San Juan 6:32 - Bible in Tzeltal de Oxchuc y Tenejapa

³² La yalbey te Jesuse: —Jamal ya calbeyex, ma ja'uc Moisés te ya yac' te waj te talem ta ch'ulchane. Ja' te Jtate te ya yac'beyex te waj te talem ta ch'ulchan ta melele.

Nuevo Testamento Tzeltal de Amatenango

³² Te Jesuse la sjakꞌtalanbe: —Jamal ya kalbeyex, ma jaꞌuk te jMoises te la yaꞌbey te antibo ameꞌ-atatik te waj te tal ta chꞌulchane; te machꞌa ya yakꞌ te batsꞌil waj te ya xtal ta chꞌulchane, jaꞌ te jTate.

Bible in Tzeltal Bachajón

³² La yal te Jesús: Tulan sc'oblal ya calbeyex, ma ha'uc te Moisés te la ya'beyex te pan talem ta ch'ulchan, pero ha te Jtat te ya ya'beyex te smelelil pan talem ta ch'ulchan;

San Juan 6:32 Referans Kwoze

San Juan 15:1

Soc la yal xan te Jesuse: —Jo'on mero smuc'ul yac'ulon te ts'usube. Te Jtate ja' jcanan-ts'usubiltic stuquel.

San Juan 6:58

Ja' ya calbey sc'oplal te waj coem tel ta ch'ulchane. In waj to, ma pajaluc soc te maná-waj la swe'ic te namey q'uinal me'il-tatiletic te lajic baele. Te mach'a ya swe' in waj to, ya me xcuxinic sbajt'el q'uinal —xi' te Jesuse.

Éxodo 16:4

Ja' yu'un te Cajwaltic, jich la yalbey te Moisés: —Ya me cac' tel we'elil ta ch'ulchan jichuc ja'al. Te lume ya me xloq'uic ta stamel jujun c'aal te jich yipal ya xtuun yu'unic te jujun c'aale. Tey me ya quil a te mach'a ya xch'uunbon te jmandale, soc te mach'a ma xch'uune.

Gálatas 4:4

Ja'uc me to, te c'alal la sta yorail yu'un te Diose, la sticun tel ta balumilal te Snich'ane. Alatayot yu'un jtul ants soc swentainot yu'un te mandalile.

San Juan 6:55

Melel te jbaq'uetale, ja' mero we'elil soc te jch'ich'ele ja' ya sc'an ya awuch'ic stuquel.

San Juan 6:50

Yan te jo'one ya calbeyex sc'oplal te waj te coem tel ta ch'ulchane. Te mach'a ya swe'e ma ba ya xlaj stuquel.

San Juan 6:41

Te judioetique caj smuquen-ayanic te Jesuse te bit'il jich la yale: “Te jo'one wajon te coemon tel ta ch'ulchan”, te xie.

San Juan 6:35

Jesús jich la yalbey: —Jo'on wajon yu'un te cuxlejale. Te mach'a ya xtal ta jtojole xujt' ma xwi'naj yo'tan; soc te mach'a ya xch'uunone, xujt' ma xtaquej yo'tan.

San Juan 6:33

Melel te waj yu'un Dios, ja' te coix tel ta ch'ulchan te ya yac' cuxlejal ta balumilale —xi' te Jesuse.

San Juan 1:9

Te mach'a luz ta mero melele soc te ya yac' xojobil ta stojol ants-winiquetic, yaquix ta talel ta balumilal stuquel.

Salmos 78:23

Pero Dios la spas ta mandal te tocaletic, la sjambey sti' te ch'ulchane;

Éxodo 16:8

La yal Moisés: —Ta xmal c'aal yo'tic, ya me yac'beyex ati'ic ti'bal. Yan ta sab ya me yac'beyex bayal waj. Melel te Cajwaltic la yaiy stojol te bila la awalic ta ch'inlajanel ta c'op ta stojole. Melel ¿mach'aotic ya awaiy a te jo'otique? Ma me ja'uc la abolc'optayotic, ja' me la abolc'optayic te Cajwaltique —xi'.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

San Juan 6:31

Te namey q'uinal jme'-jtatique la swe'ic te maná-waj ta bay te muc'ul jochol taquin q'uinale, jich te bit'il ts'ibubil jilel ta june: “Ac'botic swe'ic waj te talem ta ch'ulchane”, te xie —xiic.