Jueces 10:10 - Bible in Tzeltal de Oxchuc y Tenejapa

¹⁰ Jich la sc'anbeyic coltayel te Cajwaltic, jich la yalbeyic: —Cajwaltic Dios cu'untic, jtaoj jmultic ta atojol, melel la quijq'uitayat ta co'tantic, ja' bajt' ta co'tantic xch'uunel te lotil diosetique —xiic.

Bible in Tzeltal Bachajón

¹⁰ Ha yu'un te snich'nab Israel awonic ta stojol Jehová, hich la yalbeyic: Jtahoj jmulcotic ta atojol, yu'un la jquihquitaycotic hilel te Dios cu'uncotic, la jcac' jbahcotic ta a'batinel yu'un te baaletic, xchihic.

Jueces 10:10 Referans Kwoze

1 Samuel 12:10

Pero la sna'ic te staoj smulic ta stojol Cajwaltic te bit'il la yijq'uitayic, ta scaj xch'uunel sloc'ombail Baal soc sloc'ombail Astarté. La xcha'albeyic xan wocol te yacuc xcoltayotic loq'uel ta sc'ab te scontroique. La yal sbaic ta jamal te ja' xanix stuquel te Cajwaltic te ya xch'uunique.

Salmos 107:28

Pero te c'alal c'ux obol sba la yaiyic, la sc'oponic te Cajwaltique, jich coltayotic loq'uel ta woclajel.

Salmos 107:19

Pero te c'alal c'ux obol sba la yaiyic, la sc'oponic te Cajwaltique, jich coltayotic loq'uel ta woclajel.

Salmos 107:13

Pero te c'alal c'ux obol sba la yaiyic, la sc'oponic te Cajwaltique, jich coltayotic loq'uel ta woclajel.

Jueces 3:9

ja' to c'alal la yalbeyic wocol te Cajwaltique. Jich la sle stuquel te mach'a tal ta coltayel yu'une. Ja' la yac' ta jcoltaywanej te Otoniel snich'an Cenaz, te ja' yijts'in Caleb.

Jueces 10:9

Te amonetic c'axic tel ta Jordán, ja' ba yac'beyic guerra te sts'umbal Judá, te sts'umbal Benjamín soc te sts'umbal Efraín. Ay bayal swocolic te israeletic yu'un te amonetique.

1 Samuel 7:6

Te israeletic la stsob sbaic ta Mizpa, la slupic loq'uel ja' tey a, la smalic ta lum swenta smajt'an Dios. Ja' nix sc'aalelal a la scom swe'elic soc la yalic ta jamal te staoj smulic ta stojol te Cajwaltique. Tey ora ta Mizpa och ta juez yu'un israeletic te Samuele.

Jeremías 2:27

Melel ya awalbey te te': “Ja'at jtatat”, ya awut, soc ya awalbey te tone: “Ja' jme'at”, ya awut. Yan te jo'one, ja' ya awac'bon quilbat te apate, ma ja'uc te awelawe. Ja'uc me to, te c'alal nax ya awilic ya xtal ta atojolic te bila chujc'ule, ya awalbonic: “¡La', coltayawotic!”, xaex ta ora.

Jueces 4:3

Te Jabín ay jo'winic yoxbajc' (900) carreta-taq'uinetic yu'un. Jtab ja'wil la yac'bey buen tulan woclajel te israeletic, ja' to c'alal la yalbeyic wocol te Cajwaltic te yacuc xcoltayotic yu'une.

Jueces 6:6

Ta scaj te madianetic te bayal c'ax yo'tanic ta me'bal te israeletique. Ja'uc me to, c'ot yorail te la sc'anbeyic coltayel te Cajwaltique.