San Juan 9:34 - Bible in Tzeltal de Oxchuc y Tenejapa

³⁴ La yalbeyic: —Mero jmulawilat ja' to c'alal ayinate. ¿Ja' bal c'an ap'ijubtesotic? —la yutic. Jich la sloq'uesic ta sinagoga.

Nuevo Testamento Tzeltal de Amatenango

³⁴ Jich a altalanbot yuꞌunik: —Te jaꞌate nojel ta mulil a ayinat. ¿Me yuꞌun ya akꞌan ya apꞌijutesotik? —xyutik. Y jich a stenik lokꞌel ta sinagoga.

Bible in Tzeltal Bachajón

³⁴ La sjaq'uic: Ta scuenta mulil te ayinat, ¿ha'at bal yac anohptesotcotic? la yutic. Hich la stenic loq'uel.

San Juan 9:34 Referans Kwoze

San Juan 9:22

Jich la yal te sme'-state scaj te la xi'ic te judioetique. Melel chajbanbilix yu'unic te ya yich' loq'uesel ta sinagoga chican mach'a a te ya yal te ja' Cristo te Jesuse.

San Juan 9:2

Te jnopojeletic yu'une la sjojc'oyic: —Maestro, ¿mach'a smul te ma'sit ayin in winic to? ¿Scaj bal smul sme'-stat, o scaj bal smul stuquel? —xiic.

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

San Lucas 18:17

Jamal ya calbeyex, te mach'a ma xch'uun yajwalinel te Diose, jich bit'il te alale, ma xju' ya yajwalin te Diose —xi' te Jesuse.

Salmos 51:5

Ta mero melel, amenonix a te c'alal ayinone; ayonix ta mulil a te c'alal ayon to ta xch'ujt' a te jme'e.

Job 25:4

¿Ya bal xju' yu'un jtul winic te ayinem ta swenta ants, te toj yo'tan soc mero lec yo'tan ta stojol te Diose?

Génesis 19:9

Albotic yu'un: —Q'ueja aba. Ma ja'uc ya xtal apasotic ta mandal te jyanlumat atuquel. Te ja'ate ya ac'an ya awac' aba ta ich'el ta muc'. C'ax jich ya awich' yo'tic te bit'il yantic to —xiic. La stenic te Lot, c'an swuyic te ti'naile.

Apocalipsis 13:17

Jtul ma'yuc mach'a ya yaiy manbajel soc chonbajel teme ma ba yich'oj te marcae o te sbiil te muc'ul chambalam te xi'bantic sbae, o te snumeroil te sbiile.

3 Juan 1:9

Te jo'one la jpasbey scarta te jch'uunjeletic te banti ayate, ja'uc me to, te Diótrefes, ma ba ya yich'bon ta muc' te cat'el quich'oje, melel ja' ya smulan te stuquel ya x'ich'ot ta muc' ta yolil te quermanotactique.

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

Efesios 2:3

Ta jpisiltic jich ayotic uuc ta neelal to. Ja' bajt' ta co'tantic spasel te bila la smulan spasel te jbaq'uetaltique. Ja' la jpasbeytic te bila ya sc'an yo'tan te jbaq'uetaltique soc te bila la jnop ta co'tantique. Ja' nax ayotic ta swenta yich'el tulan castigo, jich bit'il te yantique.

Gálatas 2:15

Te jo'otique, judiootic ta cayinabtic to, ma ba jmulawilotic jich bit'il te jyanlumetique.

San Juan 9:40

La yaiyic stojol cha'oxtul te fariseoetic te sjoinejic tey a. Jich la yalbeyic: —¿Yu'un bal ma'sitotic te jo'otique? —xiic.

San Juan 9:35

La yaiy stojol Jesús te la sloq'uesiquix te mach'a ma'sit ta neelale. La sta sba soc te winique. Jich la yalbey: —¿Ya bal ach'uun te Snich'an Diose? —xi'.

