San Juan 8:28 - Bible in Tzeltal de Oxchuc y Tenejapa

²⁸ Ja' swentail te jich caj yalbey yaiyique: —Te c'alal ya ajijp'anic te Nich'anile, tey me ya ana'ic stojol te mach'aon a te jo'one. Soc ya me ana'ic te ma jtuquel-o'tanuc nax te bila ya jpase. Ja' nax ya cal stuquel te bila yac'ojbon jnop te Jtate.

Nuevo Testamento Tzeltal de Amatenango

²⁸ Jaꞌ yuꞌun te la yaltalanbeye: —Te kꞌalal toyol ya ajojkꞌanik te Nichꞌanile, te me ya anaꞌbonik jba a te joꞌon nanix ae. Sok ya me anaꞌik te ma joꞌukon ya kichꞌ ta koꞌtan te tut ya jpase; jaꞌ nax ya kal te tut yakꞌojbon jnop te Tatile.

Bible in Tzeltal Bachajón

²⁸ Ha yu'un la yalbe xan: Te c'alal ya yich' toyel hahchel te Nich'anil ay ta scuenta winic, tey to me yac ana'ic a te ho'on nix soc te mayuc bin jtuquel-o'tan nax ya jpas, ha nax ya cal te bin a'bibilon jnop yu'un te Tatile.

San Juan 8:28 Referans Kwoze

San Juan 5:30

“Te jo'one ma'yuc bila ya xju' cu'un spasel ta jtuquel. Ya caiy chajbanwanej jich te bit'il pasbilon ta mandale; soc toj te bila ya cal ta chajbanwanej, yu'un ma ja'uc ya jle te sc'anjel co'tan jtuquele. Ja' ya jpasbey sc'anjel yo'tan stuquel te Jtatic Dios te la sticunon tele.

San Juan 5:19

Te Jesús caj yalbey yaiyic: —Jamal ya calbeyex, te Nich'anile ma'yuc bila ya spas ta stuquel nax te bila ya sc'an te yo'tane. Ja' ya spas te bila ya yil te ya spas te Tatile, ja' nix ya spas uuc te Nich'anile.

San Juan 6:38

Melel te bit'il coemon tel ta ch'ulchane, ja' tal jpasbey sc'anjel yo'tan te mach'a la sticunon tele. Ma ja'uc tal jpas te bila ya sc'an co'tan jtuquele.

San Juan 3:14

Soc jich te bit'il la sjijp'an jti'awal chan ta bay jochol taquin q'uinal te Moisese, ja' nanix jich ya yich' jijp'anel uuc te Nich'anile,

Romanos 1:4

Ja'uc me to, ac'ot ta ilel te ja' Snich'an Dios te yich'oj yu'ele, melel cha'cux tel ta bay animaetic ta swenta te Espiritue te ya xch'ulteswane.

Hechos 4:4

Ja'uc me to, la xch'uunic Cristo bayal te mach'atic la yaiyic stojol te sc'op Diose. Jich esmaj xan te jch'uunjeletique. Ay niwan jo'mil (5,000) ta jtul te winiquetique.

Hechos 2:41

Jich yu'un te mach'atic jich yipal la xch'uunic te sc'op Diose, ac'bot yich'ic ja' ta spisilic. Ay niwan oxmil (3,000) te esmajic ta jun nax c'aal te jch'uunjeletique.

San Juan 19:18

Tey la sjijp'anic ta cruz a. Soc ay cheb winiquetic la sjijp'anic ta cruz soc, jtul ta juju-jmejch', ta olilal ay te Jesuse.

San Juan 16:10

Te mach'a a te toj yo'tane, ja' te jo'one, te ya xboon ta stojol te Tatile, soc ma ba ya awilbonic xan jsit.

San Juan 11:42

Jna'oj stojol te spisil ora ya awaiybon stojol te jc'ope. Ja'uc me to, ya cal ta scaj te bayal mach'atic sepoj sbaic li'to, yu'un jich me ya xch'uunic te ja'at la aticunon tele —xi'.

San Juan 8:24

Ja' swentail te la calbeyex te acuchoj amul ya xlajexe. Teme ma x'ac'an ach'uunic te jtalel ayone, acuchoj amulic ya xlajex —xi'.

San Juan 3:11

Jamal ya calbat, ja' ya caltic te bila jna'ojtique, soc te bila quilojtique; ja'uc me to, ma xc'ot ta awo'tan te bila ya caltique.

Éxodo 3:14

La sjac' te Diose: —Albeya: “JO'ON TE JTALEL AYONE”, xi' te sbiile, uta me. Soc albeya te alumale: “TE STALEL AY, xi' te sbiile, ja' la sticunon tel ta atojolic”, uta me —xi'.

Deuteronomio 18:18

Jo'on me ya cac' chicnajuc ta yolilic j'alwanej yu'unic, jich bit'il te ja'ate. Te ya cac' chicnajuque, ja' ni me jtul te slumalique. Ya me x'albotic yu'un te bila ya calbey. Ja' me ya sc'asesbey yaiyic te bila ya calbeye.

San Mateo 24:5

melel ay me tsobolic ya xtalic te yich'ojbon jbiil ta sc'opique, jich me ya yalic: “Jo'on Cristoon”, xiic me. Ay me tsobol ta jtul te ya xlajic ta lo'layel yu'une.

San Marcos 13:6

Melel ay me tsobolic ya xtalic te ya slotbonic jbiile. Ya me yalic: “Jo'on Cristoon”, xiic me. Ay me tsobolic ta jtul te ya xlajic ta lo'layel yu'unique.

San Lucas 21:8

La yal te Jesuse: —Tsajtaya me abaic, ma me mach'a ya slo'layex. Ay me tsobol ya xtalic te ya slotbonic jbiile. “Jo'on Cristoon”, xiic me, soc “Yorailix”, xiic me. Ja'uc me to, ma me xats'aclinic.

San Juan 4:26

Te Jesús jich la yalbey: —Jo'on abi, te ya jc'oponate —xi'.

San Juan 8:27

Ma la sna'ic stojol te ja' la yalbey sc'oplal te Tatile.

San Juan 8:58

La yal te Jesuse: —Jamal ya calbeyex, te c'alal ma to xchicnaj a te Abrahame, jtalel nanix ayon jtuquel a —xi'.

San Juan 13:19

Neel me la calbeyex te bit'il ma to xc'ot ta pasele, swenta yu'un te c'alal ya xc'ot ta pasele, jich me ya ach'uunonic te jo'one.

San Juan 18:32

Jich c'ot sc'op te Jesús te bit'il la yal te bila lajel ya yaiye.