San Juan 8:14 - Bible in Tzeltal de Oxchuc y Tenejapa

¹⁴ La yal te Jesuse: —Manchuc teme jo'on ya cal jc'oplal ta testigoe, ja'uc me to, smelelil te bila ya cale. Melel jna'oj te bay talemone soc jna'oj te bay ya xboone. Yan te ja'exe ma x'ana'ic te bay talemon soc te bay ya xboone.

Nuevo Testamento Tzeltal de Amatenango

¹⁴ Te Jesuse la sjakꞌtalanbe: —Te tut ya kale bale stukel, aunke joꞌon nax mismo ya kal jba. Yuꞌun te joꞌone jnaꞌoj te ba talemone y jnaꞌoj te ba ya xboone. Yan te jaꞌexe ma xꞌanaꞌik ba talemon, y ma xꞌanaꞌik ba ya xboon.

Bible in Tzeltal Bachajón

¹⁴ La sjac' te Jesús: Aunque ho'on nix yac calbel jc'oblal, yu'un nix melel a, como jna'oj banti talemon soc banti ya xbohon; pero te ha'exe ma ba yac ana'ic banti talemon soc banti ya xbohon.

San Juan 8:14 Referans Kwoze

San Juan 16:28

Loc'on tel ta stojol te Jtate, talon ta balumilal. Yan buelta ya quijq'uitayix te balumilale, ya sujt'onix bael ta stojol te Jtate —xi' te Jesuse.

San Juan 14:10

¿Yu'un bal ma xc'ot ta awo'tan te jun ayon soc te Jtate? Ma jo'ocon jc'op jtuquel te bila ya calbeyexe. Te Jtat te jun ayon soque, ja' ya spas stuquel te yat'ele.

San Juan 8:42

Te Jesús jich la yalbey yaiyic: —Te meleluc te ja' atatic te Diose, c'ux ya awaiyonic te jichuque, melel te jo'one talemon ta stojol te Diose te bit'il li' ayon to. Ma jtuquel-o'tanuc te talone. Ja' la sticunon tel te Diose.

San Juan 17:8

Melel la calbeyix yaiyic te bila awalojbone. La yich'iquix ta muc', soc c'otix ta yo'tanic te talemon ta atojol ta melele. La xch'uunix yo'tanic te ja'at la aticunon tele.

Números 12:3

Ta mero melel te Moisés peq'uel yac'oj sba, c'ax jich te bit'il spisil a te yantic te ayic ta q'uinale.

Apocalipsis 3:14

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Laodicea: Te Mach'a Jichuc, te xie, te stalel ma'yuc lot ta yo'tane, jun nax yo'tan ya yal ta testigo te bila smelelile, te ja' ta swenta te chicnantesbil yu'un Dios spisil te bitic aye, jich la yal:

2 Corintios 12:19

Ay niwan ya awalic te ja' nax ya jcoltay jba ta c'op ta atojolic, ja'uc me to, ma jichuc. Smelelil yacotic ta c'op ta swenta te Cristoe soc ta stojol te Diose. Quermanotac, te bayal c'uxex ta co'tantique, spisil te bila ya caltique, swenta yu'un ya me sta xan yip awo'tanic ta stojol Diose a.

2 Corintios 12:11

Jich c'opojonix te bit'il mach'a ma sna' q'uinale, yu'un ja'ex nix te la awac'bonic jpase. Melel ja'ex ya sc'an te la awalbonic lec jc'oplal te jichuque. Manchuc teme c'ax peq'uel ayone, ja'uc me to, ma ja'uc peq'uel c'oemon yu'un te muc'ul jpuc-c'opetic awu'unique.

2 Corintios 11:31

Te Diose, te Stat te Cajwaltic Jesucristoe, te jelawen yutsilal sbajt'el q'uinale, ja' sna'oj te ma jlotuc te bila ya cale.

San Juan 10:36

Jich yu'un teme tsabilon yu'un Dios te la sticunon tel ta balumilale, ¿bistuc ya awalbonic te yacon ta stoybac'optayel Dios a te bit'il la cal te ja' Snich'anone?

Proverbios 8:7

Te bila ya calbeyexe, mero smelelil; jo'on ma jmulan yalel lot.

San Juan 5:31

Teme jo'on jtuquel te ya cal jc'oplal ta testigo-c'ope, ma'yuc sc'oplal te bila ya cale.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,