Jueces 1:7 - Bible in Tzeltal de Oxchuc y Tenejapa

⁷ Te Adoni-bezec jich la yal: —Jo'on neel la jset'bey loq'uel lajuneb xchanwinic (70) ta jtul sme' sc'abic soc sme' yacanic te ajwaliletique. Ja' la stamic sobrail we'elil ta yet'al jmesa. Ora yo'tic sujt'ix ta jwenta yu'un Dios te bi la jpasbeye —xi'. La yiq'uic bael ta Jerusalén, tey laj a.

Bible in Tzeltal Bachajón

⁷ Hich la yal te Adoni-bezec: Lajuneb schanwinic (70) ta tuhl ajwaliletic te loq'uemic sme' sc'abic soc sme' yoquic la stamticlanic xeht'elul we'elil ta ye'tal te mesa cu'un. Hich te bin ut'il la jpas, hich nix la ya'bon jtoj te Diose, xchi. La yiq'uic bahel ta Jerusalén, tey cham a.

Jueces 1:7 Referans Kwoze

1 Samuel 15:33

Pero te Samuel jich la yalbey: —Ta swenta apuñal te ma'yuc jilel yalatac bayal ta jtul antsetique. Yo'tic ja' ni me jich ya xjil te ame'e —xi'. Te Samuel ora nax la sesen te Agag ta stojol Cajwaltic ta Gilgal.

Apocalipsis 13:10

Te mach'a jich sc'oplal ya yich' chuquel, ya me yich' chuquel. Soc te mach'a jich sc'oplal ya yich' milel ta puñal, ya me yich' milel ta puñal. Ja' in to ja' smuc'ul co'tantic te ya sts'ijc' cu'untic ta swenta xch'uunjel co'tantic soc te mach'atic ch'ul lum yu'un te Diose.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

Romanos 2:15

Melel tey chican ta ilel a ta swenta te bila ya spasic te bit'il ts'ibubil ta yo'tanic te mandalile. Jich ya sna'ic stsajtayel yo'tanic, te melel ta yo'tanic nax sna'ojic stojol teme ma lecuc te bila ya spasique o teme lec te bila ya spasique.

Apocalipsis 16:6

Yu'un la smalbeyiquix xch'ich'el te mach'atic ch'ul lum awu'une soc te j'alwanejetic awu'une. Jich la awac'beyix yuch'ic ch'ich'. Jich ya sc'an pasbeyel yu'un te bit'il jich la spasique”, xi'.

Isaías 33:1

¡Ya me awil awocol jinwanej te ma ba jinbilate; ya me awil awocol j'ac'wanej ta c'abal, te ma ba ac'bilat ta c'abal te ja'ate! C'alal ya xlaj awo'tan ta jinwanej, ya me awich' jinel; c'alal ya xlaj awo'tan ta ac'wanej ta c'abale, ya me awich' aq'uel ta c'abal te ja'ate.

Éxodo 29:20

Mila te tat chije. Tsaca jtebuc te xch'ich'el, ac'beya ta sc'unil swa'el xchiquinic te Aarón soc te snich'nabe, ta bay swa'el sme' sc'abic, soc ta swa'el sme' yacanic. Te sobra ch'ich' tsijts'anbeya ta sba te scajtijib ta chiq'uel milbil jmajt'an soc ta sjoyobal.

Jueces 1:6

Manchuc me an bael te Adoni-bezec, la snutsic bael, la stsaquic, la set'beyic loq'uel xchebal te sme' sc'ab soc xchebal te sme' yacane.

Jueces 9:24

Ja' me stojol c'ot te xch'ich'el te la smil te lajuneb xchanwinic (70) ta jtul snich'nab Jerobaal; soc te mach'atic ay ta Siquem, ja' me stojol c'ot ta swentaic te bit'il la scoltay ta smilel te yermanotaque.

Jueces 9:57

Ja' nix jich Dios la yac'bey stoj te yajwal Siquem spisil te smilawique. Jich c'ot ta pasel ta stojolic te bit'il albot sc'oplalic ta jamal yu'un Jotam te snich'an Jerobaal.

1 Reyes 21:19

Jich me ya awalbey: “Jich ya yalbat te Cajwaltic: ‘Te bit'il la amil te Nabot, soc te la apojbey te bila ay yu'une, tey nix ta banti lec'bot xch'ich'el yu'un ts'i'etic, tey nix me ya slec'bat ach'ich'el ts'i'etic uuc a’, xi'” uta me —xi' te Cajwaltique.

Sofonías 3:19

Ja' me jich yorail te ya x'at'ejon ta scontroinel spisil te mach'atic ya stenat ta uts'inele. Ya jcoltay te chij te coxoe; soc ya me quic' tel te bay ch'ayemique. Ya jc'atp'un ta ich'el ta muc' te ilayel ta atojole; soc ya xpujc' ac'oplal ta spamal q'uinal.