Jueces 10:11 - Bible in Tzeltal de Oxchuc y Tenejapa

¹¹ Te Cajwaltic la sjac': —Te ja'ex la awich'ic uts'inel yu'un te egipcioetic, amorreoetic, amonetic, filisteoetic,

Bible in Tzeltal Bachajón

¹¹ Te Jehová hich la sjac'be sc'op te snich'nab Israel: ¿Ma bal lajuc awich'ic uts'inel yu'un te egipciohetic, amorreohetic, amonetic, filisteohetic,

Jueces 10:11 Referans Kwoze

Jueces 3:31

Te yan jtsobwanej, ja' te Samgar te snich'an Anat. La smil lajunwinic xcha'bajc' (600) filisteoetic ta sni' staq'uinal stijibal joc'lum-wacaxetic, aguijada sbiil. Te Samgar jich la scoltay te Israele.

Éxodo 14:30

Jich c'aalil la yich' coltayel te israeletic yu'un te Cajwaltic ta sc'abic te egipcioetique. Te israeletic la yilbeyic sbaq'uetal te egipcioetic te lajemic te xcajetic ta baba mar.

Hebreos 11:29

Jich uuc te israeletique, ta swenta xch'uunjel yo'tanic te c'axic bael ta yolil te Tsajal Mar te jich c'ot bit'il taquin lum te banti c'axic baele. Soc te c'alal c'an c'axuc bael uuc te Egiptoetic te nutsbilic yu'une, tey la sjic'anic ja' ta ora stuquelic a.

1 Samuel 12:8

Te Jacob soc te mach'atic ay yu'une, bajt'ic ta Egipto. Te patil alnich'anetic yu'un jajch'ic ta buen uts'inel yu'un te egipcioetique; jich la yalic wocol ta stojol te Cajwaltic. Ja' yu'un la sticun Moisés soc Aarón. Ja'ic la yac'bey yiq'uic loq'uel tel ta Egipto te antiguo me'il-tatiletic cu'untic, soc la yac' ainicuc ta lumq'uinal in to.

Números 21:35

Ja' yu'un te israeletic la smilic te Og soc te snich'nab soc spisil te soldadoetic yu'une, ma'yuc cuxul la yijq'uitayic jilel. Jich och ta sc'abic te q'uinale.

Jueces 2:12

La yijq'uitayic ta yo'tanic te Cajwaltic te Dios yu'un te antiguo sme'-static, te loq'uesotic tel yu'un ta Egipto. Ja' la yac' sbaic ta xch'uunel te loc'ombaetic yu'un te lumetic te ainemic ta sjoyobale. Jich la sjajch'esbeyic yilimba te Cajwaltique.

Jueces 3:28

Te Aod la yalbey te ya me sts'aclinic bael, melel te Cajwaltic ya yac'bey stsal te scontroique, ja' te moabetique. Jich la sjoinic bael. La yich'ic te tec'oja' yu'un Jordán, soc ma'yuc mach'a la yac' c'axel jtuluc.