Jueces 1:16 - Bible in Tzeltal de Oxchuc y Tenejapa

¹⁶ Te sts'umbal Hobab te quenita-winic, te snialmamal Moisés, loq'uic bael ta lum Palmaetic, sjoinej bael te sts'umbal Judá. Bajt'ic ta bay te jochol taquin q'uinal yu'un Judá te ay ta stojol sur yu'un lum Arad. La sjoin sbaic ta nainel soc te yajwal q'uinal tey a.

Bible in Tzeltal Bachajón

¹⁶ Te sts'umbal Hobab, te snihal-mamal Moisés, loq'uic bahel ta pueblo yu'un xahnetic soc te snich'nab Judá, bahtic ta jochol taquin q'uinal yu'un Judá te ay ta Neguev ta nopol Arad; la sjoquin sbahic ta nahinel soc te yajwal q'uinal tey a.

Jueces 1:16 Referans Kwoze

Jueces 4:11

Ta jijte' ta Zaanaim, te nopol yiloj sba soc lum Cedes, tey yac'oj scampamento te Heber te quenita-winic, te la sloq'ues sba tel ta stojolic te yantic quenitaetic te sts'umbalinejic tel te Hobab te snialmamal Moisés.

1 Samuel 15:6

Jich la yalbey te quenitaetic: —Q'ueja abaic. Loc'anic bael ta yolil te amalequetic, swenta yu'un ma me pajaluc ya awich'ic lajinel soc, melel lec awo'tanic ta stojol israeletic te c'alal yacalic talel ta Egipto a —la yut. Jich te quenitaetic loq'uic bael ta yolil te amalequetique.

Deuteronomio 34:3

te Néguev, te ti'ti'ja' bael yu'un te muc'ja' Jordán soc te muc'ul spamlej yu'un Jericó, ja' te lum te banti ay bayal palmaetic, c'alal ta Zoar.

Números 21:1

Te muc' ajwalil-cananeo ta lum Arad, te ay ta Néguev, la yaiybey stojol sc'oplal te israeletic te yacalic ta beel tel ta sbelal Atarim. Loc' yac'bey guerra, soc ay la xchuquic bael.

Jueces 3:13

Te Eglón la xchap soc amonetic soc amalequetic, tal yac'beyic guerra te Israel. La yich'beyic te lum Palmaetic.

Jueces 4:17

Te Jabín te ajwalil yu'un Hazor, jun yo'tan sba soc te mach'atic ay yu'un Heber te quenita-winique. Te Sísara, te bit'il an bael ta yacan, c'ot c'alal ta snailpac' Jael, te yinam Heber.

Jeremías 35:2

—Baan ilawil te recabitaetic, c'opojan soc. Ic'a bael ta jun cuarto ta templo, soc ac'beya vino yuch'ic —xi'.

2 Crónicas 28:16

Jich c'aal a, te muc' ajwalil Acaz la sticun abatetic yu'un ta stojol te muc' ajwalil yu'un Asiria, swenta sc'anel coltayel yu'un.

1 Crónicas 2:15

te Ozem, ja' te swaquebale; soc ja' sjuquebal a te David.

Josué 12:14

yu'un Horma, yu'un Arad,

Éxodo 18:27

Te snialmamal te Moisés la spatbey jilel yo'tan, sujt' bael ta slumal.

Éxodo 18:12

Te Jetro te snialmamal Moisés la stsac jcojt' chambalam yu'un ya smil soc ya xchic'bey smajt'anin te Diose, soc yan milbil majt'aniletic la yac'. Te Aarón soc spisil te mamaletic ich'bilic ta muc' yu'un Israel, la sjoinic ta we'el te snialmamal Moisés ta stojol te Diose.

Éxodo 18:7

Te Moisés loc' spatbey yo'tan te snialmamale, la squejan sba ta stojol soc la sbujts'iy. C'alal laj yo'tan ta spatbeyel sba yo'tan soc, ochic bael ta snailpac'.

Éxodo 18:1

Te Jetro te sacerdote yu'un te madianetique, te snialmamal te Moisés, la yaiy stojol spisil te bitic la spas Dios soc Moisés soc te lum Israel te bit'il la yich' loq'uesel tel ta Egipto yu'un te Cajwaltique.

Éxodo 4:18

Moisés sujt' bael ta sna te snialmamale, ja' te Jetro. Jich la yal: —Ya sujt'on bael ta Egipto ta bay ayic te jlumale. Ya jc'an xba quil teme cuxulic toe —xi'. —Baan, jun me awo'tan ya xbaat —xi' te Jetro.

Éxodo 3:1

Te Moisés ya scanantaybey xchij te snialmamal Jetro, te sacerdote yu'unic te madianetique. Ay la yic' c'axel te chijetic ta muc'ul jochol taquin q'uinal. C'ot c'alal ta nopol wits yu'un Dios te Horeb sbiile.

San Mateo 3:1

La sta yorail te tal ta bay jochol taquin q'uinal yu'un Judea te Juan J'ac'-ich'ja'e.

Jueces 1:15

La yal te Acsa: —Yu'un ay bi ya jc'anbat jtebuc. Te bit'il la awac'bonix te q'uinal ta Néguev, ac'bon soc sloq'uibja'etic —xi'. Jich yu'un te Caleb la yac'bey te sloq'uibja'etic ta cajal soc ta alan.

1 Samuel 27:10

Ya xjojc'obotic yu'un: —¿Banti c'oex ta spojel biluquetic te naxe? —xi'. Jac'bot yu'un te David: —Ta sur yu'un Judá —xi' jun buelta. —Ta sur yu'un Jerameel —xi' yan buelta. —Ta sur yu'un sq'uinal quenitaetic —xi' xan.

1 Samuel 30:29

soc Racal, soc nix te mach'atic ayic ta lumetic ta Jerameel,

Deuteronomio 34:4

Jich albot yu'un te Cajwaltique: —Ja' in to, ja' te lumq'uinal la calbey ta jamal te Abraham, Isaac soc Jacob, te ya cac'bey te patil alnich'anetic yu'unique. La sc'an co'tan te la cac'bat awil ta asite, manchuc me ma ba ya x'ochatix bael tey a —xi' sc'oplal.

Josué 18:21

Te lumetic te c'ot ta swentaic te jayeb ta jchajp sts'umbal Benjamín, ja'ic Jericó, Bet-hogla, Emec-casis,

1 Crónicas 2:55

soc te chajbalchajp te soferitaetic te ayic ta lum Jabes a, ja' bi ja' te tirateoetic, simeateoetic soc te sucateoetique. Ja'ic te quenitaetic te chicnajic tel ta sts'umbal Hamat, te stat te Bet-recab.