Jueces 11:24 - Bible in Tzeltal de Oxchuc y Tenejapa

²⁴ Teme ja' te dios awu'unic, te Quemós sbiil, ya yac'beyex jtebuc q'uinal te ya awu'uninique, ja' awu'unic nix ya xc'ot a, ¿me jichuc? Jich te jo'otique, cu'untic nix c'ot a te bi la yac'botic te Cajwaltique.

Bible in Tzeltal Bachajón

²⁴ Te bin ya ya'bat awu'untay te Quemos te dios awu'un ¿ma bal yac awu'untay? Ha nix hich spisil te bin ya ya'botcotic Jehová te Dios cu'uncotic ya me cu'untaycotic.

Jueces 11:24 Referans Kwoze

Números 21:29

¡Obol aba, ja'at Moab! ¡Ch'ayematix, te lumat yu'un dios Quemós! La spijt'esbat jilel te winiquetic awu'un, loq'uic ta anel, te antsetic awu'unic ochic ta sc'ab te muc' ajwalil Sehón.

Miqueas 4:5

Te yantic lumetic ya xch'uunbeyic sc'op te bitic diosinbil yu'unique; yan te jo'otique ya me jch'uunbeytic sc'op te Cajwaltic te Dios cu'untique.

Salmos 78:55

La sloq'ues ta stojol Israel te mach'atic ma ba ch'uunbil yu'une; ta juju-jchajb sts'umbal Israel la spucbey ta sejpelsejp te q'uinale, soc la yac' nainuc ta scampamentoic.

1 Reyes 11:7

Ja' nix ta yorail a, te Salomón la spas toyol ch'uunjibaletic ta wits te ay ta stojol sloq'uib c'aal yu'un Jerusalén te banti ya yich' ich'el ta muc' te loc'omba te mero ilaybil sba te yich'ojic ta muc' te moabetic, te Quemos sbiile, soc nix te yan loc'omba te mero ilaybil sba te Moloc sbiil, te ja' yich'ojic ta muc' te amonetique.

Josué 3:10

Ja' laj me seña te ay ta coliltic te cuxul Diose. Ja' te bit'il c'alal ya xc'axotic baele, ya laj me xjajch' sticunbotic loq'uel te cananeoetic, hititaetic, heveoetic, ferezeoetic, gergeseoetic, amorreoetic soc te jebuseoetique.

Deuteronomio 18:12

Melel te Cajwaltic yilayej te mach'atic jich ya spasique. Melel te Cajwaltic Dios cu'untic ya xch'ojbeyex loq'uel ta atojolic te nacionetique, ja' ta scaj te ay jich te amen costumbreetic yu'unique.

Jeremías 48:46

¡Obol aba ja'at Moab! ¡Lum yu'un Quemós, ch'ayematix! Te anich'nab queremetic ach'ixetic ya me x'ic'otic bael ta mosoil.

Jeremías 48:7

“Ja'at Moab, la awich' aba ta muc' soc awip soc ac'ulejal; ja'uc me to, ya me awich' tsaquel. Te Quemós te dios awu'une, ya xbajt' ta chuquel ta c'ubul, soc te sacerdoteetic yu'un, soc te mach'atic muc' sc'oplalique.

Salmos 44:2

Ja'at yat'el ac'ab te la aloq'ues bael te mach'atic ma ba xch'uunejate, la awac'bey castigo te nacionetique, ja'at la anajc'an ta sq'uinalic te me'il-tatiletique.

Jueces 10:6

Ja'uc me to, te israeletic la xcha'pasic te bila ma lecuc ta sit Cajwaltic, la xch'uunic loc'ombaetic yu'un Baal soc yu'un Astarté, soc diosetic yu'un Siria, diosetic yu'un Sidón, diosetic yu'un Moab, diosetic yu'un Amón, soc diosetic yu'un te filisteoetique. Ja' la yijq'uitay ta yo'tanic te Cajwaltic, ma'yuc bay ya squejan sbaiquix ta stojol.

Jueces 11:23

¿Yu'un bal ya ac'an apojbotiquix yo'tic te sq'uinal amorreoetic, te la yich' pojel yu'un Cajwaltic, te la yac'botic te jo'otique?

Rut 1:15

Jich yu'un te Noemí la yalbey te Rut: —Bajt' meix ta slumal te ajoy ta antsil soc ta stojol te diosetic yu'une. Baan me uuc —xi' te Noemí.

Jeremías 48:13

Jich yu'un te Moab ya me yaiy q'uexlal ta yo'tan ta swenta te Quemós te dios yu'une, jich bit'il Israel la yaiy q'uexlal ta swenta Betel, te tey yac'oj smuc'ul a te yo'tane.

Josué 21:43

Awaiy bit'il te Cajwaltic la yac'bey israeletic spisil te q'uinal te yaloj ta jamal ta stojol te antiguo sme'-static, jich ainic ta cuxinel tey a.

Jueces 2:1

Te ch'ul abat yu'un Cajwaltic loc' ta Gilgal, bajt' ta Boquim. Jich la yalbey te israeletic: —Jo'on la jloq'uesex tel ta Egipto, la quiq'uex tel ta bay in q'uinal to te la calbey te antiguo ame'-atatique: “Ma'yuc bi ora ya jlajinbey sc'oplal te trato cu'un ta atojolic te ja'exe”, xoon.