Jueces 10:13 - Bible in Tzeltal de Oxchuc y Tenejapa

¹³ Tojol te jich la jcoltayexe, melel la awijq'uitayon ta awo'tanic ta scaj xch'uunel yantic diosetic, jich yu'un ma ba ya jcoltayexix.

Bible in Tzeltal Bachajón

¹³ Pero te ha'ex la awihquitayonic, la awac' abahic ta a'batinel yu'un yantic diosetic; ha yu'un ma ba ya jcoltayexix xan.

Jueces 10:13 Referans Kwoze

Jeremías 2:13

“Te lum cu'une cha'chajp mulil la spas: la yijq'uitayon ta yo'tanic, te cuxul sloq'uibja' c'oemone, soc la spasic pozoetic yu'un stuquelic, lomen pozoetic te ma xpamaj ya'lele.

1 Crónicas 28:9

Te ja'at Salomón, te jnich'anate, ma me xch'ay ta awo'tan te Dios yu'un te atate. Ac'a aba ta abatinel ta stojol ta spisil awo'tan. Junuc me awo'tan ta stojol, melel te Cajwaltic ya sna'botic ta lec te co'tantique, ya sna'botic bitic ya snop co'tantic soc bitic ay ta co'tantic. Jich yu'un teme jun awo'tan ya ale, jich me ya yac'bat te ya ata ta leele. Yan teme ya ach'ay ta awo'tane, ya me sloq'uesat ta jc'axel ta sbajt'el q'uinal.

Jueces 2:12

La yijq'uitayic ta yo'tanic te Cajwaltic te Dios yu'un te antiguo sme'-static, te loq'uesotic tel yu'un ta Egipto. Ja' la yac' sbaic ta xch'uunel te loc'ombaetic yu'un te lumetic te ainemic ta sjoyobale. Jich la sjajch'esbeyic yilimba te Cajwaltique.

Jonás 2:8

Te mach'atic ya xch'uunic te loc'ombaetic, jich ya xchebaj yo'tanic ta atojol;

Deuteronomio 32:15

Mero jujp' te Jesurún, xwilawet nax yu'un sbujts' q'uinal yaiy, (mero x'oquet nax yu'un sjujp'el), la xch'ay ta yo'tan te Diose, ja' te Jpaswanej yu'une; la yilay te Jcanantaywanej yu'un, la yilay te Jcoltaywanej yu'une.

Jueces 10:14

Baan c'anbeyaic coltayel te diosetic te atsaojiquix ta ch'uunele, ja' ac'a scoltayex teme ay awocolic ya awaiyique —xi' te Diose.

Jueces 2:19

Ja'uc me to, te c'alal ya xlaj te juez, ya xcha'boltes sbaic xan, ja' c'axem to xan jelawen la spasic a te bit'il sme'-statique. La xch'uunic soc la yac' sbaic ta abatinel yu'un loc'ombaetic te scuyojic ta diosetique. Ma la yijq'uitayic te bi snopojic spasel soc te sbolil yo'tanique.

2 Crónicas 12:5

Jich yu'un te j'alwanej Semaías la stejc'an sba ta stojol Roboam soc te yantic jtsobwanejetic yu'un Judá, te stsoboj sbaic ta Jerusalén ta scaj ayix ta sq'uinal Judá te Sisac, jich la yalbey: —Te Cajwaltic la yal te la awijq'uitayiquix ta awo'tanic, jich yu'un ya yaq'uex jilel ta sc'ab Sisac —xi'.

2 Crónicas 15:2

jich loc' bael, ba sta sba ta c'op soc Asa swenta yu'un ya yalbey: —Aiybon awaiyic stojol jc'op, ja'at Asa, soc ta apisilic ta Judá soc ta Benjamín. Te ja'ex sjoinejex te Cajwaltic, teme jun awo'tan ya awac' abaic ta stojole. Teme ya aleique, ya me ataic; yan teme ya awijq'uitayic ta awo'tanic, jich nix me ya yijq'uitayex ta yo'tan.

2 Crónicas 21:10

Ja'uc me to, te lum Edom ju' yu'unic te la yac' sbaic ta libre ta stojol Judá, asta c'alal ora yo'tic. Ja' nix jich sc'aalelal la spijt'es sba loq'uel te lum Libna, melel te Joram yijq'uitayejix jilel ta yo'tan te Cajwaltic, te Dios yu'un te antiguo sme'-state.

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.