Jueces 1:6 - Bible in Tzeltal de Oxchuc y Tenejapa

⁶ Manchuc me an bael te Adoni-bezec, la snutsic bael, la stsaquic, la set'beyic loq'uel xchebal te sme' sc'ab soc xchebal te sme' yacane.

Bible in Tzeltal Bachajón

⁶ Loc' ta ahnel te Adoni-bezec, pero la snutsic bahel, la stsaquic, la set'beyic loq'uel te sme' sc'abic soc te sme' yoquic.

Jueces 1:6 Referans Kwoze

Éxodo 29:20

Mila te tat chije. Tsaca jtebuc te xch'ich'el, ac'beya ta sc'unil swa'el xchiquinic te Aarón soc te snich'nabe, ta bay swa'el sme' sc'abic, soc ta swa'el sme' yacanic. Te sobra ch'ich' tsijts'anbeya ta sba te scajtijib ta chiq'uel milbil jmajt'an soc ta sjoyobal.

Jueces 1:7

Te Adoni-bezec jich la yal: —Jo'on neel la jset'bey loq'uel lajuneb xchanwinic (70) ta jtul sme' sc'abic soc sme' yacanic te ajwaliletique. Ja' la stamic sobrail we'elil ta yet'al jmesa. Ora yo'tic sujt'ix ta jwenta yu'un Dios te bi la jpasbeye —xi'. La yiq'uic bael ta Jerusalén, tey laj a.

Éxodo 14:26

Ja'uc me to, te Cajwaltic, jich la yalbey te Moisés: —Toya ac'ab ta stojol te mar swenta yu'un ya me snup' sba te ja'e. Tey me ya xmulic jilel a te egipcioetic soc scarretaic soc te scaballoique —xi' te Diose.

Éxodo 21:24

Teme la st'usbey te sit, teme la swuybey te sbaquel ye, teme la sc'asbey te sc'ab, o teme la sc'asbey te yacane,

Josué 15:16

La yal: —Te mach'a ya xju' yu'un stsalel te lume, ya cac'bey yinamin te cantsil-nich'an Acsa —xi'.

Ester 8:12

Spisil in to, jun nax me sc'aalelal ya yich' pasel spisil te banti c'alal te pamalpam q'uinal swentainej te muc' ajwalil Asuero. Te bi c'aal albile, ja' ta oxlajuneb te slajchayebal u, o ja' te u Adar.

Salmos 59:11

Ma me jc'axeluc xamil, jich ma xch'ayic ta yo'tan a te jlumale; puca bael ta swenta te awu'ele, soc ac'a yich'ic pejc'anel awu'un. Te Cajwal ja' me jcanantaywanej cu'un stuquel.

Salmos 107:40

ilaybilic yu'un Dios ya xc'ot te j'uts'inwanejetique. Ya me yac' ch'ayuquic ta jochol taquin q'uinal, ma ba ya staic be tey a.

Salmos 149:8

swenta xchuquel ta cadena muc' ajwaliletic soc yantic te mach'atic ay yipic, ya me yich'ic chuquel ta taq'uin te buen alic,

Jeremías 34:17

Ja' yu'un yo'tic, jo'on Ajwalilon ya cal: Ja'ex ma la ach'uunbonic jc'op, ma la awaq'uic ta libre te alumalic te ayic ta mosoile. Ta ora yo'tic, ja' ya caq'uex ta libre te ja' ya x'at'ej ta atojolic te guerra, chamel soc wi'nal, swenta yu'un ya me spas ta atojolic bila te ya xjajch' ta nijq'uel yo'tanic yu'un spisilic te mach'atic ya xmandalajic ta balumilal. Jo'on Ajwalilon, jich ya cal.

Jeremías 50:15

Toyesa awawic yu'un guerra ta bayuc nax ta juju-jejch'. Te Babilonia ya yac' sbaix ta c'abal. Jinix coel tel te balal ts'ajq'uetic soc te ts'ajc' ta sjoyobale. Ja' me spacol cu'un te ya awac'beyic stoj; jich me ya apasbeyic te bit'il nix la spase.