San Juan 9:16 - Bible in Tzeltal de Oxchuc y Tenejapa

¹⁶ Ay cha'oxtul te fariseoetic la yalique: —Ma ba talem ta stojol Dios me to, melel ma scanantay te bi c'aalil swenta cux-o'tan —xiic. Soc ay la yalic: —¿Ya bal c'an ju'uc yu'un spasel jtul jmulawil in señailetic to? —xiic. Jich ma junuc yo'tan sbaic yu'un.

Nuevo Testamento Tzeltal de Amatenango

¹⁶ Ay chaꞌox tul fariseoetik te la yalbeyike: —Te machꞌa jich a spas to ma ta skuentauk Dios, porke ma xyakꞌ ta jkuenta te skꞌaalel kuxo-oꞌtane —xchiik. Pero te yane la yalik: —¿Tutꞌil ya xjuꞌ yuꞌun spasel te seña milagroetik teme jmulawile? —xchiik. Jich maꞌyuk akuerdo a kꞌot yuꞌunik.

Bible in Tzeltal Bachajón

¹⁶ Ay fariseohetic hich la yalic: Te winic ini, ma ba talem ta stojol Dios, como ma ba ya scanantay te sc'ahc'alel cux-o'tan, xchihic. Ay yantic la yalic: ¿Bin ut'il ya xhu' yu'un spasel señahiletic te mach'a jmulawil? xchihic. Hich la stij sbahic ta c'op yu'un.

San Juan 9:16 Referans Kwoze

San Juan 10:19

Te c'alal la yaiy stojol te judioetic te bit'il jich la yale, jich ma junuc nax yo'tan sbaic yu'un.

San Juan 7:43

Jich ma junuc yo'tan sbaic yu'un te Jesuse.

San Juan 7:12

Ta bay yolil te ants-winiquetique ay tsobol mach'atic yacalic yaanel. Ay la yalic: “Mero lec yo'tan te winique”, xiic. Ay yantic la yalic: “Ban c'an lecuc yo'tan, melel ya slo'lay te lume”, xiic.

San Juan 3:2

Tal sc'opon ta ajc'ubal te Jesuse. Jich jajch' yalbey: —Maestro, jna'oj stojol te bit'il ticunbilat tel ta p'ijubteswanej yu'un te Diose, melel ma'yuc mach'a ya xju' yu'un spasel te jchajp at'eliletic te yacat ta spasel te manchuc sjoinejucat te Diose —xi'.

San Mateo 12:2

Te fariseoetic la yilic te bila yacalic ta spasele, soc jich la yalbeyic te Jesuse: —Ilawil te jnopojeletic awu'une. Yacalic ta spasel te bila ma stac' ta pasel ta sc'aalelal cux-o'tan —xiic.

San Juan 15:24

Te manchuc la jpasbey yilic at'eliletic te ma'yuc mach'a ju'em yu'un spasele, ma'yuc smulic te jichuque. Ta ora to la yiliquix te bila la jpase. Ja' ya yilayonic yu'un, soc ya yilayic uuc te Jtate.

San Juan 14:11

C'otuc ta awo'tanic te ayon ta stojol te Jtate; te Jtate ay ta jtojol uuc. O teme ma spas awaiyique, ja' me xach'uunonic yu'un te at'eliletic ya jpase.

San Juan 9:24

Jich yu'un te judioetique la xcha'yiq'uic xan tel te winic te ma'sit ta neelale. Jich la yalbeyic: —Albotic ta jamal ta stojol Dios te mach'a la sjambat te asite, yu'un jna'ojtic stojol jo'otic te jmulawil te winic ya awale —xiic.

San Juan 6:52

Te judioetique tulan jajch'ic ta c'op yu'un te bila la yale. Jich la yalic: —¿Bit'il ya yac'botic jwe'tic ya yal te sbaq'uetale? —xiic.

San Juan 5:36

Ja'uc me to, ay testigo cu'un te cajal ay sc'oplal yu'un te Juane. Ja' testigo cu'un te at'eliletic yac'ojbon jpas te Jtate. Te at'eliletic te yacon ta spasele, ja' chican ta na'el a te ja' nix la sticunon tel te Jtate.

Hechos 14:4

Ja'uc me to, te yajwal te lume la sjat sbaic yu'un. Ay mach'atic jun yo'tan sbaic soc te judioetique soc ay mach'atic jun yo'tan sbaic soc te jpuc-c'opetique.

San Mateo 12:10

Ay jtul winic tey a te sicuben xchial te jch'ix sc'abe. La smaliy yilic te bila ya spas te Jesuse soc la sjojc'obeyic: —¿Ya bal stac' te ya yich' coltayel jchameletic ta sc'aalelal te cux-o'tane? —xiic.

San Lucas 13:14

Yan te mach'a yich'oj yat'el ta sinagoga, ilin yo'tan yu'un te bit'il Jesús la slamantesbey xchamel ta sc'aalelal cux-o'tan. Jich caj yalbey te mach'a stsoboj sbaique: —Ay waqueb c'aal te ya xju' ya x'at'ejotique. Ja' me yorail ya xtalex a te ya awac' ta lamantesel te achamelique. Ma me ja'uc ta sc'aalelal cux-o'tan —la yut.

San Juan 2:11

Ja' in to, ja' sbabial yu'un spisil te señailetic te la yac' ta ilel yutsilal a te Jesuse. Tey c'ot ta pasel ta lum Caná te ay ta sq'uinal Galilea. Te bit'il la yilbeyic seña yu'el Jesús te jnopojeletique, jich la xch'uun yo'tanic te mach'a a.

San Juan 5:10

Jich te judioetique, caj yalbeyic te winic te colemixe: —Ja' in c'aal to sc'aalelal cux-o'tan. Ma spas te abaloj awaib ta beele —la yutic.

San Juan 7:23

Jich yu'un teme ya awac'beyic yich' circuncisión jtuluc alal ta sc'aalelal te cux-o'tane swenta yu'un ma xyich' c'axintayel smandal te Moisese, ¿bistuc ya awilintayonic yu'un te la jcoltaybey scojt'ol sbaq'uetal jtul winic ta sc'aalelal te cux-o'tane?