San Juan 5:19 - Bible in Tzeltal de Oxchuc y Tenejapa

¹⁹ Te Jesús caj yalbey yaiyic: —Jamal ya calbeyex, te Nich'anile ma'yuc bila ya spas ta stuquel nax te bila ya sc'an te yo'tane. Ja' ya spas te bila ya yil te ya spas te Tatile, ja' nix ya spas uuc te Nich'anile.

Nuevo Testamento Tzeltal de Amatenango

¹⁹ Te Jesuse la yaltalanbe: —Jamal ya kalbeyex: Maꞌyuk tut ya xjuꞌ yuꞌun spasel ta stukel nax te Nichꞌanile. Jaꞌ ya spas te tut ya yil ya spas te Tatile. Spisil te tut ya spas te Tatile, jich ya spas euk te Nichꞌanile.

Bible in Tzeltal Bachajón

¹⁹ La sjac' te Jesús: Tulan sc'oblal ya calbeyex, mayuc bin ya xhu' ya spas ta stuquel-o'tan nax te Nich'anil, ha nax te bin ya yil yac spasbel te State. Como spisil te bin ya spas te Tatil, ha nix hich ya spas te Nich'anil,

San Juan 5:19 Referans Kwoze

San Juan 12:49

Yu'un ma jo'ocon jc'op te ya cale, ja' sc'op te Jtat te la sticunon tele. Ja' la yac'bon te mandalil te bila ya cale soc te bila ya cac' ta nopele.

San Juan 8:28

Ja' swentail te jich caj yalbey yaiyique: —Te c'alal ya ajijp'anic te Nich'anile, tey me ya ana'ic stojol te mach'aon a te jo'one. Soc ya me ana'ic te ma jtuquel-o'tanuc nax te bila ya jpase. Ja' nax ya cal stuquel te bila yac'ojbon jnop te Jtate.

San Juan 14:10

¿Yu'un bal ma xc'ot ta awo'tan te jun ayon soc te Jtate? Ma jo'ocon jc'op jtuquel te bila ya calbeyexe. Te Jtat te jun ayon soque, ja' ya spas stuquel te yat'ele.

San Juan 10:18

Ma'yuc mach'a ya spojbon jcuxlejal. Jo'on ya cac' jba ta spasemal co'tan. Ya xju' cu'un ya cac' jcuxlejal, soc ya xju' cu'un ya jcha'quich' xan jcuxlejal. Jich spasojon ta mandal te Jtate —xi' te Jesuse.

Romanos 8:11

Soc teme nainem ta awo'tanic te Espíritu te la xcha'cuxes tel ta bay animaetic te Cristo Jesuse, ja' nanix jich te abaq'uetalic te ya xlaje, ya xcuxin ta swenta te Espíritu te nainem ta awo'tanique.

San Juan 9:4

Te bit'il ayotic to ta c'aleltique, puersa me ya jpasbey yat'el te mach'a la sticunon tele. Yu'un ya xtal te ajc'ubale, c'alal ma'yuquix mach'a ya xju' ya x'at'ej.

San Lucas 21:15

Melel te jo'one, ya me cac'beyex p'ijil c'op soc ya me cac'beyex te bila ya awalic te ma xju' yu'un sujt'esel te acontroique, soc te ma xju' ta controc'optayel yu'unique.

San Juan 5:21

Melel te Jtatic Diose ya me xcuxes te animaetique, soc ya yac'bey xcuxlejal. Ja' nanix jich uuc te Nich'anile ya me yac' cuxinuc uuc te mach'atic ya sc'an yo'tan te ya yac' cuxinuque.

2 Corintios 5:10

Melel jpisiltic ya me xc'o jtejc'an jbatic ta bay chajbajibal yu'un te Cristoe, swenta yu'un juju-jtul ya me yich' te bila ya xc'ot ta swentae, chican te bila spasoj te c'alal snainej to a te sbaq'uetale, chican teme leque o teme ma lecuque.

Jeremías 17:10

Jo'on Ajwalilon, ya jna' stsajtayel te o'tanile soc ya jna' c'alal ta yutil o'tanil te bila yac sna'ele. Jich yu'un ya cac'bey stoj juju-jtul, ja' chican te bit'il ay te yat'elique —xi' te Cajwaltique.

Génesis 1:26

Soc la yal: “Ya me jpastic winic te jich yilel te bit'il jo'otique. Ja' me ya swentain spisil te xchayul ja'etic, spisil te mutetic, spisil te alaq'uil chambalametic, te ja'mal chambalametic, soc spisil te chanetic te ya stas sbaic ta lumq'uinale”, xi'.

San Juan 3:3

Te Jesús jich la yalbey: —Jamal ya calbat, ja' te mach'a ma xcha'ayin xan, ma xju' ya yil te bit'il ay ta ajwalinel te Diose —xi'.

Proverbios 2:6

Melel ja' Cajwaltic te ya yac' te p'ijil-o'tanil, p'ijil c'op soc te p'ijil jolole, ja' ya xloc' tel ta ye stuquel.

Salmos 138:3

Te c'alal la jc'oponat, la ajac'bon jc'op; soc la awac'bon esmajuc xan quip.

Salmos 50:6

Te ch'ulchan ya yac' ta na'el te ja' toj ya xchajbanwan te Diose.

Génesis 1:1

12Ta xjajch'ibal Dios la spas spisil te bitic aye, ch'ulchan balumilal.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.

