San Juan 7:51 - Bible in Tzeltal de Oxchuc y Tenejapa

⁵¹ —Te mandalil cu'untique, ma xyac' te ya cac'beytic castigo jtuluc winic teme ma neeluc ya quich'beytic sc'op te tey ya jna'tic a te bila spasoje —xi'.

Nuevo Testamento Tzeltal de Amatenango

⁵¹ —Te mantaliletik kuꞌuntike ya yal te ma spas te ya kaꞌbetik kastigo jtul winik teme ma nailuk ya jojkꞌobetik te tut spasoje —xchi.

Bible in Tzeltal Bachajón

⁵¹ Te Ley cu'untic, ¿ya bal yalbe smul jtuhl winic te ma ba nahil ya x'a'iybot sc'op soc te ya xna'ot bin spasoj? xchi.

San Juan 7:51 Referans Kwoze

Proverbios 18:13

Ja' bol-o'tanil soc ja' q'uexlaltic sba te mach'a ora ya sjac', c'alal ma to xyaiy stojol spisil te c'ope.

Deuteronomio 1:17

Te c'alal ya awaiyic chajbanwanej, ma me x'awaiyic tsaojel ta stojolic: pajal xachajbanic te mach'atic me'baetic soc te mach'atic jc'ulejetique, ma me ayuc mach'a x'axi'ic, melel te chajbanwanej ja' yu'un te Diose. Teme ay bila chujc'ul ya ataic ta stojolique, ticunbonic tel ta jtojol, swenta yu'un jo'on me ya jchajban”, xoon ta atojolic.

Hechos 23:3

La yal te Pabloe: —¡Dios ya me smajat uuc ja'at te cha'lam awo'tane! ¿Ja'at bal te nacalat ta chajbanwanej ta swenta te mandalile? Melel contra mandalil te la awac'on ta majele —xi' te Pabloe.

Deuteronomio 17:6

“Te mach'a ya x'ac'ot ta lajel ta milel, ja' to me teme ay cheb oxeb testigoetic te ya xc'opojic ta yalel ta jamal te smule. Teme jtul nax te testigo ya xc'opoj ta yalel, ma me ayuc mach'a ya xju' ya yich' milel.

Éxodo 23:1

“Ma me lotil aiyejiluc xawal ta testigo, soc ma me xawac' aba ta testigo yu'un te mach'a amen te bila spasoje.

Números 35:30

Soc jich la yal te Cajwaltique: —Ja' nax ta swenta cha'oxtul testigoetic te ya xju' ya yil swocol ta milel te jmilawale. Teme jtul nax testigo, ma'yuc mach'a ya yil swocol ta milel yu'un.