San Juan 4:34 - Bible in Tzeltal de Oxchuc y Tenejapa

³⁴ Te Jesús jich la yal: —Te jwe'ele ja' te ya jpasbey sc'anjel yo'tan te mach'a la sticunon tele, ja' to chican ya ju'tes.

Nuevo Testamento Tzeltal de Amatenango

³⁴ Pero te Jesuse la yaltalanbe: —Te jweꞌele jaꞌ te ya jpasbe sboluntar te machꞌa la stikonon tale, y jaꞌ to teme juꞌ kuꞌun te yaꞌtele.

Bible in Tzeltal Bachajón

³⁴ Hich halbotic yu'un te Jesús: Ha jwe'el te ya jpas te bin ya sc'an yo'tan te mach'a la sticonon tal soc te ya hu'tesbe te ya'tel.

San Juan 4:34 Referans Kwoze

San Juan 6:38

Melel te bit'il coemon tel ta ch'ulchane, ja' tal jpasbey sc'anjel yo'tan te mach'a la sticunon tele. Ma ja'uc tal jpas te bila ya sc'an co'tan jtuquele.

San Juan 5:30

“Te jo'one ma'yuc bila ya xju' cu'un spasel ta jtuquel. Ya caiy chajbanwanej jich te bit'il pasbilon ta mandale; soc toj te bila ya cal ta chajbanwanej, yu'un ma ja'uc ya jle te sc'anjel co'tan jtuquele. Ja' ya jpasbey sc'anjel yo'tan stuquel te Jtatic Dios te la sticunon tele.

Job 23:12

Spisil ora ja' ya jch'uunbey te sc'ope, ma ja'uc ya jpas te bila ya sc'an co'tan ta jtuquel naxe.

San Juan 17:4

“La caq'uix ta ilel awutsilal ta balumilal. Ju'ix ta pasel cu'un te bila la awac'bon jpase.

San Juan 19:30

Te c'alal la sts'ub te vinagre te Jesuse, jich la yal: —Ju'ix cu'un —xi'. La stinan sjol soc loc' xch'ulel.

San Mateo 26:39

Been xan bael jtebuc te Jesuse. Tey la stinan sba coel c'alal ta lum ta sc'oponel te Diose. Jich la yal: —Jtat, te yacuc xju' te ma xc'ot ta jwenta in woclajel to, ja'uc me to, ma me ja'uc ya jpas te sc'anjel co'tane. Ja' ac'a pasuc te bila ya sc'an awo'tan atuquele —xi'.

San Juan 5:36

Ja'uc me to, ay testigo cu'un te cajal ay sc'oplal yu'un te Juane. Ja' testigo cu'un te at'eliletic yac'ojbon jpas te Jtate. Te at'eliletic te yacon ta spasele, ja' chican ta na'el a te ja' nix la sticunon tel te Jtate.

San Juan 4:32

La yal te Jesuse: —Ay jwe'el jtuquel te ma x'ana'ic stojole —xi'.

San Lucas 19:10

Melel te Nich'anile tal sle soc tal scoltay te mach'atic ch'ayeme —xi' te Jesuse.

Salmos 40:8

Dios cu'un, jo'on ya jmulan spasel te bila ya sc'an awo'tane; quich'oj ta yolil co'tan te mandal awu'une”, xoon.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

San Lucas 15:10

Ya calbeyex te jich nix bin nax yo'tanic te ch'ul abatetic yu'un Dios ta ch'ulchan teme ya sujt'es yo'tan yu'un smul te jtul jmulawile —xi' te Jesuse.

Hechos 20:35

Spisil ora la cac'beyex awilic te bit'il ya sc'an ya x'at'ejotic ta lec ta jpisiltique, swenta yu'un jich me ya jcoltaytic te mach'atic ay swocolic te ma'yuc bi ay yu'unique. Ac'a juluc ta awo'tanic te jich la yal te Cajwaltic Jesuse: “Ja' me bin nax yutsil te mach'a ay bila ya yaq'ue, ma ja'uc te mach'a ay bila ya yich'e”, te xie —xi' te Pabloe.

San Juan 6:33

Melel te waj yu'un Dios, ja' te coix tel ta ch'ulchan te ya yac' cuxlejal ta balumilale —xi' te Jesuse.

San Mateo 3:15

La yal te Jesuse: —Ac'a yich' pasel, melel ya sc'an ya jc'otestic ta pasel spisil te bila ya sc'an yo'tan te Diose —xi'. Jich la yac'bey yich' ja' te Juane.

San Lucas 2:49

La yal te Jesuse: —¿Bistuc te yacalex ta leawe? ¿Yu'un bal ma x'ana'ic te ya sc'an ya cat'elin te bila ay yu'un te Jtate? —xi' te Jesuse.

San Juan 8:29

Te bit'il sticunejonix tel te Jtate, ma ba pijt'emon yu'un. Sjoinejon te Jtate, yu'un ja' nax ya jpas te bila lec yo'tan yu'un —xi'.

San Juan 19:28

Te Jesús sna'oj stojol te spisil ju'ix yu'une. Soc jich la yal swenta yu'un ya xc'ot ta pasel te bila ts'ibubil ta Sjun te Diose: —Taquin co'tan —xi'.

San Mateo 9:19

Jajch' te Jesuse. La sjoin bael te winique. Soc bajt' uuc te jnopojeletique.