San Juan 8:41

Yan te ja'exe, jich nix awat'el ya apasic te bit'il yat'el te atatique —xi'. La yalic: —Te jo'otique ma ba ayinemotic ta swenta mulwej, melel jun nax te jtatique ja' te Diose —xiic.

San Juan 6:37

Spisil mach'a ya yac'bon te Jtate ya xtal ta jtojol. Te mach'a ya xtal ta jtojole ma ba jch'oj loq'uel.

San Lucas 14:11

Melel te mach'a ya yac' sba ta ich'el ta muq'ue, ma'yuc sc'oplal ya xc'ot. Yan te mach'a peq'uel ya yac' sbae, ja' me ya x'ich'ot ta muc' stuquel —xi' te Jesuse.

San Lucas 11:45

La sjac' tel jtul jts'ibojom: —Maestro, te bit'il jich la awale, jo'otic la aq'uexlaltesotic uuc —xi'.

San Lucas 6:22

“Bin nax me awutsilic ja'ex teme ayex ta ilayel yu'un te ants-winiquetique, soc teme ya stenex loq'uele, soc teme ya sbolc'optayexe, soc teme ya sp'ajex te bit'il amenex ta sc'opic ta scaj te Nich'anile.

Isaías 65:5

La yalic: “Ainan tey a, ma me xnoptsajat tel; c'axem to xan ch'ulajemon, ma me xnoptsajat ta jtojol”, xiic. Te ants-winiquetic jich c'oemic te bit'il c'ajc' te ya xtil sjunal c'aal; jich ya yuts'inonic te bit'il ch'ail ta jni'tic.

Proverbios 29:1

Te mach'a tulan ya yac' sba te c'alal ya yich' comel, ora nax me ya yich' jinel, soc ma me ayuc xpoxil yu'un.

Proverbios 26:12

Ya xju' te ay bila lec ya xc'ot ta stojol te mach'a ma sna' q'uinale, pero jc'axel ma'yuc lec bi ya sta te mach'a ya scuy sba ta p'ije.

Proverbios 22:10

Teme ya yich' loq'uesel te jach-c'ope, ya xch'ay bael te c'opetique, soc ya xlaj bael te toybaile.

Job 14:4

Ma'yuc mach'a ya spas te ay bila lec ya xloc' yu'un a te bila ma lecuque.

2 Crónicas 25:16

Ja'uc me to, te c'alal jich la yal te j'alwaneje, te muc' ajwalil la sjac': —¿Yu'un bal awich'oj awat'el ta jconsejero ta jtojol jo'on te muc' ajwalilone? Ma me xc'opojat. ¿Yu'un bal ya ac'an ya awich' milel? —xi'. Te j'alwaneje ma la yalbeyix bayal aiyej, ja' xanix la yalbey: —Ya jna' te ayix ta yo'tan Dios te ya sjinat ta swenta bit'il jich la apas soc ta scaj te ma xach'uun te bi la calbate —la yut.

Éxodo 2:14

Te hebreo-winic la yalbey: —¿Mach'a la yac'bat awat'el te ya xtal apasotic ta mandale? ¿Yu'un bal ya ac'an amilon jich bit'il la amil te egipcio-winique? —xi'. C'alal la yaiy stojol te Moisés, xiw yu'un. La sna' stojol te chicnajemix te bit'il laj te jtul egipcioe.

3 Juan 1:10

Jich yu'un teme talone, ya me calbey ta jamal te bila amen ya spase. Yu'un ma tic'uc ya yaiy a te ya slotbon jc'oplal, melel ma sc'an yic' ta stojol te quermanotactic te ya xtalic ta q'uejele. Soc teme ay te jch'uunjeletic te toyol yo'tanic ya xnajc'anwanique, ya yich'ic comel ta ora yu'un soc ya xtenotic loq'uel ta xch'uunel Dios yu'un.