San Juan 5:7 - Bible in Tzeltal de Oxchuc y Tenejapa

⁷ La yal te jchamele: —Tatic, ma'yuc mach'a ay cu'un te ya yotseson ta estanqueil ja' te c'alal ya xcaj stij sba te ja'e. Jujun buelta te ya jc'an ya x'ochone, ay yan mach'a neel ya sten sba ochel ta ora —xi'.

Nuevo Testamento Tzeltal de Amatenango

⁷ Te machꞌa xchame la sjakꞌbe: —Kajwal, maꞌyuk machꞌa ay kuꞌun te ya yakꞌon ochel te ba estanke te kꞌalal ya xlijk stij sba te jaꞌe. Juju-mel te ya jkꞌan xꞌochon bale, ay yan machꞌa nail ya xꞌoch ta ora —xchi.

Bible in Tzeltal Bachajón

⁷ La sjac' te jchamele: Tat, mayuc mach'a ay cu'un te ya yotseson bahel ta yawil ha' te c'alal ya syuc' sba; ma to ba jtahoj c'ohel a, yan mach'a cohemix bahel a, xchi.

San Juan 5:7 Referans Kwoze

Salmos 72:12

Melel ja' me ya scoltay te me'ba te ya yal wocol soc te mach'a ma'yuc bi xtuun yu'un te ma'yuc mach'a xcoltayot yu'une.

Deuteronomio 32:36

Te Cajwaltique ya me xloc' ta scoltayel te lum yu'un, teme ya yil te ma'yuc te yipe; te Cajwaltic ya me sna'bey yo'bolil sba te abatetic yu'un, te c'alal ya yil te ma'yuquix jilem mach'atic ay yipic.

1 Corintios 9:24

¿Yu'un bal ma ba ya ana'ic te bit'il spisilic ya x'animajic ta bay tajinabal te jaytul mach'a ya x'och stsal sbaic ta animale? ¿Ma bal jtuluc nax te mach'a ya yich' smajt'an te bit'il la yaiy tsalawe? Jich yu'un te ja'exe, ac'aic me puersa ta animal, swenta yu'un jich me ya awich'ic te majt'anile.

Salmos 142:4

Ya jsujt'es bael jsit ta swa'el jc'ab, ma'yuc mach'a ya quil te ya xtal scoltayone. Ma'yuc mach'a ya xc'opoj cu'un; ma'yuc mach'a ya xtal ta yo'tan te ya scanantayone.

Romanos 5:6

Te c'alal ma'yuc quiptic a, te c'alal la sta yorail yu'un te Diose, la yac' sba ta lajel te Cristo ta swenta te jmulawiletique.

San Juan 5:3

Tsobol jchameletic chawajtic tey a ta bay te yaxinale. Ay ma'sitetic soc coxoetic soc te mach'atic chamen xchial yoc-sc'abique. [Yacalic ta smaliyel yilic te ya xcaj stij sba te ja'e,

San Juan 5:2

Ta Jerusalén ay estanqueil ja' te nopol yiloj sba soc te yochibal sts'ajc'ul te lume te Yochibal Chijetic sbiile. Betesda sbiil ta hebreo-c'op te estanqueil ja'e. Ay jo'tsal yaxinal ta sjoyobal.

San Juan 5:4

yu'un ay ch'ul abat ya xco tel ya xtal stij te ja'e. Te c'alal nax ya xtijot te ja'e, te mach'a neel ya yotses sba ta ja'e ya xcol ta chamel, biluc chameliluc te yich'oje.]

San Juan 5:6

Te Jesús la yil te chawal tey a, soc la sna' stojol te ayix bayal ja'wil te ay ta chamele. Jich la yalbey: —¿Ya bal ac'an xcolat? —la yut.