Jueces 1:10 - Bible in Tzeltal de Oxchuc y Tenejapa

¹⁰ Ba stsalic te cananeoetic ta lum Hebrón, te Quiriat-arba sbiil ta neelale, soc la stsalic Sesai, Ahimán soc Talmai.

Bible in Tzeltal Bachajón

¹⁰ Soc baht ya'beyic guerra te cananeohetic te nahinemic ta Hebrón, te ha Quiriat-arba sbihil ta nahil to; soc la stsalticlanic Sesai, Ahimán soc Talmai.

Jueces 1:10 Referans Kwoze

Josué 14:15

Te namey q'uinal sbiil te Hebrón ja' Quiriat-arba. Te Arba ja' sts'umbal te muc'ul najt'il winic Anac te mero pujq'uem sc'oplale. Jich lamaj c'op ta bay te q'uinale.

Números 13:22

Ochic bael ta Néguev, c'otic c'alal ta lum Hebrón. Tey nainemic a te Ahimán, Sesai soc Talmai, te sts'umbalic Anac. Te Hebrón sjuquebalix ja'wil spastajel a te la yich' pasel te Zoán ta Egipto.

Jeremías 9:23

Te Cajwaltic ya yal: —Ma me toyemuc q'uinal ya yaiy te mach'a p'ije, ta scaj nax te sp'ijile; ma me jichuc ya spas te mach'a ay yipe, ta scaj nax te yipe; ma me jichuc ya spas te jc'uleje, ta scaj nax te sc'ulejale.

Eclesiastés 9:11

Ta balumilal ay yan bila quiloj: Ma ja'uc te mach'a ya xju' yu'un animal te ya stsalawan ta animale, soc ni ja'uc te mach'atic ma sna'ic xiwel te ya tsalawanic ta guerra. Ma ja'uc spisil ora ay swe'el yu'un te mach'atic ay sp'ijilique, ni ja'uc jc'ulejetic te mach'atic ay snopjibal yu'unique, soc ni ja'uquic te mach'atic p'ijubtesbilic te buen maliybilique. Ta spisilic ta ch'in ajc' nax te jich ya xc'ot ta swentaique.

Jueces 1:20

Te Caleb ja' c'ot ta swenta te Hebrón, jich bit'il yalojbey sc'oplal Moisés. Te Caleb la sloq'ues bael yoxebal sts'umbal Anac.

Números 13:33

Soc la quiltic tey a te muc'ul najt'il winiquetic te mach'atic sts'umbal Anac. Jich quileltic ta stojolic la caiytic te bit'il c'ulubetic, soc jich wan la yilotic te jo'otique —xiic ta yalel.

Génesis 23:2

Tey laj ta Quiriat-arba, te Hebrón yan sbiil te ay ta sq'uinal Canaán. Te Abraham la yoq'uetay te Sara, bayal la smel yo'tan yu'un.

Génesis 37:14

Jich yu'un albot bael yu'un te state: —Baan, ilawil teme lec ay te abanquiltaque, soc teme lec ay te jchijtique. Ya me xtal awalbon caiy te bi yilelique —xi'. Jich la sticun loq'uel ta Hebrón, bajt' ta Siquem.

Josué 10:36

C'alal ju' stsalbelic Eglón, bajt'ic ta lum Hebrón, c'o yac'beyic guerra.

Jueces 1:9

Ja' nix jich ba yac'beyic guerra te cananeoetic te nainemic ta witstiquil, ta Neguev soc ta coel q'uinal bael.