San Juan 7:33 - Bible in Tzeltal de Oxchuc y Tenejapa

³³ Jich la yal te Jesuse: —Ma ba jalix c'aal te ya joinexe. Jich me ya xboon ta stojol te mach'a la sticunon tele.

Nuevo Testamento Tzeltal de Amatenango

³³ Jich a yal te Jesuse: —Ma jalukix kꞌaal te ya joyinexe, y patil ya me sujton bael ta stojol te Machꞌa la stikonon tale.

Bible in Tzeltal Bachajón

³³ La yal te Jesús: Ma ba halix c'ahc'al ya joquinex, patil ya suhtonix bahel ta banti ay te mach'a la sticonon tale.

San Juan 7:33 Referans Kwoze

San Juan 16:5

Ta ora to ya xba joinix te Mach'a la sticunon tele. Ja'uc me to, ma'yuc bay ya ajojc'obonic te bay ya xboone.

San Juan 13:33

Cal-jnich'nab, ma ba jalix c'aal te ya joinexe. Ya aleonic, ja'uc me to, jich nix ya calbeyex te bit'il la calbey te judioetique, ma xju' ya xbaex tey a ta bay ya xboone.

San Juan 17:13

“Ta ora to ya xtalonix ta atojol. La calix jilel ta balumilal spisil in to, swenta yu'un ya me xbujts'naj yo'tanic ta jc'axel yu'un.

San Juan 17:11

“Te jo'one ma ba ya x'ainonix ta balumilal. Te ja'ique ya xjilic ta balumilal stuquelic. Yan te jo'one ya xtalonix ta atojol. Ch'ul Jtat, te mach'atic awac'ojbone, canantaybon me ta awu'el swenta yu'un jun nax me ya xc'otic ta spisilic, jich te bit'il jun nax ayotique.

San Juan 16:28

Loc'on tel ta stojol te Jtate, talon ta balumilal. Yan buelta ya quijq'uitayix te balumilale, ya sujt'onix bael ta stojol te Jtate —xi' te Jesuse.

San Juan 16:10

Te mach'a a te toj yo'tane, ja' te jo'one, te ya xboon ta stojol te Tatile, soc ma ba ya awilbonic xan jsit.

San Juan 14:19

Jteb sc'an xch'ayon ta sitic te mach'atic ayic ta balumilale. Yan te ja'exe, ya to awilon xan atuquelic. Melel cuxulon te jo'one, jich me ya xcuxinex uuc te ja'exe.

San Juan 13:1

Nopol ya sta yorail te q'uin Pascuae. Te Jesús sna'oj te c'otix yorail te ya yijq'uitay jilel in balumilal to soc te ya xbajt'ix ta stojol te State. Spisil ora c'ux la yaiy ta yo'tan te mach'atic ay yu'un ta balumilale, soc la yac'bey xan yilic te c'uxbajem ta yo'tan c'alal ta slajibal.

San Marcos 16:19

Lajix yo'tan ta sc'oponel a te jnopojeletic yu'un te ic'ot moel ta ch'ulchan te Cajwaltic Jesuse. C'o najc'ajuc ta swa'el te Diose.

San Juan 9:4

Te bit'il ayotic to ta c'aleltique, puersa me ya jpasbey yat'el te mach'a la sticunon tele. Yu'un ya xtal te ajc'ubale, c'alal ma'yuquix mach'a ya xju' ya x'at'ej.

San Juan 14:12

Jamal ya calbeyex, te mach'a ya xch'uunone, te at'eliletic ya jpase, jich me at'eliletic ya spas uuc. Soc c'ax me jich ya spas stuquel, melel ya xboon ta bay te Jtate.

San Juan 14:28

Awaiyojiquix stojol cu'un te ya xboone soc te ya xtal joinex xane. Teme c'uxon ta awo'tanic ta melele, bujts'najemix awo'tanic te jichuque, melel la calix te ya xboon ta bay te Jtate, yu'un ja' cajal cu'un stuquel.

San Juan 20:17

La yal te Jesuse: —Ma me xapicon yu'un ma to moemucon bael ta bay te Jtate. Baan albeya te yantic quermanotaque ya me xmoon bael ta bay te Jtate te Atatic uuc te ja'exe, te Dios cu'une soc te Dios awu'unic uuc te ja'exe —xi'.