Jueces 1:2 - Bible in Tzeltal de Oxchuc y Tenejapa

² Te Cajwaltic la yal te ja' neel ya xbajt' te sts'umbal Judá, ja' ya x'ac'bot ta sc'ab yu'un Cajwaltic te q'uinale.

Bible in Tzeltal Bachajón

² Hich la sjac' te Jehová: Ha ya xbaht te Judá; ho'on la jca'beyic ta sc'ab te q'uinale, xchi.

Jueces 1:2 Referans Kwoze

Apocalipsis 5:5

La yalbon ts'iin te jtul mamale: —Ma x'oc'atix. Melel ya xju' yu'un sjamel selloetic te León-choj yu'un te sts'umbal Judá te ja' nix sts'umbal te muc' ajwalil Davide. Melel ju'ix yu'un tsalaw. Jich ya xju' yu'un sjamel soc spolel te juqueb selloe —xi'.

Hebreos 7:14

Melel jna'ojtic stojol jpisiltic te tey chicnaj ta bay sts'umbal Judá te Cajwaltique. In te Moisese ma'yuc banti la yal te ya yich' yat'el ta sacerdoteil te sts'umbal Judae.

Números 7:12

Ta sbabial c'aal la yich' tel majt'anil Naasón te snich'an Aminadab, jtsobwanej yu'un sts'umbal Judá.

Números 2:3

“Ta stojol sloq'uib c'aal tey me ya xc'o spas scampamentoic te mach'atic ya xbeenic ta stojol te bandera yu'un Judá. Te soldadoetic yu'un sts'umbal Judá, ja' me jtsobwanej yu'unic te Naasón te snich'an Aminadab.

Jueces 1:3

Ja' yu'un te sts'umbal Judá la yic' te yermanotac, ja' te sts'umbal Simeón, swenta yu'un jun me ya yac' sbaic ta spojel te q'uinal te ya xc'ot ta swenta Judá, soc ta patil ya xba spojic te q'uinal te ya xc'ot ta swenta Simeón. Te sts'umbal Simeón soc te sts'umbal Judá la xch'uunbey sbaic te sc'opique.

Josué 2:24

Jich jul yalic: —Te Cajwaltique yac'ojbotiquix ta jc'abtic te q'uinale. Jo'otic ta jcajtic te lajem ya yaiyiquix yu'un xiwel te lume —xiic.

Jueces 20:18

Te israeletic bajt'ic ta lum Betel, tey la sjojc'obeyic Dios swenta sna'el te mach'a neel ta chajbalchajp sts'umbal Israel te ya xba yac'bey guerra te sts'umbal Benjamín. Te Cajwaltic la sjac' te ja' neel ya xbajt' te sts'umbal Judá.