San Juan 6:49 - Bible in Tzeltal de Oxchuc y Tenejapa

⁴⁹ Te namey q'uinal ame'-atatique la swe'ic te maná-waj ta bay muc'ul jochol taquin q'uinal, ja'uc me to, lajic bael.

Nuevo Testamento Tzeltal de Amatenango

⁴⁹ Te antibo ameꞌ-atatike la sweꞌik te mana-waj te ba jojchol tꞌantꞌan luware, pero chamik bael.

Bible in Tzeltal Bachajón

⁴⁹ Te ame'atatic la swe'ic te maná ta jochol q'uinal, pero chamic stuquelic.

San Juan 6:49 Referans Kwoze

Judas 1:5

Ya jc'an te yacuc xjul ta awo'tanic, manchuc teme ana'ojic stojol, te bit'il c'ot ta loq'uel ta namey te israeletique. Ja' bi, ja' te ac'otic ta lajel yu'un Cajwaltic te jich yipal ma la xch'uunique, manchuc teme la scoltay loq'uel tel ta banti sq'uinal Egipto.

San Juan 6:58

Ja' ya calbey sc'oplal te waj coem tel ta ch'ulchane. In waj to, ma pajaluc soc te maná-waj la swe'ic te namey q'uinal me'il-tatiletic te lajic baele. Te mach'a ya swe' in waj to, ya me xcuxinic sbajt'el q'uinal —xi' te Jesuse.

San Juan 6:31

Te namey q'uinal jme'-jtatique la swe'ic te maná-waj ta bay te muc'ul jochol taquin q'uinale, jich te bit'il ts'ibubil jilel ta june: “Ac'botic swe'ic waj te talem ta ch'ulchane”, te xie —xiic.

Zacarías 1:5

Pero yo'tic, ¿banti ayic te antiguo ame'-atatique? ¿Yu'un bal spisil ora cuxinic te j'alwanejetic cu'une?

Números 26:65

melel te Cajwaltic la yalbey sc'oplal te ya xlajic jilel ta jochol taquin q'uinal. Ja' nax Caleb, te snich'an Jefone, soc Josué te snich'an Nun, te cuxul jilique, ma'yuc bay jtuluc jil te yantique.

Apocalipsis 2:17

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a ya xju' yu'un tsalawe, ya cac'bey swe' te maná-waj te nac'bile. Soc ya cac'bey jp'ij saquil ton te ts'ibubil tey a te yach'il sbiil te ma'yuc mach'a ya sna' jtuluque. Ja' nax ya sna' stuquel te mach'a ya yich'e —xi'.