San Juan 6:41 - Bible in Tzeltal de Oxchuc y Tenejapa

⁴¹ Te judioetique caj smuquen-ayanic te Jesuse te bit'il jich la yale: “Te jo'one wajon te coemon tel ta ch'ulchan”, te xie.

Nuevo Testamento Tzeltal de Amatenango

⁴¹ Te juriyoetike lijk yaꞌbiyanik te Jesuse yuꞌun jaꞌ te tuti yale: “Te joꞌon wajon te koemon tal ta chꞌulchan” te xchie.

Bible in Tzeltal Bachajón

⁴¹ Te judíohetic hahchic wulajanel ta c'op yu'un te la yal: Ho'on te panon te cohemon tal ta ch'ulchan, te xchihe.

San Juan 6:41 Referans Kwoze

San Juan 6:48

Jo'on wajon yu'un te cuxlejale.

San Juan 6:33

Melel te waj yu'un Dios, ja' te coix tel ta ch'ulchan te ya yac' cuxlejal ta balumilale —xi' te Jesuse.

San Juan 7:12

Ta bay yolil te ants-winiquetique ay tsobol mach'atic yacalic yaanel. Ay la yalic: “Mero lec yo'tan te winique”, xiic. Ay yantic la yalic: “Ban c'an lecuc yo'tan, melel ya slo'lay te lume”, xiic.

San Juan 6:66

Jich ora te ay sujt' ta spatic tsobol jnopojeletic yu'un te Jesuse. Ma la sc'anic te la sjoinic xan ta beele.

San Juan 6:60

Te bit'il jich la yal ta p'ijubteswanej te Jesuse, tsobol te jnopojeletic yu'un te jich la yalique: —Chujc'ul te sc'ope. ¿Mach'a c'an c'otuc ta yo'tan? —xiic.

Judas 1:16

Ja'ic in to, jmuquen-ayantaywanejetic, jc'an-parteetic, te ja' nax baem ta yo'tanic te bila ya smulanique. Nojel ta yeic toybail. Ya sleic bit'il ya slo'laybeyic yo'tan yantic, yu'un ay bila ya sc'an ya staic a.

San Juan 6:58

Ja' ya calbey sc'oplal te waj coem tel ta ch'ulchane. In waj to, ma pajaluc soc te maná-waj la swe'ic te namey q'uinal me'il-tatiletic te lajic baele. Te mach'a ya swe' in waj to, ya me xcuxinic sbajt'el q'uinal —xi' te Jesuse.

San Juan 6:43

La yal te Jesuse: —¿Bistuc te ya amuquen-ayantayonique?

San Lucas 19:7

Te c'alal la yilic spisil te ants-winiquetic te tey och a te Jesuse, la smuquen-ayanic. Ja' amen la yaiyic te la sjoin te mach'a jmulawile.

San Lucas 15:2

Ja'uc me to, te fariseoetic soc te jts'ibojometic caj smuquen-ayanic. Jich la yalic: —Ja' in winic to, jun yo'tan sba soc te jmulawiletique, melel ya sjoin ta we'el —xiic ta smuquen-ayanel te Jesuse.

San Lucas 5:30

Jich yu'un te fariseoetique soc te jts'ibojometique jajch' ayanbeyic sc'oplal te jnopojeletic yu'un te Jesuse. Jich ba yalbeyic: —¿Bistuc ya ajoinic ta we'el-uch'ajel te jc'an-patanetic soc te jmulawiletique? —xiic.

1 Corintios 10:10

Soc ma me xamuquen-ayantayic te Diose, jich te bit'il ay la smuquen-ayantayique, te jich lajic ta milel yu'un te ch'ul abat te ya yac' lajele.

San Juan 1:19

Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.