San Juan 6:38 - Bible in Tzeltal de Oxchuc y Tenejapa

³⁸ Melel te bit'il coemon tel ta ch'ulchane, ja' tal jpasbey sc'anjel yo'tan te mach'a la sticunon tele. Ma ja'uc tal jpas te bila ya sc'an co'tan jtuquele.

Nuevo Testamento Tzeltal de Amatenango

³⁸ Porke ma jaꞌuk koemon tal ta chꞌulchan yuꞌun te ya jpas te tut ya skꞌan koꞌtane; jaꞌ ya jpasbe sboluntar te jTat te la stikonon tale.

Bible in Tzeltal Bachajón

³⁸ Como cohemon tal ta ch'ulchan, ma ha'uc yu'un te ya jpas te bin ya sc'an co'tan, pero yu'un ya jpas te bin ya sc'an yo'tan stuquel te mach'a la sticonon tale.

San Juan 6:38 Referans Kwoze

San Juan 5:30

“Te jo'one ma'yuc bila ya xju' cu'un spasel ta jtuquel. Ya caiy chajbanwanej jich te bit'il pasbilon ta mandale; soc toj te bila ya cal ta chajbanwanej, yu'un ma ja'uc ya jle te sc'anjel co'tan jtuquele. Ja' ya jpasbey sc'anjel yo'tan stuquel te Jtatic Dios te la sticunon tele.

San Juan 4:34

Te Jesús jich la yal: —Te jwe'ele ja' te ya jpasbey sc'anjel yo'tan te mach'a la sticunon tele, ja' to chican ya ju'tes.

San Juan 3:31

Te mach'a talem ta toyole, ja' cajal ay yu'un spisil te bitic aye. In te mach'a swenta te balumilale, swenta nax balumilal, soc ja' nax ya sna' yalel te bila swenta te balumilale. Yan te mach'a talem ta ch'ulchane, cajal ay yu'un spisil te bitic aye.

Isaías 53:10

Te Cajwaltic la sc'an yo'tan te ya sten ta uts'inel soc ta woclajel. Te bit'il la yac' sba ta milbil majt'anil ta swenta te mulile, ya me xnajt'ub xcuxlejal bayal c'aal, soc ya me xc'o yil te sts'umbale. Ja' me ta swenta te lec ya xc'ot te bitic chajbanbil yu'un te Cajwaltique.

San Juan 6:33

Melel te waj yu'un Dios, ja' te coix tel ta ch'ulchan te ya yac' cuxlejal ta balumilale —xi' te Jesuse.

San Juan 3:13

“Ma'yuc mach'a moem bael ta ch'ulchan. Ja' nax stuquel te mach'a coem tel ta ch'ulchane, ja' te Nich'anil te talem ta ch'ulchane.

Hebreos 5:8

Manchuc teme Snich'an Diose, ja'uc me to, la snop xch'uunel mandal ta swenta bit'il c'ax swocol ta q'uinal.

Romanos 15:3

Melel te Cristoe, ma ja'uc la sle te bila lec nax yo'tan yu'une. Jich te bit'il ts'ibubil jilel ta Sjun te Diose: “Te sbol-c'opic te mach'atic la sbolc'optayate, jo'on c'ot ta jwenta”, te xie.

Efesios 4:9

¿Bi swentailuc te “mo bael” te xie? Ja' ya yal te neel coj tel c'alal ta ye'tal te balumilale.

San Mateo 20:28

Jich bit'il te Nich'anile ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel, soc te ya yac' sba ta lajel swenta stojol scolel tsobol ta jtul —xi' te Jesuse.

San Juan 3:17

Ma ja'uc la sticun tel Snich'an ta balumilal yu'un te ya yac' ta lajel yu'un smulic te ants-winiquetique. Ja' la sticun tel yu'un te ya scoltaye.

San Juan 5:19

Te Jesús caj yalbey yaiyic: —Jamal ya calbeyex, te Nich'anile ma'yuc bila ya spas ta stuquel nax te bila ya sc'an te yo'tane. Ja' ya spas te bila ya yil te ya spas te Tatile, ja' nix ya spas uuc te Nich'anile.

San Juan 6:29

Te Jesús jich la yalbey: —Ja' in to: Ja' yat'el Dios teme ya ach'uunonic te ticunbilon tel yu'une —xi'.

San Juan 6:42

Jich la yalic yu'un: —¿Ma bal ja'uc snich'an José te Jesuse, te ya jna'beytic sba te sme'-state? ¿Bit'il ay a te coem tel ta ch'ulchan ya yale? —xiic.

San Juan 6:57

Jich bit'il cuxul te Jtat te la sticunon tele, soc ja' cuxulon ta swenta te Jtate, jich nix me ya xcuxinic ta jwenta uuc spisil mach'a ya swe'bon te jbaq'uetale.