Jueces 11:16 - Bible in Tzeltal de Oxchuc y Tenejapa

¹⁶ C'alal loc'otic tel ta Egipto, c'axotic tel ta jochol taquin q'uinal c'alal ta Mar Rojo, julotic ta Cades.

Bible in Tzeltal Bachajón

¹⁶ Como te c'alal loc' tal ta Egipto te Israel behenic ta jochol taquin q'uinal c'alal ta Mar Rojo, c'ohtic ta Cades.

Jueces 11:16 Referans Kwoze

Deuteronomio 1:40

Yan te ja'exe, ¡sujt'anic bael ta jochol taquin q'uinal! ¡Baanic xan ta Mar Rojo!” xi' te Cajwaltique.

Números 14:25

(Te sts'umbal Amalec soc te cananeoetic, ja' nainemic ta muc'ul spamlej q'uinal.) Te ja'ex pajel me ya awaq'uic buelta, loc'anic bael ta sbelal te muc'ul jochol taquin q'uinal, t'unaic bael sbelal te Mar Rojo —xi'.

Números 20:1

Ta sbabial u yu'un te ja'wile, te israeletic c'otic ta jochol taquin q'uinal Zin, jalajic ta lum Cades. Tey laj a te María, tey la smuquic a.

Números 13:26

ta Cades ta jochol taquin q'uinal Parán. Tey ay a te Moisés, Aarón soc spisil te israeletique. La xcholbeyic sc'oplal te bitic la yilic, soc la yaq'uic ta ilel te sit awalts'unubil ta lumq'uinale.

Josué 5:6

Melel te israeletic beenic cha'winic (40) ja'wil ta muc'ul jochol taquin q'uinal. Lajemiquix jilel stuquelic a te mach'atic staojiquix lec ya'wilalic te loq'uic tel ta Egipto, ja' te winiquetic te ma la xch'uunbeyic smandal te Cajwaltique. Ja' swentail te la yal ta jamal te ma xyac'bey yilic te q'uinal te albil yaiy te antiguo sme'-statique, ja' te q'uinal ta bay ya x'oquin leche soc chab c'oeme.

Deuteronomio 1:46

Ja' yu'un jilex ta nainel bayal c'aal ta jsejp q'uinal te Cades sbiile.

Génesis 14:7

Sujt'ic tel te Quedorlaomer soc te mach'atic sjoinej sba soc, c'otic ta Enmispat, te Cades yan sbiile. La sjinic te c'alal c'axic tel spisil te sq'uinal amalequetic, soc te sq'uinal amorreoetic te nainemic ta lum Hazezón-tamar.

Números 20:4

¿Bistuc la awiq'uic tel te lum yu'un Cajwaltic ta jochol taquin q'uinal? ¿Yu'un bal ya ac'an te ya xlajotic, soc te chambalametic cu'untique?

Jueces 11:15

Jich la yal bael te sc'ope: “Ya calbat, te jo'otic te israelotic ma'yuc mach'a jpojojbeytic sq'uinal, ni moabetic soc ni amonetic.