Jueces 11:14 - Bible in Tzeltal de Oxchuc y Tenejapa

¹⁴ Te Jefté la sticun xan bael c'op ta stojol te muc' ajwalil yu'un te amonetique.

Bible in Tzeltal Bachajón

¹⁴ Te Jefté la sticon bahel yantic winiquetic ta stojol te ajwalil yu'un te amonetic,

Jueces 11:14 Referans Kwoze

1 Pedro 3:11

Ac'a jiluc yu'un te bila amene; ja' ac'a spas te bila leque. Ac'a me sle te lamal q'uinale; ja' ac'a me st'un.

Hebreos 12:14

Leaic me te lamaluc nax q'uinal awu'unic soc spisil te yantique. Ch'ultesbiluquex me, melel teme ma jichuque, ma'yuc mach'a ya xc'o yilbey sit te Cajwaltique.

Romanos 12:18

Ta bay c'alal ya xju' awu'unique, ya sc'an te lamaluc q'uinal awu'unic soc te yantique.

Salmos 120:7

te c'alal ya calbey sc'oplal lamal q'uinal, ya yalbeyic sc'oplal guerra stuquelic.

Jueces 11:13

Te ajwalil yu'un amonetic la sujt'esbey tel sc'op te Jefté: “Te ja'ex te israelex te c'alal loq'uex tel ta Egipto, la apojbotic jq'uinaltic, c'alal ta muc'ja' Arnón, c'alal ta muc'ul ja'etic Jaboc soc Jordán. Ora yo'tic sujt'esbon ta puro lequilal”, xi'.

Jueces 11:15

Jich la yal bael te sc'ope: “Ya calbat, te jo'otic te israelotic ma'yuc mach'a jpojojbeytic sq'uinal, ni moabetic soc ni amonetic.