San Juan 8:59 - Bible in Tzeltal de Oxchuc y Tenejapa

⁵⁹ Jich yu'un la stsaquic ton xch'ojic a te Jesuse, ja'uc me to, la snac' sba. Loc' ta templo. C'ax ta yolilic. Jich bajt'.

Nuevo Testamento Tzeltal de Amatenango

⁵⁹ Jich te juriyoetike la stamik ton yuꞌun kꞌan yaꞌbeyik te Jesuse, pero te Jesuse la snakꞌ sba y lokꞌ bael te ba temploe, y bajt.

Bible in Tzeltal Bachajón

⁵⁹ Hich la stamticlanic ton yu'un ya sch'ojic a, pero la snac' sba te Jesús, loc' bahel ta Templo, c'ax ta yohlilic, baht.

San Juan 8:59 Referans Kwoze

San Juan 11:8

La yalic te jnopojeletique: —Maestro, ach' to nax c'an smilat ta ch'ojel ta ton tey a te judioetique. ¿Bistuc ya xcha'baat xan tey a? —xiic.

Hechos 7:57

Ja'uc me to, la smac xchiquinic soc tulan awunic yu'un. Spisilic la sjumtayic ta tsaquel ta ora te Estebane.

San Juan 18:31

La yal te Pilatoe: —Ic'aic bael te ja'exe. Baan, chajbanaic ta swenta te mandalil awu'unique —la yut. La yalic te judioetique: —Te jo'otique ma'yuc ta jwentatic te ay mach'a ya cac'tic ta lajele —xiic.

San Juan 12:36

Te bit'il ayex to ta bay te saquil q'uinal, ch'uunaic me, swenta yu'un ja' yal-snich'an ya xc'oex te saquil q'uinale —xi' te Jesuse. C'alal laj yo'tan ta yalel in to te Jesuse, ba snac' sba ta q'uejel.

San Juan 11:54

Ja' swentail te ma ba beenix ta comonsitil ta yolil judioetic te Jesuse. La yijq'uitay jilel te sq'uinal Judeae. Bajt' ta ch'in lum te Efraín sbiile te nopol yiloj sba soc te jochol q'uinale. Tey ain soc te jnopojeletic yu'une.

San Juan 5:13

Ja'uc me to, te winic te colemixe, ma la sna' te mach'a coltayot yu'une. Melel te Jesús la xch'ay sba ta yolilic te ants-winiquetique.

San Lucas 24:31

Jich jambot te sitique soc la sna'beyic sba, ja'uc me to, ora tup' ta sitic.

Génesis 19:11

Soc la sc'atp'un ta ma'sit te winiquetic, te queremetic, te mamaletic tejc'ajtic ta c'op ta ti'nail. Jich lubic ta sleel te ti'naile.

1 Samuel 30:6

Te David ma sna' bi ya yut sba scaj te yac ta alel te ya yich' xch'ojel ta ton yu'un te swinictaque, melel spisilic ilinem yo'tanic yu'un te bi c'oem ta pasel ta stojol te snich'nabique. Pero ja' la yipin yo'tan te Cajwaltic te Dios yu'une.

San Mateo 12:14

Jich te fariseoetique loq'uic bael. Ba snopic te bi ya yut ya smilic te Jesuse.

San Juan 9:1

Te c'alal yac ta c'axel bael te Jesuse, la yil jtul winic te ma'sit ta yainab toe.