San Juan 8:3 - Bible in Tzeltal de Oxchuc y Tenejapa

³ Te jts'ibojometique soc te fariseoetique la yiq'uic tel jtul ants te yac ta mulwej taote. La stejc'anic ta comonsitil ta yolilic.

Nuevo Testamento Tzeltal de Amatenango

³ Te maestroetik yuꞌun te mantaliletike sok te fariseoetike jich a yikꞌik bael jtul ants te yipal ta kremiwejel a taote. La stejkꞌanik ta sitil komon ta yolil te machꞌatik teꞌelan ae,

Bible in Tzeltal Bachajón

³ Te escribanohetic soc fariseohetic la yiq'uic tal jtuhl ants te yac ta antsinel a c'oht ta tahel; la stehc'anic ta ohlil,

San Juan 8:3 Referans Kwoze

San Juan 8:2

Ta yan c'aal ta sab cha'tal xan ta templo. Spisil lum noptsajic tel ta stojol. Jich la snajc'an sba. Jajch' ta p'ijubteswanej.

San Juan 8:4

Jich la yalbeyic te Jesuse: —Maestro, ja' in ants to yac ta mulwej te taote.

San Juan 8:9

C'alal la yaiyic stojol te jich la yale, bayal caj sna'ulay ta yo'tanic te bit'il ay smulic ta spisilique. Jich juju-jtul loq'uic bael. Ja' sbabial loc' bael te mach'a mamalixe. Jich bajt'ic ta spisilic. Stuquel xanix jil te Jesuse soc te antse.

Hechos 4:7

La sticunic ta iq'uel loq'uel tel ta chucjibal te Pedro te Juane. La stec'anic ta olilal, soc jajch' yich'beyic sc'opic: —¿Mach'a la yac'bat tulan awat'el ta spasel in to? ¿Mach'a ta swenta sbiil te jich ya apasique? —xiic.

Números 15:33

Te mach'atic taot yu'un, la yiq'uic bael ta stojol Moisés soc Aarón soc ta spisil te lume.

Ezequiel 16:38

Ya me cac'bat atoj te bila amulineje, ja' te mulweje, soc te milawe. Soc quilimba ya cac'at ta lajel, ta scaj te ma junuc awo'tan la awac' aba ta jtojole.

Ezequiel 23:45

Pero te winiquetic toj yo'tanic ya me yalic ta jamal te castigo ya sc'an ya xc'ot ta stojolic te jmulawiletic soc te jmilawaletique. Melel jmulawiletic, soc ay xch'ich'el sc'abic yu'un milaw —xi'.

San Mateo 2:4

Jich te ajwalile la yic' tel te jwolwanej-sacerdoteetic soc te jts'ibojometique. La sjojc'obey yaiy te banti lumiluc ya x'ayin te Cristoe.

San Juan 9:13

Jich la yiq'uic bael ta stojol fariseoetic te winic te jambot site.

Romanos 7:3

Yan teme cuxul to smamlal a te ya yic' sba soc te yan winique, ayix ta mulwej abi. Ja'uc me to, teme laj te smamlale, jich jilix ta libre yu'un a te mandalile. Jich ma'yuc ta mulwej teme ya xnujbin soc te yan winique.