Jueces 11:21 - Bible in Tzeltal de Oxchuc y Tenejapa

²¹ Ja'uc me to, te Cajwaltic te Dios cu'untic te Israelotic te lumotic yu'une, la yac'botic jtsaltic te Sehón soc te soldadoetic yu'une.

Bible in Tzeltal Bachajón

²¹ Pero te Jehová te Dios yu'un Israel la yac' ta sc'ab Israel te Sehón soc spisil te pueblo yu'une, hich la stsalic. Hich te Israel la yu'untayic spisil sq'uinal te amorreohetic te tey nahinemic a.

Jueces 11:21 Referans Kwoze

Números 21:24

Ja'uc me to, te israeletic la scoltay sbaic, la stsalic ta jyalel, la yich'beyic sq'uinal, c'alal ta muc'ja' Arnón ja' to ta yan muc'ja' Jaboc, ja' te sts'ajc' sq'uinal te amonetic te ja' ay yip stuquel.

Deuteronomio 2:32

“Te Sehón loc' tel soc spisil soldadoetic yu'un, tal staotic, tal yac'botic guerra ta Jahaza.

Jueces 11:20

Te Sehón amen yo'tan, ma la yac'otic c'axel ta sq'uinal. Ja' nax jajch' ta stsobel spisil te soldadoetic yu'une, ba spas scampamentoic ta Jahaza, la yac'botic guerra.

Éxodo 23:31

Ta bay c'alal ya xcom te aq'uinalique, jich ay: Ja' to me ta bay Mar Rojo, c'alal ta bay mar yu'un te filisteoetic, soc te bay jochol taquin q'uinal, soc c'alal ta bay muc'ja' Éufrates. Cac'ojbatix ta ac'abic yajwal te lumq'uinal, ja'ex me ya atenic loq'uel.

Josué 6:2

Te Cajwaltic la yalbey te Josué: —Te jo'one cac'ojbatix ta ac'ab te Jericó, te muc' ajwalil yu'un soc te soldadoetic yu'une.

2 Crónicas 13:5

¿Yu'un bal ma ba ya ana'ic stojol, ja' te Cajwaltic Dios yu'un Israel te la yac'bey yat'el ta muc' ajwalil te David soc te sts'umbal bael ta swenta sbajt'el q'uinal, jich bit'il te trato xchapoj te ma xju' ya xch'aye?

2 Crónicas 13:16

Te israeletic anic loq'uel ta stojol te soldadoetic yu'un Judá, melel Dios la yac'beyix ta sc'abic.

Amós 2:9

Yan te jo'on la jambeyex ochel abeic, la jin te amorreoetique; la jlajin ta jc'axel, manchuc me c'ax najt'ic jichuc cedroetic soc tulanic jichuc c'antulanetic.