Jueces 10:7 - Bible in Tzeltal de Oxchuc y Tenejapa

⁷ Ja' swentail te ilin Cajwaltic ta stojolic, jich la yac'bey ta sc'abic te filisteoetic soc te amonetique.

Bible in Tzeltal Bachajón

⁷ Ha yu'un tihl yilimba Jehová ta stojol Israel, hich a'botic ta sc'ab te filisteohetic soc te amonetic.

Jueces 10:7 Referans Kwoze

Jueces 2:14

Ja' swentail te ilin Cajwaltic ta stojol Israel. Jich la yac' taluc j'eleq'uetic te tal spojbeyic te bitic ay yu'unique. Te scontroic te ayic ta sjoyobal, tsalotic yu'un, xujt' ma ju' yu'unic te ya stsal sbaic soque.

Nahúm 1:6

¿Mach'a ya xju' yu'un te ya stejc'an sba ta stojol te yilimbae? ¿Mach'a ya xcujch' yu'un te sc'ajc'ale? Te sc'ajc'al yo'tan ya me spuc bael jichuc c'ajc', ya me xjat yu'un te muc'ul tonetique.

Nahúm 1:2

Te Cajwaltic, ja' te Dios te ma smulan teme ay bila yan ya jch'uuntique, ya me sujt'esbey ta swenta te j'uts'inwanejetique. Ya me yac'bey spacol te mach'atic ya stoy sba ta stojole; ya me yilintay te scontrotaque.

Isaías 50:1

Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.

Salmos 74:1

Dios cu'un, ¿bi yu'un te jc'axel apijt'esejotique? ¿Bi yu'un te tilem slab awo'tan ta stojol te chijetic awu'un ta aq'uinale?

Salmos 44:12

mero peq'uel stojol la achon te lum awu'une te ma'yuc bi loc' awu'un a te la achone.

Jueces 4:2

Jich yu'un te Cajwaltic la yac'bey ta sc'ab Jabín, ajwalil-cananeo ay ta lum Hazor. Te mach'a ay ta jtsobwanej ta swenta te soldadoetic yu'un Jabín, Sísara sbiil, nainem ta Haroset-goim.

Jueces 10:8

Ja' yorail te jajch' te swocolique. Waxaclajuneb ja'wil te filisteoetic soc te amonetic buen tulan uts'inel la yac'beyic ta spisilic te israeletic te nainemic ta Galaad ta jejch' ja' Jordán, ta sq'uinal amorreoetic.

Jueces 6:1

Te israeletic bolob yat'elic ta sit te Cajwaltique. Jich yu'un te Cajwaltic la yac'bey ta sc'ab juqueb ja'wil te madianetique.

Jueces 13:1

Ja'uc me to, te israeletic la spasic xan te bi ma lecuc ta sit Cajwaltic, ja' swentail te la yac' ta sc'ab filisteoetic cha'winic (40) ja'wil.