San Juan 8:11 - Bible in Tzeltal de Oxchuc y Tenejapa

¹¹ La yal te antse: —Ma'yuc jtuluc, Cajwal —xi'. Te Jesús la yalbey: —Te jo'one ma ba ya cac'at ta lajel uuc. Ta ora to baan, ma me xale xan te amule —la yut bael.]

Nuevo Testamento Tzeltal de Amatenango

¹¹ Te antse la sjakꞌ: —Ni jtuluk, Kajwal —xchi. Te Jesuse la yalbe: —Jich te joꞌone, makꞌ kakꞌat ta milel. Ora to baan, y ma me mulawananix a —xyut.

Bible in Tzeltal Bachajón

¹¹ La sjac' te ants: Mayuc, Cajwal, xchi. Ni ho'ucon ya cac'at ta castigo. Bahan, ma me xalehix yan amul, xchi te Jesús.]

San Juan 8:11 Referans Kwoze

San Juan 3:17

Ma ja'uc la sticun tel Snich'an ta balumilal yu'un te ya yac' ta lajel yu'un smulic te ants-winiquetique. Ja' la sticun tel yu'un te ya scoltaye.

San Juan 5:14

Ta patil la sta sba soc ta templo te Jesuse. Jich albot yu'un: —Ya calbat in to: Te bit'il colematixe, ma me xaleulay xan amul, swenta yu'un ma me ayuc bi c'axem to xan jich ya xc'ot ta awenta —utot yu'un.

San Juan 8:15

Te ja'exe ya alebeyic smul yan ta swenta nax te bi yilel ya awilique. Yan te jo'one ma'yuc mach'a ya calbey smul.

San Lucas 15:7

Jich yu'un ya calbeyex, te c'ax jich ay sbujts' yo'tanic te mach'atic ayic ta ch'ulchan te c'alal ya sujt'es yo'tan yu'un smul te jtul jmulawil, te bit'il balunlajuneb yo'winic (99) ta jtul te toj yo'tanic ta stojol Dios, te ma yejt'aluc ya sujt'es yo'tanic yu'un te smulique.

San Lucas 5:32

Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi'.

Proverbios 28:13

Te mach'a ya smuc smul, ma lecuc ya xc'ot yu'un; yan te mach'a ya yal ta jamal soc te ya yijq'uitay spasele, ya me sta perdón.

Job 34:31

“¿Ay bal jich la awalbeyix te Diose: “La cac' jba ta lo'layel; pero ma ba ya jleix jmul yan buelta.

Romanos 2:4

¿Ya bal ap'aj te bayal xc'uxtayejat te Dios te bit'il jal c'aal ya xmaliywane? ¿Yu'un bal ma ba c'oem ta awo'tan te ja' swentail te bit'il ayat ta c'uxtayel yu'une te yacuc asujt'es awo'tan ta stojol te Diose?

San Lucas 13:3

¡Ban c'an jichuc! Melel teme ma xasujt'es awo'tanic yu'un te amulique, jich me ya xlajex ta apisilic uuc.

San Lucas 15:10

Ya calbeyex te jich nix bin nax yo'tanic te ch'ul abatetic yu'un Dios ta ch'ulchan teme ya sujt'es yo'tan yu'un smul te jtul jmulawile —xi' te Jesuse.

San Juan 18:36

La yal te Jesuse: —Te bit'il ajwalilone, ma ja'uc ta swenta in balumilal to. Te yu'unuc ja'uque, ya me spasic guerra te abatetic cu'un te jichuque, swenta yu'un ma ba ac'oton ta sc'ab te judioetic te jichuque. Melel ma ja'uc ta swenta in balumilal to te bit'il ajwalilone —xi'.

San Lucas 15:32

Ja'uc me to, snujp' te ya jpastic q'uine, yu'un ay sbujts' co'tantic. Melel te awijts'ine lajemix, ja'uc me to, cha'cuxemix. Jc'axel ch'ayem ta jc'op, ja'uc me to, la jtaix”, xi' te state —xi' ta yalel te Jesuse.

San Lucas 13:5

¡Ban c'an jichuc! Melel teme ma xasujt'es awo'tanic yu'un te amulique, jich me ya xlajex ta apisilic uuc —xi' te Jesuse.

Isaías 55:6

“Leaic me te Cajwaltic te ya to xju' ta taele; ic'a ta awo'tan te bit'il nopol to aye.

Deuteronomio 17:9

C'opojanic ta stojol te sacerdote-levitaetic, soc te juez swentainej chajbanwanej, albeya yaiyic te bit'il ay te c'ope. Ja'ic me te ya yalic te bit'il ya xc'ote, chican te bit'il ay te c'ope.

Deuteronomio 16:18

“Ac'beyaic yich' yat'el juecetic, soc ac'beyaic yich' yat'el yantic jwentainwanejetic ta stojol te lumetic ya yac'beyex ta chajbalchajp ats'umbalic te Cajwaltic te Dios cu'untique, swenta yu'un ya me xchajbanwanic ta mero stojil ta stojol te lume.

2 Pedro 3:15

Na'aic me stojol te ay swentail te jal c'aal smaliyejotic te Cajwaltique, yu'un ya sc'an yo'tan te ya scoltayotique. Jich nix la sts'ibubeyex uuc te quermanotic Pablo, te bayal c'ux ta co'tantique. Ta swenta sp'ijil yo'tan ac'bil yu'un Dios te la yale.

1 Corintios 5:12

¿Jo'on bal ay ta jwenta xchajbanel te mach'atic ma ba xch'uunejic te Diose? ¿Ma bal ja'uc ay ta awentaic xchajbanel te mach'atic xch'uunejic te Diose? Melel te mach'atic ma ba xch'uunejic te Diose, ja' ay ta swenta xchajbanel stuquel te Diose. Jich yu'un, loq'uesa me ta awolilic te mach'a c'ax amene.

San Lucas 9:56

Melel te Nich'anile, ma ba tal slajinbey xcuxlejalic te ants-winiquetique. Tal yac' cuxinuc —xi' te Jesuse.] Jich c'axic bael ta bay yan ch'in lum.