San Juan 6:35 - Bible in Tzeltal de Oxchuc y Tenejapa

³⁵ Jesús jich la yalbey: —Jo'on wajon yu'un te cuxlejale. Te mach'a ya xtal ta jtojole xujt' ma xwi'naj yo'tan; soc te mach'a ya xch'uunone, xujt' ma xtaquej yo'tan.

Nuevo Testamento Tzeltal de Amatenango

³⁵ Te Jesuse la yaltalanbe: —Joꞌon wajon yuꞌun te kuxlejale. Te machꞌa ya xtal ta jtojole ni makꞌ xwiꞌnajix a, y te machꞌa ya xchꞌuunone, ni makꞌ xtakejix yoꞌtan a.

Bible in Tzeltal Bachajón

³⁵ Halbotic yu'un Jesús: Ho'on te panon scuenta cuxlejal. Te mach'a ya xtal ta jtojol, mayuc bin ora ya xwi'najix, soc te mach'a ya sch'uhunon, mayuc bin ora ya xtaquijix yo'tan.

San Juan 6:35 Referans Kwoze

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

San Juan 6:41

Te judioetique caj smuquen-ayanic te Jesuse te bit'il jich la yale: “Te jo'one wajon te coemon tel ta ch'ulchan”, te xie.

Isaías 49:10

“Ma me ayuc wi'nal, soc ma me ayuc taquinti'il ya yaiyic; ma x'uts'inotic yu'un te c'aale, ni sq'uixnal te q'uinale. Melel c'uxic ta co'tan soc ya xneelajon yu'unic, soc ya quic' bael ta sloq'uibja'etic.

Apocalipsis 7:16

Ma ba ya xc'axix swocolic ta wi'nal soc ta taquinti'il. Soc ma ba ya yaiybeyiquix xc'uxul te c'aale, soc ma ba ya xwoclajiquix yu'un te xq'uixnale.

San Juan 6:37

Spisil mach'a ya yac'bon te Jtate ya xtal ta jtojol. Te mach'a ya xtal ta jtojole ma ba jch'oj loq'uel.

San Mateo 11:28

La'ic me ta jtojol ta apisilic ja'ex te lubenex yu'un te tulan at'ele soc te ijc'atsile. Jo'on ya cac'beyex acux awo'tanic.

San Lucas 6:25

“¡Ya me awil awocolic ja'ex te nojel ach'ujt'ic ta ora to, melel ya me awaiyic wi'nal! ¡Ya me awil awocolic ja'ex te ya stse'en awo'tanic ta ora to, melel ya me x'oq'uex yu'un te mel-o'tane!

San Juan 6:65

Jich la yalbey yaiyic: —Ja' swentail te la calbeyex te ma'yuc mach'a ya xtal jtuluc ta jtojol te manchuc ya x'ac'ot taluc yu'un te Jtate, te xoone —xi'.

San Juan 5:40

ja'uc me to, ma x'ac'anic te ya xtalex ta jtojole, yu'un ma x'ac'anic te ya xcuxinexe.

San Juan 4:15

La yal te antse: —Tatic, ac'bon te ja' ya awale. Yu'un jich ma ba xtaquej xan te co'tane, soc ma ba ya xtalon xan ta ja'wej li' ta pozo to —xi'.