Colosenses 1:16

Ja' ta swenta Cristo te la xchicnantes spisil a te Diose, te bitic ay ta ch'ulchane soc te bitic ay ta balumilale, te bila chican ta ilele soc te bila ma chicanuc ta ilele, jich bit'il te jmandalteswanejetic, soc ajwaliletic, soc te mach'atic tulan yat'el yich'ojique, soc spisil te mach'atic ay yu'elique. Spisil la yich' chicnantesel ta swenta te Cristoe, soc spisil ay ta swenta stuquel.

Filipenses 4:13

Spisil ya xju' cu'un ta swenta Cristo te ya yac'bon yip co'tane.

Filipenses 3:21

Ya me xtal sc'atp'unbotic jbaq'uetaltic te ma'yuc yutsile, swenta yu'un pajal ya xc'ot soc sbaq'uetal te ay yutsilal stuquele. Jich me ya spas ta swenta yu'el, te ja' nix ya spas ta mandal a spisil te bitic aye.

Efesios 3:16

Ja' ya jc'anbey te Tatil te ya yac'beyex te yutsil sc'ulejale, soc te ya yac'beyex stulanil awo'tanic soc awu'elic ta swenta te Espíritu yu'une,

Efesios 2:5

Te bit'il lajemotic yu'un te mulile, jich la yac'botic jcuxlejaltic ta swenta Cristo. (Ta swenta nax yutsil yo'tan Dios te colemexe.)

2 Corintios 4:14

Yu'un jna'ojtic stojol te bit'il Dios la xcha'cuxes ta bay animaetic te Cajwaltic Jesuse. Ja' nanix jich ya xcha'cuxesotic tel soc te Jesuse, swenta yu'un jun nax ya yic'otic bael tey a te banti aye.

1 Corintios 15:12

Te bit'il ja' yacotic ta xcholel te cha'cux tel te Cristoe, ¿bit'il ay a te ya awalic cha'oxtulex te ma'yuc te cha'cuxele?

Romanos 6:4

Melel te bit'il la quich'tic ja'e, tey la join jbatic ta muquel c'oem soc a. Jich nix te bit'il la yich' cha'cuxesel te Cristo ta bay te animaetic ta swenta yutsil yu'el te Jtatic Diose, jich me ya quich'tic yach'il jcuxlejaltic uuc.

Hechos 2:24

Ja'uc me to, Dios la xcha'cuxes tel te la scoltay loq'uel ta bay xc'uxul te lajele, melel te lajele, ma xju' te jc'axel ya yu'unine.

San Juan 2:19

La yal te Jesuse: —Jinaic in templo to. Ta oxeb nax c'aal ya jcha'pas xan ta yach'il —xi'.

Isaías 44:24

Te Cajwaltic jich ya yalbat, ja' te J'ac'wanej ta libre awu'une, te la xchicnantesat te c'alal ma to x'ayinat a: —Jo'on Ajwalilon, te la jchicnantes spisil te bitic aye; jo'on la jlim bael te ch'ulchane, soc la jtulantes te balumilale, ma'yuc mach'a la scoltayon.

Éxodo 4:11

Te Cajwaltic la yalbey: —¿Mach'a la spasbey ye te ants-winiquetique? ¿Ma bal jo'ucon? Ya xju' jc'atp'un ta uma', cojc' soc ma'sit.

1 Tesalonicenses 4:14

Melel teme jch'uunejtic te laj Jesús soc te cha'cux tele, jich jch'uunejtic te bit'il Dios ya yic' tel soc Jesús spisil te mach'atic xch'uunejic Jesús te way sbaq'uetalique.

Isaías 45:24

Jich me ya yalic: “Ja' nax te Cajwaltic te ay ta swenta tsalaw soc te ay yu'el stuquele”, xiic me. Spisilic mach'atic ya yac' slab yo'tanic ta jtojol, ya me xq'uexawic yu'un.

Colosenses 1:11

Soc ya jc'anbeytic te Diose te yacuc yac'beyex yip awo'tanic ta swenta te yutsil yu'ele, jich me ya xcujch' awu'unic soc ya sts'ijc' awu'unic spisil ta swenta yip awo'tanic.

Salmos 27:14

Ayuc me smuc'ul co'tan yu'un te Cajwale; Ya me jpas tulan, ma me xpejc'aj te co'tane. Jc'axel me ya yac'bon smuc'ul co'tan te Cajwale.

San Mateo 26:39

Been xan bael jtebuc te Jesuse. Tey la stinan sba coel c'alal ta lum ta sc'oponel te Diose. Jich la yal: —Jtat, te yacuc xju' te ma xc'ot ta jwenta in woclajel to, ja'uc me to, ma me ja'uc ya jpas te sc'anjel co'tane. Ja' ac'a pasuc te bila ya sc'an awo'tan atuquele —xi'.

San Juan 6:38

Melel te bit'il coemon tel ta ch'ulchane, ja' tal jpasbey sc'anjel yo'tan te mach'a la sticunon tele. Ma ja'uc tal jpas te bila ya sc'an co'tan jtuquele.

San Juan 12:50

Jna'oj stojol te ya yac' cuxinel sbajt'el q'uinal te smandal te Jtate. Jich yu'un te bila ya cale, ja' ya cal te bila yalojbon te Jtate —xi' te Jesuse.