San Juan 6:45 - Bible in Tzeltal de Oxchuc y Tenejapa

⁴⁵ Jich ts'ibubil jilel yu'unic te j'alwanejetique: “Dios me ya xp'ijubtesot yu'un ta spisilic”, te xie. Spisil mach'a ya yaiybeyic stojol sc'op te Jtate soc teme tey la snop a, ya me xtal ta jtojol.

Nuevo Testamento Tzeltal de Amatenango

⁴⁵ Ta sjun te jꞌalwanejetike jich ya yal: “Dios me ya spꞌijuteslanot yuꞌun ta spisilik”, xchi me. Jaꞌ yuꞌun spisil te machꞌa ya yaꞌibeyik sluwaril skꞌop te Tatile y teme la snopbeye, ya me xtalik ta jtojol.

Bible in Tzeltal Bachajón

⁴⁵ Hich ts'ihbabil yu'un te jalwanejetic: Spisilic ya me xp'ijubtesotic yu'un Dios, xchihic. Ha yu'un spisil te mach'atic ya ya'iyic te Tatil soc te ya yich'ic p'ijubtesel yu'une, ya me xtalic ta jtojol.

San Juan 6:45 Referans Kwoze

Isaías 54:13

Jo'on ya jp'ijubtesbat ta spisil te awalataque, spisil me ya staic muc' yutsilalic.

Hebreos 10:16

“Jich ya yal te Cajwaltique: ‘Te trato ya jpas soc te ants-winiquetic te c'alal ya sta yoraile, jich ay: Ya me cac'bey sna'ic ta yo'tanic te mandalil cu'une, soc ya me jts'ibubey ta yo'tanic’, xi' me”, te xie.

1 Tesalonicenses 4:9

Ja'uc me to, ma yejt'aluc te ya calbeyex xan ta jun te bit'il ya sc'an te c'ux ya caiy jbajtic ta co'tantic soc te quermanotactique, te melel p'ijubtesbilex yu'un Dios te bit'il ya sc'an te c'ux ya awaiy abaique.

Miqueas 4:2

Ya xtal bayal ta jchajp nacionetic, jich me ya yalbey sbaic: —La'ic, ya xmootic bael ta wits yu'un te Cajwaltique; ya xmootic ta templo yu'un te Dios yu'un Jacob. Ja' me ya yac'botic quiltic te beetic yu'une; jich me ya xju' xbeenotic ta bay ch'in beetic yu'une —xi'. Melel ta Sión ya xloc' tel te p'ijubtesjibal yu'un te Cajwaltique; ta Jerusalén ya xtal te sc'ope.

Isaías 2:3

bayal me te lumetic te jich ya xc'o yalbey sbaique: —La'ic, ya xmootic ta wits yu'un Cajwaltic, te banti ay te templo yu'un te Dios yu'un Jacob, swenta yu'un ya me yac'botic quiltic te beetic yu'une, jich me ya xju' cu'untic ya xbeenotic ta ch'in beetic yu'un —xiic. Melel ta Sión ya xloc' te p'ijubtesjibal yu'un te Cajwaltique; ta Jerusalén ya xtal te sc'ope.

San Juan 6:65

Jich la yalbey yaiyic: —Ja' swentail te la calbeyex te ma'yuc mach'a ya xtal jtuluc ta jtojol te manchuc ya x'ac'ot taluc yu'un te Jtate, te xoone —xi'.

San Juan 6:37

Spisil mach'a ya yac'bon te Jtate ya xtal ta jtojol. Te mach'a ya xtal ta jtojole ma ba jch'oj loq'uel.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

Efesios 1:17

Ya jc'anbey te Dios yu'un te Cajwaltic Jesucristo, ja' te Jtatic te bayal yutsilale, te yacuc yac'beyex te Espíritu yu'une. Ja' me ya yac'beyex sp'ijil awo'tanic, soc ya me yac'beyex ana'ic stojol ta lec, swenta yu'un jich me ya ana'beyic xan sba ta melel a.

San Juan 10:27

Te chijetic cu'une ya sna'bonic sba te jc'ope, soc ya jna'bey sbaic uuc. Jich ya sts'aclinonic.

San Lucas 18:31

Te Jesús la yic' ta stojol stuquel nax te lajchaytul jnopojeletic yu'une soc la yalbey yaiyic: —Aiya awaiyic stojol: Yacotiquix ta moel bael ta Jerusalén. Tey me ya xc'ot ta pasel a te bit'il la sts'ibuyic jilel j'alwanejetic yu'un Dios te sc'oplal te Nich'anile.

San Lucas 1:70

Jich te bit'il yaloj ta swenta te namey q'uinal ch'ul j'alwanejetic yu'une

San Marcos 1:2

Jich bit'il ts'ibubil jilel sc'oplal yu'un Isaías te j'alwanej yu'un te Diose: “Ya me jneeltes bael ta atojol jtul te mach'a ya xc'opoj cu'un, swenta yu'un ya xchajbanbat abe.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

Hechos 7:42

Jich ijq'uitayotic yu'un te Diose. La yac' te la slajin sbaic ta stojol te eq'uetic xlemlajan ta yolil te ch'ulchane, jich te bit'il ts'ibubil jilel ta sjun te j'alwanejetic yu'un te Diose: “Ja'ex lum Israel, ¿ay bal la amilbonic chambalametic jmajt'anin te cha'winic (40) ja'wil te ayex ta muc'ul jochol taquin q'uinale?

Hechos 13:40

Tsajtaya me abaic jiche, ma me ja'uc ya xc'ot ta pasel ta atojolic te bila la yal jilel te j'alwanejetic yu'un te Diose, te jich la yalique:

Filipenses 3:15

Jich yu'un, te jayebotic te ayix xch'uunjel co'tantic ta stojol te Diose, jich me ac'a jna'tic ta jpisiltic. Teme ay to ma jichuc anopojic te ja'exe, ja' me ya yac'beyex ana'ic te Diose.

1 Juan 2:27

Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.