San Juan 7:12 - Bible in Tzeltal de Oxchuc y Tenejapa

¹² Ta bay yolil te ants-winiquetique ay tsobol mach'atic yacalic yaanel. Ay la yalic: “Mero lec yo'tan te winique”, xiic. Ay yantic la yalic: “Ban c'an lecuc yo'tan, melel ya slo'lay te lume”, xiic.

Nuevo Testamento Tzeltal de Amatenango

¹² Te ba yolil te genteetik bayal machꞌatik ya xꞌalot yuꞌun. Te yane ya yalik: —Te winike ben lek —xchiik. Pero ay yan ya yalik: —Ma lekuk; ya sloꞌlay te gentee —xchiik.

Bible in Tzeltal Bachajón

¹² Bayel hahchic wulajanel ta scuenta ta yohlil te ants-winiquetique, ay la yalic: Lequil winic, xchihic; ay yantic la yalic: Ma'uc, ha yac slo'loybel te pueblo, xchihic.

San Juan 7:12 Referans Kwoze

San Juan 9:16

Ay cha'oxtul te fariseoetic la yalique: —Ma ba talem ta stojol Dios me to, melel ma scanantay te bi c'aalil swenta cux-o'tan —xiic. Soc ay la yalic: —¿Ya bal c'an ju'uc yu'un spasel jtul jmulawil in señailetic to? —xiic. Jich ma junuc yo'tan sbaic yu'un.

San Juan 7:47

Te fariseoetic la yalic: —¿Yu'un bal la slo'layex uuc te ja'exe?

San Juan 7:32

Te fariseoetique la yaiyic stojol te jich yacalic ta smuquen-ayanel Jesús te lume. Jich te jwolwanej-sacerdoteetic soc te fariseoetic la sticunic policiaetic ta tsaquel te Jesuse.

Filipenses 2:14

Spisil te bila ya apasique, ma me xamuquen ayantay abaic yu'un, soc ma me xjajch' c'op awu'unic a.

Romanos 5:7

Wocol ya xwejt' te mach'a ya yac' sba ta lajel yu'un te mach'a toj ta winiquile. Manchuc teme ay nix mach'a ya xwejt' jtuluc te ya yac' sba ta lajel yu'un te mach'a buen lec te yat'ele.

Hechos 11:24

Melel te Bernabé lec nax yo'tan soc nojel ta yo'tan te Ch'ul Espiritue soc ay bayal xch'uunjel yo'tan ta stojol te Cajwaltique. Jich ay tsobol mach'a la xch'uunic Cajwaltic ta swenta.

San Juan 7:52

La yalbeyic: —¿Ja'at bal Galileaat uuc? Nopa ta lec te Sjun Diose. Tey me ya awil a te ma'yuc jtuluc j'alwanej ya xtal ta Galilea —la yutic.

San Juan 6:14

Te c'alal la yilic te ants-winiquetic te seña yu'el Jesús te la spase, jich la yalic yu'un: —Ja'ix ta melel te j'alwanej yu'un Dios te caiyojtic stojol te ya xtal ta balumilale —xiic.

San Lucas 23:50

Ay jtul winic José sbiil te talem ta ch'in lum Arimatea te ay ta sq'uinal Judea. Lec yo'tan soc toj yat'el, soc miembro yu'un uuc te Muc'ul Tsoblej yu'un te judioetique.

San Lucas 23:47

Te c'alal la yil te centurión yu'un soldado te bila c'ot ta pasele, la yalbey yutsil sc'oplal te Diose. Jich la yal: —Melel nix a te ma'yuc smul in winic to —xi' yu'un.

San Lucas 18:19

Te Jesús la yalbey: —¿Bi yu'un ya awal te lecon ta winiquile? Ma'yuc mach'a lec. Ja' nax lec stuquel te Diose.

San Lucas 7:16

C'alal la yilic te ants-winiquetique, xiw yo'tanic yu'un. La yalbeyic wocol Dios yu'un: —Mero muc' j'alwanej te chicanix ta coliltique —xiic. Soc la yalic: —Dios tal scoltayix te lum yu'une —xiic.

San Lucas 6:45

Te mach'a lec te yo'tane, lec te bila ya yal loq'uel ta yee, yu'un nojel ta yo'tan te bila leque. Yan te mach'a amen te yo'tane, ma lecuc te bila ya yal loq'uel ta yee, yu'un nojel ta yo'tan te bila amene. Melel ta jc'optic ya xchicnaj te bila nojel ta co'tantique.

San Mateo 27:63

Jich la yalbeyic: —Ajwalil, ya jna'tic te la yal te lo'laywanej te c'alal cuxul toe: “Ta patil ya xcha'cuxon tel ta yoxebal c'aal”, te xie.

San Mateo 21:46

Yo'tan c'an stsaquic, ja'uc me to, la xi'ic te lume. Yu'un c'oem ta yo'tanic ta ja' j'alwanej yu'un Dios te Jesuse.

San Mateo 10:25

Jich te jnopojele tic'uc me ya yaiy a teme pajal ya xc'ot soc te yajmaestroe. Soc jich uuc te mach'a ay ta abate, tic'uc me ya yaiy a teme pajal ya xc'ot soc te yajwale. Teme Beelzebú xi' sc'oplal te jwolwanej yu'un te jwol nae, ¿ja'uc to bal a te mach'atic ay yu'un ta snae?