamaj ta jc'axel te c'op ta bay te q'uinale, ja' to c'alal loc' cha'winic (40) ja'wil.

Jueces 3:30

Awaiy bit'il la yich'ic stsalel te moabetic yu'un te israeletique. Ta patil chanwinic (80) ja'wil lamaj c'op ta bay te q'uinale.

Jueces 3:11

Ta patil ay cha'winic (40) ja'wil lamaj c'op ta bay te q'uinale. Ta patil laj te Otoniel.

Josué 23:1

Bayal xan c'aal ta patil te ac'botix lamajuc q'uinal ta stojolic te israeletic yu'un te Cajwaltique, te Josué mamalix a.

Josué 13:10

Ja' spisil te lumetic yu'un te Sehón, te anima muc' ajwalil amorreo yu'un lum Hesbón, ja' to c'alal ta sts'ajc' sq'uinal te amonetique.

Josué 12:5

Ja' mandalaj c'alal ta wits Hermón, ja' to ta lum Salca soc spisil te sq'uinal Basán, ja' to ta bay c'axem sti'il sq'uinal Gesur soc Maaca, soc ja' to ta olil xan sq'uinal Galaad, te ja' yu'un te Sehón ta neelal, te muc' ajwalil yu'un lum Hesbón.

Josué 12:2

Ja' te sq'uinal Sehón, ajwalil yu'un amorreoetic, te nainem ta lum Hesbón. Ja' mandalaj c'alal ta lum Aroer ta sti'il tel muc'ja' Arnón, soc ja' to ta yolil stenlej xatal q'uinal te muc'ja' Jaboc, ta bay jajch'em tel sq'uinal te amonetique. (Jteb ma sta olil te sq'uinal Galaad.)

Josué 11:18

Te Josué bayal nix c'aal la yac'bey guerra te muc' ajwaliletique.

Deuteronomio 3:6

La cat'elintic slajinel, jich nix te bit'il la jpasbeytic te Sehón, te muc' ajwalil yu'un lum Hesbón. Spisil la jlajintic winiquetic, antsetic soc alaletic,

Deuteronomio 3:2

“Te Cajwaltic jich la yalbon: “Ma me x'axi', melel cac'ojbatix ta ac'ab te Og, te soldadoetic yu'un soc te slum-sq'uinale, swenta yu'un jich nix ya apasbey te bit'il la apasbey te Sehón, te muc' ajwalil yu'un amorreoetic, te nain ta Hesbón”, xi'.

Deuteronomio 2:24

La yal xan te Cajwaltic: “¡Conic, jajch'anic ta beel, c'axanic bael ta jejch' ja' Arnón! Jo'on me ya cac'beyex ta ac'abic te amorreo-winic te Sehón sbiile, te ja' muc' ajwalil yu'un lum Hesbón, soc nix ta spisil te slum-sq'uinale. ¡Ochanic bael ta sq'uinal, ac'beya guerra ta ora!

Hechos 13:19

Soc la sjin te jucchajp nacionetic te ayic ta sq'uinal Canaán, yu'un la yac'bey ta swentaic te q'uinale.

Josué 13:16

Te sq'uinalic, ja' jil ta swentaic c'alal ta lum Aroer te ay ta sti'il ja' Arnón, soc te lum te ay ta yolil stenlej xatal q'uinal yu'une, soc spisil te spamlej ta sba wits yu'un Medeba,

Josué 13:17

ja' to ta lum Hesbón soc spisil te lumetic te ayic ta spamlej te sba wits: ja' te Dibón, Bamot-baal, Bet-baal-meón,

Jeremías 48:19

Lum Aroer, tejc'ana aba ta ti'be, soc ilawil; jojc'obeya awaiy te mach'atic cuxulic toe, bila a te c'oem ta pasele.