Jueces 1:19 - Bible in Tzeltal de Oxchuc y Tenejapa

¹⁹ Te Judá joinbilic yu'un te Cajwaltic, jich ju' yu'unic yich'el te witstiquile. Ja'uc me to, ta spamlej ma ba ju' yu'unic stsalel te mach'atic nainemic tey a, melel yich'oj pasel soc taq'uin te carretaetic yu'unique.

Bible in Tzeltal Bachajón

¹⁹ Te Jehová la sjoquin te Judá, te ha la yu'untayic te witsiltic, pero ma ba hu' yu'unic stenel loq'uel te mach'atic nahinemic ta spamlej, yu'un ay scarretahetic yu'un guerra pasbilic ta taq'uin.

Jueces 1:19 Referans Kwoze

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Salmos 60:12

Ta swenta coltayel yu'un Dios ay bitic tulanic sc'oplal ya xju' cu'untic spasel; ja' me ya spech'botic ta teq'uel stuquel te jcontrotique.

Jueces 1:2

Te Cajwaltic la yal te ja' neel ya xbajt' te sts'umbal Judá, ja' ya x'ac'bot ta sc'ab yu'un Cajwaltic te q'uinale.

Filipenses 4:13

Spisil ya xju' cu'un ta swenta Cristo te ya yac'bon yip co'tane.

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

San Mateo 1:23

“Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

Isaías 8:10

Manchuc me chapal te ac'opique, ja'uc me to, ya me yich' ch'ayel ta jc'axel; manchuc me ya awal loq'uel te bila ya sc'an awo'tanic, ja'uc me to, ma xc'ot ta pasel awu'unic. Melel te jo'otique sjoinejotic Dios jtuqueltic.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

Eclesiastés 9:11

Ta balumilal ay yan bila quiloj: Ma ja'uc te mach'a ya xju' yu'un animal te ya stsalawan ta animale, soc ni ja'uc te mach'atic ma sna'ic xiwel te ya tsalawanic ta guerra. Ma ja'uc spisil ora ay swe'el yu'un te mach'atic ay sp'ijilique, ni ja'uc jc'ulejetic te mach'atic ay snopjibal yu'unique, soc ni ja'uquic te mach'atic p'ijubtesbilic te buen maliybilique. Ta spisilic ta ch'in ajc' nax te jich ya xc'ot ta swentaique.

Salmos 46:11

Te Cajwaltic te Spisil ya xju' yu'une, ja' sjoinejotic stuquel. Ja' anjibal cu'untic stuquel te Dios yu'un Jacobe.

Salmos 46:9

jc'axel la slajinbey sc'oplal te guerra c'alal ta slajibal balumilal; la sc'asix te t'imalte'etique, la swuyix te lanzaetique, la xchiq'uix te carretaetic yu'un guerra.

Salmos 46:7

Te Cajwaltic te Spisil ya xju' yu'une, ja' sjoinejotic stuquel. Ja' te Dios yu'un Jacob, ja' anjibal cu'untic stuquel.

2 Reyes 18:7

Ja' yu'un na'bot yo'bolil sba yu'un te Cajwaltic. Spisil te bitic la spase spisil lec c'ot ta pasel, ta swenta bit'il ja' coltayot yu'un te Cajwaltique. Te Ezequías la stoy sba ta stojol te muc' ajwalil yu'un Asiria, ma ba la sc'an la xch'uunbeyix smandal.

2 Samuel 5:10

Te David yan yan yac ta yich'bel yip. Te Cajwaltic te Dios te Spisil ya xju' yu'une, joinbil yu'un.

Josué 14:12

Ja' swentail te ya jc'anbat yo'tic te q'uinal ta witstiquil te la yalbon stuquel te Cajwaltique. Ana'oj te sts'umbal muc'ul najt'il winic Anac tey ay yo'tic a. Ay muc'ul lumetic yu'unic te buen chapalic, te tey tulan yac'oj sbaic a. Ja'uc me to, ja' ay ta co'tan te Cajwaltic ya sjoinon soc ya scoltayon ta sloq'uesel bael, jich nix bit'il yaloj —xi' te Caleb.

Josué 7:12

Ja' swentail te ma xju' yu'unic stsalel te scontroic te alumale, ya me xloq'uic ta anel ta stojolic. Ta ora to ja' ya sc'an te ya yich' milel spisil te alumal Israel te jichuque. Teme ma ba ya ajinic ta ora te bi la calbey sc'oplal ta jinele, jich ma xtal joinex xan.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Josué 1:5

Ma'yuc mach'a ya stsalat te jayeb c'aal cuxulate. Jich bit'il la join te Moisés, jich nix ya joinat te ja'ate, ma xquijq'uitayat soc ma ba ya jpijt'esat.

Génesis 39:21

Ja'uc me to, sjoinej Cajwaltic te José, c'uxtaybil yu'un tey a, soc la yac' ta c'uxtayel yu'un te jcanan-chucjibale.

Génesis 39:2

Ja'uc me to, te Cajwaltic sjoinej te José. Jich mero lec a c'ot ta loq'uel te ay ta sna te yajwal te egipcio-winique.

Josué 6:27

Te Cajwaltic la scoltay te Josué, jich pujc' bael sc'oplal ta spamal te q'uinale.

Jueces 4:3

Te Jabín ay jo'winic yoxbajc' (900) carreta-taq'uinetic yu'un. Jtab ja'wil la yac'bey buen tulan woclajel te israeletic, ja' to c'alal la yalbeyic wocol te Cajwaltic te yacuc xcoltayotic yu'une.

Jueces 4:13

la stsob tel te jo'winic yoxbajc' (900) carreta-taq'uinetic soc spisil te soldadoetic yu'une. Beenic bael c'alal ta Haroset-goim, c'alal yocja' Cisón.

1 Samuel 18:5

Te David spisil te bitic ac'bot spas yu'un te Saúl, ts'acal c'ot ta pasel yu'un, jich te Saúl la yac'bey swentain soldadoetic. Te soldadoetic bin nax yo'tanic yu'un, soc nix te abatetic yu'un Saúl, buen lec yo'tanic yu'un.

1 Samuel 18:12

Te Saúl la xi' te David, yu'un joinbil yu'un Cajwaltic; yan stuquel ma ba joinbil yu'un.

1 Samuel 18:14

Te bit'il joinbil yu'un Cajwaltic te David, ja' yu'un spisil bi la spas mero lec c'ot.