San Juan 5:35 - Bible in Tzeltal de Oxchuc y Tenejapa

³⁵ Te Juan jich c'ot ta atojolic te bit'il luz te chicnaj q'uinal ta atojolic yu'une. In te ja'exe ay sbujts' awo'tanic yu'un jun chebuc c'aal te luz yu'une.

Nuevo Testamento Tzeltal de Amatenango

³⁵ Te Juane jich a kꞌot tutꞌil lampara te ya xtil y ya sakutes kꞌinale; y te jaꞌexe kꞌan junubuk awoꞌtanik jun chebuk kꞌaal yuꞌun te sakil kꞌinal yuꞌune.

Bible in Tzeltal Bachajón

³⁵ Te Juan ha c'ahc' te tihl soc te la sacubtes q'uinal; soc la ac'anic te che'oxeb c'ahc'al te tse'el awo'tanic ya x'ayinex ta sacal q'uinal yu'un.

San Juan 5:35 Referans Kwoze

2 Pedro 1:19

Jich ya jna'tic te smelelil te bila yalojic jilel te namey q'uinal j'alwanejetique. Ja' lec te bit'il awich'ojic ta muc' te c'op yalojique, te melel pajal soc lámpara te tilem ta ijc' q'uinale, ja' to teme sacub q'uinale, soc ja' to teme loc' tel te muc'ul ec' swenta sacubel q'uinal te ya yac' sacub q'uinal ta awo'tanique.

San Mateo 11:11

“Jamal ya calbeyex, ma'yuc jtuluc chicnajem ta yolil te ants-winiquetic te pajal yat'el soc te Juan J'ac'-ich'ja'e. Ja'uc me to, te mach'a peq'uel yac'oj sba ta yajwalinel te Dios te ay ta ch'ulchane, ja' me cajal xc'ot yu'un te Juane.

San Juan 6:66

Jich ora te ay sujt' ta spatic tsobol jnopojeletic yu'un te Jesuse. Ma la sc'anic te la sjoinic xan ta beele.

San Lucas 7:28

Ya calbeyex te ma'yuc jtuluc winic ta yolil te ants-winiquetic te pajal yat'el soc te Juan J'ac'-ich'ja'e. Ja'uc me to, te mach'a peq'uel ya yac' sba ta yajwalinel te Diose, ja' me cajal xc'ot yu'un te Juane —xi' te Jesuse.

San Marcos 6:20

Ja'uc me to, te Herodese la xi' te Juane, yu'un sna'oj stojol te toj ta winiquile soc te ma'yuc mulil ta yo'tane. Jich yu'un la yac' ta canantayel ta lec swenta yu'un ma xtaot ta milel. Te ajwalile bayal bila ma c'ot ta yo'tan te bila albot yu'un te Juane, ja'uc me to, la smulan te la yaiy stojole.

San Mateo 21:26

Soc teme ya caltic te ja' ac'bot yat'el yu'un winiquetic, ya me jxi'tic te lume, yu'un ay ta yo'tanic te ja' j'alwanej yu'un Dios te Juane —xiic ta yaanel.

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

2 Samuel 21:17

Pero te Abisai, yal Sarvia, ba scoltay te David. La stsac sba soc te filisteo, la smil jilel. Ja' yu'un te swinictac David yaquic ta yalel ta jamal te ma'yuc bi ora ya x'och xan ta guerra te Davide swenta yu'un ma ba ya xtup' te c'ajc' tsumul c'oem ta yolil Israel.

Daniel 12:3

Te mach'atic ay sp'ijilique, te la yiq'uic ta beel tsobol ta jtul ta tojil bee, jich me xojobil ya xc'otic te bit'il xojobil te ch'ulchane. Xlemet me xojobil sbajt'el q'uinal, jich te bit'il xlemet xojobil te eq'uetique.

San Marcos 1:5

Te ants-winiquetique talic ta spamal sq'uinal Judea soc ta bay muc'ul lum Jerusalén. Tal yaiybeyic stojol sc'op te Juane. Te c'alal la yalic ta jamal te smulique, jich ac'bot yich'ic ja' ta muc'ja' Jordán yu'un.

Éxodo 34:35

Te bit'il ya yilic israeletic te xojobajem yelaw te Moisese, jich ya xcha'mac xan ta pac' te yelawe, ja' to c'alal ya xcha'och xan ta c'op soc te Cajwaltique.