San Juan 5:46 - Bible in Tzeltal de Oxchuc y Tenejapa

⁴⁶ Te yu'unuc ja'uc ach'uunejic te bi la yal te Moisese, ya ach'uunonic te jichuque. Melel te Moisese, ja' nix la sts'ibubon jc'oplal ta jun.

Nuevo Testamento Tzeltal de Amatenango

⁴⁶ Porke te jaꞌuk achꞌuunnejik te tuti la yal te jMoisese, ya achꞌuunikon euk te jichuke. Porke te jMoisese jaꞌ jkꞌoplal te la stsꞌiba jile.

Bible in Tzeltal Bachajón

⁴⁶ Teme ach'uhunejic te Moisés, yac ach'uhunonic te hichuque, como ho'on jc'oblal te la sts'ihbay.

San Juan 5:46 Referans Kwoze

Deuteronomio 18:15

“Te Cajwaltic ya me yac' chicnajuc loq'uel ta awolilic jtul j'alwanej jich te bit'il jo'one. Ya me sc'an te ya ach'uunbeyic te sc'ope.

San Juan 1:45

Te Felipe la sta sba soc te Natanaele, jich la yalbey: —La jtatiquix te mach'a ts'ibubil jilel sc'oplal yu'un Moisés ta sjunal mandalil soc te ts'ibubil jilel sc'oplal yu'un te j'alwanejetique. Ja' te Jesús te snich'an José te talem ta lum Nazarete —xi'.

San Lucas 24:27

Jich jajch' xcholbey spisil te bila ts'ibubil jilel ta Sjun Dios te bit'il ay sc'oplal te Cristoe. Tey jajch' ta Moisés ja' to c'alal ta slajibal te namey q'uinal j'alwanejetic yu'un te Diose.

Hechos 26:22

Ja'uc me to, te bit'il la scoltayon te Diose jich jun co'tan yacon ta yalel sc'oplal ta ora to ta stojol spisil muc'-biq'uit. Ma'yuc yan te bila ya cal, ja' nix ya cal te bila yalojic te antiguo j'alwanejetic soc te Moisese. Jich la yalic te ya xc'ot ta pasel

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

Génesis 22:18

Ta swenta ats'umbal ya x'ac'bot bendición bayal ta jtul ta spamal balumilal, yu'un la ach'uunbon jmandal”, te xie —xi' sc'oplal yu'un.

Génesis 12:3

Ya me cac'bey bendición mach'a jayeb te lec yo'tan awu'un. Te mach'a jayeb ma lecuc yo'tan awu'une, boloben me sc'oplal cu'un ya xc'ot. Ja'at me ta awenta te ya cac' bendición ta stojol spisil ants-winiquetic ta balumilal —xi' sc'oplal yu'un te Diose.

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Génesis 28:14

Jich yipal ats'umbal ya xc'ot te bit'il ts'ubil lum. Soc ya me spuc sbaic ta bayuc c'alal ta stojol smalib c'aal, soc c'alal ta stojol sloq'uib c'aal soc c'alal ta stojol norte, soc c'alal ta stojol sur. Soc ta awenta soc ta swenta ats'umbal ya me x'ac'bot bendición spisil ta jchajp lum ayic ta spamal balumilal.

Génesis 18:18

te melel muc'ul lum ya xc'ot sts'umbal, soc ich'bil ta muc' ya xc'ot. Spisil ta jchajp nacionetic ya me x'ac'bot bendición ta swenta Abraham.

Gálatas 3:24

Jich yu'un ja' jwentainwanej cu'untic te mandalile, te ya yic'otic bael ta bay te Cristoe, swenta yu'un toj ya yilotic Dios ta swenta te xch'uunjel co'tantique.

Gálatas 3:13

Ja'uc me to, te Cristoe la yac'otic ta libre te bit'il ayotic ta ch'ayel yu'un te mandalile. Ja' la jelolintic ta ch'ayel. Melel jich ts'ibubil ta Sjun te Diose: “Ch'ayel bajt'ix te mach'a a te ya yich' jojc'anel ta te'”, te xie.

Gálatas 3:10

Melel spisil te mach'atic ja' smuc'ulinej yo'tanic spasel te bila ya yal te mandalile, ay ta swentaic ch'ayel. Melel jich ts'ibubil jilel ta Sjun te Diose: “Ch'ayel me ya xbajt'ic te mach'a ma jc'axeluc ya xch'uunic spisil te bila ts'ibubil ta sjunal te mandalile”, te xie.

Gálatas 2:19

Te jo'one lajemonix ta swenta mandalil te bit'il lajix sc'oplal ta co'tane, swenta yu'un jich me ya xcuxinon ta stojol te Diose.

Romanos 10:4

Melel te Cristoe, ja' tal slajinbey sc'oplal te mandalile, swenta yu'un toj ya x'ilot yu'un Dios spisil te mach'atic ya xch'uunique.

San Juan 5:47

Ja'uc me to, te bit'il ma x'ac'an ach'uunic te bila ts'ibubil ta june, ¿bit'il c'an ach'uunic te bila ya cal te jo'one? —xi' te Jesuse.