San Juan 7:19 - Bible in Tzeltal de Oxchuc y Tenejapa

¹⁹ “¿Ma bal ja'uc Moisés te la yac'beyex te mandalile? Ja'uc me to, ma jtuluquex te awat'elinejic xch'uunele. ¿Bi yu'un ya ac'an amilonic? —xi'.

Nuevo Testamento Tzeltal de Amatenango

¹⁹ ¿Ma me jaꞌuk te jMoises te la yaꞌbeyex te mantaliletike? Pero ni jtuluk te jaꞌexe ya achꞌuunik. ¿Tut yuꞌun te ya akꞌan ya amilikone? —xchi.

Bible in Tzeltal Bachajón

¹⁹ ¿Ma bal ha'uc la ya'beyex te Ley te Moisés? Pero mayuc jtuhluc hu'em awu'unic spasel. ¿Bin yu'un yac achapbelonic jc'oblal ta milel? xchi.

San Juan 7:19 Referans Kwoze

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

San Juan 11:53

Jich yu'un te mach'atic yich'oj yat'elic yu'un te judioetique, jich ora te jajch' xchajbanbeyic sc'oplal ta milel te Jesuse.

San Juan 7:1

Patil been xan Jesús ta sq'uinal Galilea, yu'un ma la sc'an te ya xbajt' ta sq'uinal Judea scaj te chajbanbil yu'unic te judioetic te ya smilic tey a.

San Mateo 12:14

Jich te fariseoetique loq'uic bael. Ba snopic te bi ya yut ya smilic te Jesuse.

Gálatas 6:13

Ja'uc me to, te mach'atic yich'ojic te circuncisione ma xju' ta pasel yu'unic spisil uuc te bi ya yal te mandalile. Ja' nax ya sc'an yo'tanic te yacuc awich'ic te circuncisione, swenta yu'un jich me toyol q'uinal ya yaiyic yu'un te ya sujex ta yich'el te circuncisione.

Deuteronomio 33:4

Moisés la yac'botic mandaliletic, swenta yu'un ya cu'unintic jo'otic te sts'umbalotic te Jacobe.

Deuteronomio 1:17

Te c'alal ya awaiyic chajbanwanej, ma me x'awaiyic tsaojel ta stojolic: pajal xachajbanic te mach'atic me'baetic soc te mach'atic jc'ulejetique, ma me ayuc mach'a x'axi'ic, melel te chajbanwanej ja' yu'un te Diose. Teme ay bila chujc'ul ya ataic ta stojolique, ticunbonic tel ta jtojol, swenta yu'un jo'on me ya jchajban”, xoon ta atojolic.

Gálatas 3:19

Jich yu'un, ¿bila ya xtuun xan a te mandalile? Ja' la yich' aq'uel ta patil yu'un te tey me ya xchicnaj ta jamal a te smulic te mach'atic ya sc'axintayic te mandalile. Ja' to te c'alal tal te sts'umbal Abrahame, ja' te mach'a la yalbey sc'oplal te Diose. Te mandalile la yich' aq'uel ta swenta ch'ul abatetic, soc ay jtul winic te la sc'ases c'op ta stojol te lume.

Hechos 7:38

Soc ja' nix Moisés te ay ta yolilic tey a ta bay stsoboj sbaic ta muc'ul jochol taquin q'uinal, soc sjoinej te ch'ul abat te c'oponot yu'un ta bay wits Sinaí soc uuc te antiguo jme'-jtatique. Ja' ac'bot te c'op swenta cuxinel te la yac'botique.

San Juan 10:39

Jich yu'un c'an stsaquic bael yan buelta te Jesuse, ja'uc me to, col bael ta sc'abic.

San Juan 7:25

Ay la sjojc'obey sbaic te mach'atic ja' nix yajwal te lum Jerusalene: —¿Ma bal ja'uc in winic to te yacal ta leel yu'un ya smilique?

San Juan 5:45

Ma me xacuyic te jo'on ya calbeyex amulic ta stojol te Jtate. Ay te mach'a ya yalbeyex amulique: Ja' te Moisés te ay yip awo'tanic yu'une.

San Juan 5:18

Te judioetique, c'axem to xan la snopic te bi ya yut ya smilic te Jesuse. Melel ma ja'uc nax ya xc'axintay ta sc'opic te sc'aalelal te cux-o'tane, soc uuc te la yal te ja' Stat te Diose, soc te la yal te pajal soc te Diose.

San Juan 5:16

Ja' swentail te la scontroinic Jesús te judioetic. Yo'tanuc smilic ta scaj te ja' ta sc'aalelal cux-o'tan te jich la spase.

San Marcos 3:6

Jich yu'un loq'uic bael te fariseoetique. Ba snopic soc ta ora te mach'atic swinictac te Herodese te bi ya yut ya smilic te Jesuse.

San Marcos 3:4

Soc ja' neel la sjojc'obey te yantique: —¿Ya bal stac' ta pasel ta sc'aalelal cux-o'tan te bila leque, o ja' te bila amene? ¿Ja' bal lec te ayuc mach'a ya xcuxine, o ja' lec te ayuc mach'a ya xlaje? —xi'. Ja'uc me to, jtul ma'yuc mach'a c'opoj.

San Mateo 21:38

“Yan te j'at'eletique, la yilic te ja' snich'an yajwal q'uinal te taleme, soc la sna'ic te ja' ya xjil ta swenta te q'uinale. Jich yu'un la yalbey sbaic: “Ja' lec jmiltic, yu'un jo'otic me ya xjil ta jwentatic te q'uinale”, xiic.

San Marcos 11:18

Te wolwanej-sacerdoteetique soc te jts'ibojometique la yaiyic stojol te bila la yale. Jich caj sleic te bi ya yut ya smilique, melel la xi'ic te Jesuse scaj te spisil lum jchajp nax la yaiyic te p'ijubtesel yu'une.