San Juan 6:42 - Bible in Tzeltal de Oxchuc y Tenejapa

⁴² Jich la yalic yu'un: —¿Ma bal ja'uc snich'an José te Jesuse, te ya jna'beytic sba te sme'-state? ¿Bit'il ay a te coem tel ta ch'ulchan ya yale? —xiic.

Nuevo Testamento Tzeltal de Amatenango

⁴² Y la yalik: —¿Me ma wan jaꞌuk te Jesus te xnichꞌan Josee? Te joꞌotike ya jnaꞌbetik sba te state y sok te smeꞌe. ¿Tuꞌun te ya yal te ora to te koem tal ta chꞌulchane? —xchiik.

Bible in Tzeltal Bachajón

⁴² ¿Ma bal ha'uc te Jesús snich'an José, te ya jna'betic sba te sme'state? ¿Bin ut'il ay a te ya yal: Cohemon tal ta ch'ulchan? xchihic.

San Juan 6:42 Referans Kwoze

San Lucas 4:22

Spisilic lec bajt' sc'oplal yu'unic te Jesuse, soc bayal ayan yo'tanic yu'un te bit'il buen t'ujbil la yaiybeyic te sc'ope. La sjojc'obey sbaic: —¿Ma bal ja'uc snich'an José in winic to? —xiic.

San Marcos 6:3

¿Ma bal ja'uc te jcarpintero te yal te Mariae? Soc ja' yijts'inab te Jacobo, te Joseje te Judase soc te Simone. Soc ja' sjoy ta alatayel uuc te antsetic te ayic ta coliltique —xiic. Jich bolob yo'tanic ta stojol.

Gálatas 4:4

Ja'uc me to, te c'alal la sta yorail yu'un te Diose, la sticun tel ta balumilal te Snich'ane. Alatayot yu'un jtul ants soc swentainot yu'un te mandalile.

1 Corintios 15:47

Te sba winique pasbil ta ts'ubil lum soc ja' yu'un te lumq'uinale, te xchebal Winique, ja' yu'un te ch'ulchane.

San Juan 6:62

¿Jaxan teme ya awilic ya xmo bael ta banti ay ta neelal te Nich'anile?

San Juan 6:38

Melel te bit'il coemon tel ta ch'ulchane, ja' tal jpasbey sc'anjel yo'tan te mach'a la sticunon tele. Ma ja'uc tal jpas te bila ya sc'an co'tan jtuquele.

Romanos 9:5

Ja'ic sts'umbalic te antiguo tatiletic cu'untic. Soc ja' sts'umbal te Cristoe, te bit'il la yich' sbaq'uetal ta balumilale, te ja' Dios stuquele, cajal yu'un spisil te bitic aye, soc te jelawen yutsil sbajt'el q'uinal stuquel. Jichuc.

San Juan 1:45

Te Felipe la sta sba soc te Natanaele, jich la yalbey: —La jtatiquix te mach'a ts'ibubil jilel sc'oplal yu'un Moisés ta sjunal mandalil soc te ts'ibubil jilel sc'oplal yu'un te j'alwanejetique. Ja' te Jesús te snich'an José te talem ta lum Nazarete —xi'.

San Juan 3:13

“Ma'yuc mach'a moem bael ta ch'ulchan. Ja' nax stuquel te mach'a coem tel ta ch'ulchane, ja' te Nich'anil te talem ta ch'ulchane.

San Juan 6:43

La yal te Jesuse: —¿Bistuc te ya amuquen-ayantayonique?