Jueces 1:18 - Bible in Tzeltal de Oxchuc y Tenejapa

¹⁸ Ja'uc me to, ma ju' yu'unic te la yich'ic te lum Gaza, te lum Ascalón, soc te lum Ecrón, ni te sq'uinalic te nopol ayic soque.

Bible in Tzeltal Bachajón

¹⁸ Te winiquetic yu'un Judá ha nix hich la yu'untayic te Gaza, Ascalón, soc Ecrón soc te q'uinal yu'unique.

Jueces 1:18 Referans Kwoze

Josué 11:22

Jich ma'yuc a jil ni jtuluc sts'umbal te muc'ul najt'il winic Anac ta spisil sq'uinal Israel. Ja' nax a jil sts'umbal stuquel te muc'ul najt'il winic Anac ta lum Gaza, ta lum Gat soc ta lum Asdod.

Jueces 3:3

Jilic te jo'tul ajwalil filisteoetic, soc spisil te cananeoetic, sidonetic, soc heveoetic te ainemic ta witstiquil yu'un Líbano, c'alal ta wits Baal-hermón, ja' to c'alal ta bay ya xju' c'axel beel ta witstiquil ta lum Hamat.

1 Samuel 6:17

Te jo'eb sijt'ubel pasbil ta oro te la yac' te filisteoetic swenta slectesjibal yo'tan te Cajwaltic, jujun c'oem ta swenta te lum Asdod, Gaza, Ascalón, Gad soc Ecrón.

Jueces 16:21

Jich yu'un te filisteoetic la stsaquic soc la sloq'uesbeyic te site, la yiq'uic bael ta Gaza. Tey la sc'olic ta cadena te pasbil ta bronce, la yaq'uic ta at'el ta muc'ul molino ta yutil cárcel.

Josué 13:3

c'alal ta ja' Sihor te ay ta stojol sloq'uib c'aal yu'un Egipto, c'alal sq'uinal Ecrón ta stojol norte; ta spisil ja' sq'uinal cananeo ta alele. Ay jo'tul ajwalil filisteoetic yu'un te lumetic Gaza, Asdod, Ascalón, Gat soc Ecrón. Quechel xan jilel sq'uinal te aveoetic

Éxodo 23:31

Ta bay c'alal ya xcom te aq'uinalique, jich ay: Ja' to me ta bay Mar Rojo, c'alal ta bay mar yu'un te filisteoetic, soc te bay jochol taquin q'uinal, soc c'alal ta bay muc'ja' Éufrates. Cac'ojbatix ta ac'abic yajwal te lumq'uinal, ja'ex me ya atenic loq'uel.

1 Reyes 4:24

Melel te Salomón swentainej ta spisil ta jsejp q'uinal ay ta stojol smalib c'aal yu'un Eufrates, jajch'em ta lum Tifsa, c'alal ta lum Gaza. Ich'bil ta muc' yu'un spisilic te muc' ajwaliletic tey ayic ta banti te q'uinale, la yac' lamajuc q'uinal ta sjoyobal.

Jeremías 47:5

Te ants-winiquetic ta Gaza, ya st'axan ta joxel sjolic; te ants-winiquetic ta Ascalón, ya xjilic ta uma'. Te ja'ex slajibalex te antiguo muc'ul najt'il winiquexe, ¿bi ora ya acom abaic ta sbojel abaq'uetalic ta seña te amel-o'tane?

Deuteronomio 2:23

Jich nix pasbotic te heveoetique, tey nainemic ta nanatic ta nopol Gaza, jc'axel la yich'ic lajinel yu'un te filisteoetic, ja' te talic ta Creta, tey jilic ta nainel a.)

Josué 15:11

Bajt' xan ta moel ta stojol norte yu'un Ecrón, la yac' buelta ta lum Sicrón, c'ax bael ta wits Baala, c'ot ta lum Jabneel, tey c'ot ta comel ta Mar Mediterráneo.

Jueces 14:19

Ta ora tulan tal ta wentainel ta espíritu yu'un Cajwaltic te Sansón. Jich bajt' ta Ascalón, la smil lajuneb xcha'winic (30) ta jtul winiquetic tey a. La sloq'uesbey bael sc'u'ic, ja' ba stoj a te trato spasoj soc te mach'atic la sna'ic sujt'esel swentail te c'ope. Ta patil, c'ajc'uben yo'tan sujt' bael ta sna te state.

Jeremías 25:20

soc nix te ants-winiquetic te yantic sts'umbal te ayic tey a. Soc la cac'bey yuch'ic spisil te muc' ajwaliletic ta sq'uinal Uz, soc ta bay sq'uinal filisteoetic, ja' te lum Ascalón, Gaza, Ecrón soc te bay jilem xan ta Asdod;