San Juan 5:20 - Bible in Tzeltal de Oxchuc y Tenejapa

²⁰ Melel te Tatile c'ux ya yaiyon ta yo'tan te Nich'anile. Soc ya yac'bey yil spisil te bila yac ta spasele, soc ya to me yac'bey yil te bila c'ax muc' xan ta pasele. Jich me jchajp nax q'uinal ya awaiyic yu'un te ja'exe.

Nuevo Testamento Tzeltal de Amatenango

²⁰ Yuꞌun te Tatile ben skꞌanoj te Nichꞌanile. Ya yaꞌbe yil spisil te tutik ya spase, y ya to yaꞌbe yil te mas mukꞌ te ya xkꞌot ta pasele te lom cham ya awaꞌiyik yuꞌune.

Bible in Tzeltal Bachajón

²⁰ como te Tatil c'ux ta yo'tan te Snich'an soc ya ya'be yil spisil bintic ya spas; soc c'ax hich muc' ya'tel ya me ya'be yil a, te hich xcham awo'tanic yu'une.

San Juan 5:20 Referans Kwoze

San Juan 3:35

Te Tatile c'ux ta yo'tan te Snich'ane, ja' yac'ojbey ta sc'ab spisil te bitic aye.

San Mateo 3:17

Soc ay mach'a c'opoj tel ta ch'ulchan: —Ja' in to, ja' te Jnich'an te bayal c'ux ta co'tane, bin nax co'tan yu'un —xi'.

2 Pedro 1:17

La quiltic ta sitic te c'alal chicnantesbot yutsilal soc ac'ot ta ich'el ta muc' yu'un te Jtatic Diose. Soc la caiybeytic stojol yutsil sc'op te Diose: “Ja' in to, ja' Jnich'an te bayal c'ux ta co'tan te bin nax co'tan yu'une”, te xie.

San Juan 17:26

La cac'beyix sna'bat aba, soc ya to me cac'at xan ta na'el, swenta yu'un jich me ay xc'uxul yo'tanic ya xc'otic jich bit'il te xc'uxul awo'tan ta jtojole. Soc ya me x'ainon ta yo'tanic uuc —xi' ta sc'oponel Dios te Jesús.

San Juan 15:15

Ma ba ya jp'isex xan ta abat, melel te mach'a abate ma sna' te bila ya spas te yajwale. Yan te ja'exe, jun co'tan jbatic, melel spisil cac'ojbeyex ana'ic stojol te bila yalojbon te Jtate.

San Juan 14:12

Jamal ya calbeyex, te mach'a ya xch'uunone, te at'eliletic ya jpase, jich me at'eliletic ya spas uuc. Soc c'ax me jich ya spas stuquel, melel ya xboon ta bay te Jtate.

San Juan 10:32

Te Jesús jich la yalbey: —Bayal lequil at'eliletic la jpas ta atojolic ta swenta yu'el te Jtate. ¿Bila amen la jpas te ya amilonic ta ch'ojel ta ton yu'une? —xi'.

San Juan 5:29

soc ya me xloq'uic tel ta smuquenalic. In te jayeb mach'atic lec te bila la spasique, ya xcha'cuxic soc ya xcuxinic sbajt'el q'uinal. Yan te mach'atic amen te bila la spasique, ya me xcha'cuxic yu'un ya yich'ic castigo.

San Juan 5:25

Jamal ya calbeyex, ya me sta yorail soc yorailix in to, te animaetic ya me yaiybeyic stojol sc'op te Snich'an te Diose. Te mach'a ya yaiy stojole, ya me xcuxinic yu'un.

San Juan 5:21

Melel te Jtatic Diose ya me xcuxes te animaetique, soc ya yac'bey xcuxlejal. Ja' nanix jich uuc te Nich'anile ya me yac' cuxinuc uuc te mach'atic ya sc'an yo'tan te ya yac' cuxinuque.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

San Lucas 10:22

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna' stojol te mach'a a te Nich'anile. Ja' nax ya sna' stojol te Tatile. Soc ma'yuc mach'a ya sna' stojol te mach'a a te Tatile. Ja' nax ya sna' stuquel te Nich'anile, soc uuc te jayeb mach'a ya yac'bey sna'bey sbae —xi' te Jesuse.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

San Mateo 4:8

Yan buelta te Jesús ic'ot bael yu'un te pucuj ta bay muc' toyol wits. Tey la yac'bey yil spisil ta jchajp lumetic te ayic ta balumilale soc te yutsilalique.